Page Text
________________
२८८
जम्बूद्वीपप्रज्ञप्ति-उपाङ्गसूत्रम् ३/१२९ सव्ववइरामई अच्छा सण्हा, गंगा महानईजत्थ पवडई एत्थणं महंएगे गंगप्पवाए कुंडे नामंकुंडे पन्नते सठिं जोअणाई आयामविक्खंभेणं नउअंजोअणसयं किंचिविसेसाहिअंपरिक्खेवेणं, दस जोअणाई उव्वेहेणं अच्छे सण्हे रययामयकूले समतीरे वइरामयपासाणे वइरतले सुवण्णसुब्भरययामयवालुआए वेरुलिअमणिफालिअपडलपच्चोअडे सुहोआरे सुहोत्तारे नानामणितित्थसुबद्धे वट्टे अणुपुव्वसुजायवप्पगंभीरसीअलजले संछण्णपत्तभिसमुणाले बहुउप्पलकुमुअणलिणसुभगसोगंधिअपोंडरीअमहापोंडरीअसयपत्तसहस्सपत्तसयसहस्सपत्तपप्फुल्लकेसरोवचिए छप्पयमहुयरपरिभुजमाणकमले अच्छविमलपत्थसलिले पुण्णे पडिहत्थभमन्तमच्छकच्छभअनेगसउणगणमिहुणपविअरियसदुन्नइअ महुरसरणाइए पासाईए।
से णं एगाए पउमवरवेइयाए एगेण य वनसण्डेणं सव्वओ समंता संपरिस्खित्ते वेइआवनसंडगाणं पउमाणं वण्णओ भाणिअब्बो, तस्स णं गंगप्पवायकुंडस्स तिदिसिं तओ तिसोवाणपडिरूवगापं०, तंजहा-पुरथिमेणंदाहिणेणं पञ्चत्थिमेमं, तेसिणंतिसोवाणपडिरूवगाणं अयमेयारूवे वण्णावासे प०त०-वइरामया नेम्मा रिट्ठामया पइट्ठाणा वेरुलिआमया खंभा सुवण्णरुप्पमया फलया लोहिक्खमईओ सूईओ वयरामया संधी नानामणिमया आलंबणा आलंबणबाहाओत्ति।
तेसिणं तिसोवाणपडिरूवगाणं पुरओ पत्तेअंपत्तेअंतोरणा पन्नता, तेणंतोरणा णाणामणिमया नानामणिमएसुखंभेसु उवणिवठ्ठसंनिविट्ठा विविहमुत्तंतरोवइआविविहतारारूवोवचिआ ईहामिअउसहतुरगणरमगरविहगवालगकिन्नररुरुसरभचमरकुंजरवणलयपउमलयभत्तिचित्ता खंभुग्गयवइरवेइआपरिगयाभिरामा विजाहरजमलजुअलजंतजुत्ताविवि अम्चीसहस्समालणीआ रूवगसहस्सकलिआ मिसमाणा मिब्भिसमाणा चक्खुल्लोअणलेसा सुहफासा सस्सिरीअरूवा घंटावलिचलिअमहुरमणहरसरापासादीआ, तेसिणं तोरणाणं उवरिंबहवे अट्ठमंगलगा पं०, तं०-सोथिए जाव पडिरूवा । तेसि णं तोरणाणं उवरि बहवे किण्हचामरझया जाव सुकिल्लचामरज्झया अच्छा सण्हा रुप्पपट्टा वइरामयदण्डा जलयामलगंधिआ सुरम्मा पासाईया ४, तेसिणंतोरणाणंउप्पिबहवेछत्ताइच्छत्तापडागाइपडागाघंटाजुअला चामरजुअला उप्पलहत्थगा पउमहत्थगा जाव सयसहस्स- पत्तहत्थगा सव्वरयणामया अच्छा जाव पडिरूवा।
___ तस्स णं गंगप्पवायकुंडस्स बहुमज्झदेसभाए एत्थणं महं एगे गंगादीवे नामंदीवे पन्नत्ते अट्ट जोअणाई आयामविक्खंभेणं साइरेगाइं पणवीसं जोअणाई परिक्खेवेमंदो कोसे ऊसिए जलंताओसव्ववइरामए अच्छे सण्हे, से णं एगाए पउमवरवेइआए एगेण य वनसंडेणं सबओ समन्ता संपरिक्खित्तेवण्णओभाणिअब्बो, गंगादीवस्सणं दीवस्स उप्पिं बहुसमरमणिज्जे भूमिभागे पन्नत्ते, तस्स णं बहुमज्झदेसभाए एत्थ णं महं गंगाए देवीए एगे भवणे पन्नत्ते कोसं आयामेणं अद्धकोसंविखंभेणंदेसूणगंचकोसंउद्धं उच्चत्तेणंअणेगखंभसयसण्णिविडेजाव बहुमज्झदेसभाए मणिपेढियाएसयणिज्जे, सेकेणटेणंजावसासए नामधेजे प०तस्सणंगंगप्पवायकुंडस्स दक्खिणिलेणं तोरणेणं गंगामहानई पवूढा समाणी उत्तरद्धभ-स्सवासं एज्जेमाणी २ सत्तहिं सलिलासहस्सेहिं आउरेमाणी २ अहे खण्डप्पवायगुहाए वेअद्धपव्वयं दालइत्ता दाहिणद्धभरहवासं एजेमाणी २ दाहिणद्धभरहवासस्स बहुमज्झदेसभागं गंता पुरत्थाभिमुही आवत्ता समाणी चोद्दसहिं
Jain Education International
For Private & Personal Use Only
www.jainelibrary.org
| SR No. | 003317 |
| Book Title | Agam Suttani Satikam Part 13 Jambudwip pragnapati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 564 |
| Language | Prakrit, Sanskrit |
| Classification | Book_Devnagari, Agam, Canon, & agam_jambudwipapragnapti |
| File Size | 13 MB |