________________
निरयावलिका-उपाङ्गसूत्रम् - १/१९
मू. (१९) काले णं भंते! कुमारे चउत्थीए पुढवी ए अनंतरं उवट्टित्ता कहिं गच्छहिति ? कहिं उववज्जिहिति ? गोयमा ! महाविदेहे वासे जाई कुलाई भवंति अड्डाई जहा दढप्पइन्नो जाव सिज्झिहिति बुज्झिहिति जाव अंतं काहिति । तं एवं खलु जंबू ! समणेणं भगवया जाव संपत्तेणं निरयावलियाणं पढमस्स अज्झयणस्स अयमट्टे पन्नत्ते ॥
अध्ययनं -१ समाप्तम्
२६
मुनि दीपरत्नसागरेण संशोधिता सम्पादिता निरयावलिका उपाङ्गसूत्रे प्रथम अध्ययनस्य चंद्रसूरिविरचिता वृत्तिः परिसमाप्ता । अध्ययनं - २ - सुकालं
मू. (२०) जइ णं भंते! समणेणं जाव संपत्तेणं निरयावलियाणं पढमस्स अज्झयणस्स अयमट्टे पन्नत्ते, दोच्चस्स णं भंते अज्झयणस्स निरयावलियाणं समणेणं भगवया जाव संपत्तेणं के अट्ठे पत्ते ? एवं खलु जंबू ! तेणं कालेणं तेणं समएणं चंपा नामं नगरी होत्था । पुन्नभद्दे चेइए । कोणिए राया । पउमावई देवी । तत्थ णं चंपाए नयरीए सेणियस्स रनो भज्जा कोणियस्स रन्नो चुल्लमाउया सुकाली नामं देवी होत्था, सुकुमाला । तीसे णं सुकालीए देवीए पुत्ते सुकाले नामं कुमारे होत्था, सुकुमाले । तते णं से सुकाले कुमारे अन्नया कयाति तिहिं दंतिसहस्सेहिं जहा कालो कुमारो निरवसेसं तं चैव जाव महाविदेहे वासे अंतं काहिति ।
अध्ययनं - २ - समाप्तम्
अध्ययनानि - ३ १०
मू. (२१) एवं सेसा वि अट्ठ अज्झयणा नेयव्वा पढमसरिसा, नवरं मायातो सरिसणामाओ निरयावलियातो सम्मत्तातो। निक्खेवो सव्वेसिं भाणियव्वो तहा
अध्ययनानि ३ १० समाप्तानि ।
मुनि दीपरत्न सागरेण संशोधिता सम्पादिता निरयावलिका उपाङ्गसूत्रस्य चंद्रसरि विरचिता टीका परिसमाप्ता ।
१९ अष्टमं उपाङ्गम् निरयावलिका समाप्तम्
Jain Education International
***
For Private & Personal Use Only
www.jainelibrary.org
