Page Text
________________
१४०
निशीथ - छेदसूत्रम् -१
[भा. ४५५ ] वइगाति भिक्खु भावित, सलिंगेणं तु ततियओ भंगो । चरिमो तु निसि वलीए, दिय पेसण रत्ति भोयिसु वा ।।
चू. वतिता गोउलं, “आदि" ग्गहणातो अन्नत्थ वा जत्थ अनुदिए आदिच्चे वेला भवति, सावइया भिक्खूहं अरुणोदए भिक्खग्गहणेण भाविता तो सलिंगेण चेव गेण्हति, इतरहा परलिंगेण वि, पच्छा उदिते आदिच्चे भुंजति । एस एतितो भंगो । चउत्थभंगो निसि राती, बलि असिवादिप्पसमणनिमित्तं कूरो कज्जति, सा बली जत्थ राओ कज्जति तत्थ रातो चेव घेत्तुं अणहियासा विणस्सणभया वा रातो चेव भुंजंति, “निसि बलीए” वा बला भुंजाविज्जंति रण्णा । एस चरिमभंगो अहवा - एस चरिमभंगो अन्नहा भण्णति - दिया पेसण त्ति आगाढकारणे आयरिएण कोति साहू पेसिओ, सो दिवसभुक्खितो रातो पच्चागओ, ताहे अणहियासस्स जाणि रातीए भुंजंति कुलाणि तेसु धेत्तुं रातो चेव दिज्जति । “वा” विकल्पे, दिवा भोजकुलेष्वपि दीयते इत्यर्थः । अहवा रत्तिभोजिसु वत्ति जत्थ जणवतो राओ भुंजति, जहा उत्तरावहे, तत्थ साहवो कारणट्ठिता चरिमभंगं सफलां करेंति । गया रातीभोयणस्स कप्पिया पडिसेवणा, गया राइभोयण पडिसेवणा ।। गता य मूलगुण- पडिसेवणा इति ॥
इदानिं उत्तरगुणपडि सेवणा भण्णति - ते उत्तरगुणा पिंडविसोहादओ अनेगविहा । तत्थ पिंडे ताव दप्पियं च पडिसेवणं भण्णति । तत्थ दप्पिया इमेहिं दारेहिं अनुगंतव्वा - [भा. ४५६ ] पिंडे उग्गम उप्पादणेसण संजोयणा पमाणे य । इंगल धूम कारण, अट्ठविहा पिंडनिजुत्ती ॥ चू. एतीए गाहाए वक्खाणातीदेसनिमित्तं भण्णति - [भा. ४५७]
पिंडस्स परूवणता पच्छित्तं चैव जत्थ जं होति । आहारोवधिसेज्जा, एक्वेक्वेअट्ठ ठाणाई ॥
चू. पिंडस्स परूवणा असेसा जहा "पिंडनिजुत्तीए" तहा कायव्वा । पच्छित्तं च जत्थ जत्थ अवराहे जं तं जहा कप्पपेढियाए वक्खमाणं तहा दट्ठव्वं । आहारो त्ति एस आहारपिंडो एवं अहिं दारेहं वक्खाणितो । एवं उवहीए सेज्जाते त एक्केक्के अट्ठ उग्गमादिदारा दट्ठव्वा । [उवहीए] – “उग्गम उप्पायण, एसणा य संजोयणा पमाणे य । इंगाल धूम कारण अट्ठविहा उवहिनिजुत्ती ॥”
[सेज्जाए] – “उग्गम उप्पायण, एसणे य संजोयणा पमाणे य । इंगाल- धूम - कारण अट्ठविहा से निजुत्ती ॥" एस दप्पिया पडि सेवणा गता । इदानिं कप्पिया भण्णति[भा. ४५८] असिवे ओमोदरिए, रायदुट्टे भये य गेलण्णे । अद्धाणरोघए वा, कप्पिया तीसु वी जतणा ॥
चू. असिवं उद्दाइयाए अभिददुतं दुओमं दुब्भिक्खं, राया वा पदुट्ठो, बोहिगादिभएण वा नट्ठा, गिलाणस्स वा, अद्धाणपडिवण्णगा वा, नगरादिउवरोहे वा ट्ठिता । तीसुवि त्ति आहारउवहि-सेज्जासु जयणा इति पनगहाणीए - जाव - चउगुरुएण वि गेण्हमाणाणा कप्पिया पडिसेवणा भवतीत्यर्थः ॥
Jain Education International
For Private & Personal Use Only
www.jainelibrary.org
| SR No. | 003319 |
| Book Title | Agam Suttani Satikam Part 15 Nishitha |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 484 |
| Language | Prakrit, Sanskrit |
| Classification | Book_Devnagari, Agam, Canon, & agam_nishith |
| File Size | 22 MB |