Page Text
________________
वक्षस्कारः-३
१९३
तए णं से भरहे राया तं दिव्वं चक्करयणं गंगाए महानईए दाहिणिल्लेणं कूलेणं पुरथिमं दिसिंमागहतित्थामिमुहं पयातं पासइ २ ता हट्टतुट्ठ जाव हियए कोडुबिअपुरिसे सद्दावेइ २ ता एवं वयासी-खिप्पामेव भो देवाणुप्पिआ! आभिसेकं हत्थिरयणं पडिकप्पेह हयगयरहपवरजोहकलिअंचाउरंगिणिं सेन्नं सण्णाहेह, एतमाणत्तिअंपञ्चप्पिणह।
तए णं ते कोडुंबिअ जाव पञ्चप्पिणंति, तए णं से भरहे राया जेणेव मजणघरे तेणेव उवागच्छइरत्तामजणघरं अनुपविसइ२त्तासमुत्तजालाभिरामेतहेवजावधवलमहामेहनिग्गए इव ससिव्व पियदंसणे नरवई मजणधराओ पडिनिक्खमइ २ ता हयगयरहपवरवाहणभडचडगरपहकरसंकुलाए सेणाएपहिअकित्तीजेणेवबाहिरिआउवट्ठाणसाला जेणेवआभिसेक्केहत्थिरयणे तेणेव उवागच्छइ २ ता अंजणगिरिकडगसण्णिभंगयवई नरवई दुरूढे ।
तएणं से भरहाहिवेनरिदे हारोत्थए सुकयरइयवच्छे कुंडलउज्जोइआणणे मउडदित्तसिरए नरसीहे नरवई नरिंदे नरवसहे मरुअरायवसभकप्पे अब्भहिअरायतेअलच्छीए दिप्पमाणे पसत्थमंगलसएहिं संथुव्वमाणे जयसद्दकयालोए हथिखंधवरगए सकोरंटमल्लदामेणं छत्तेणं धरिज्जमाणेणं सेअवरचामराहिं उडुब्वमाणीहिं २ जक्खसहस्ससंपरिवुडे वेसमणे चेव घनवई अमरवइसण्णिभाइ इडीएपहिअकित्ती गंगाए महानईए दाहिणिल्लेणं कूलेणं गामागरनगरखेडकब्बडमडंबदोणमुहपट्टणासमसंबाहसहस्समंडिअंथिमिअणएइणीअं वसुहं अभिजिणमाणे २ अग्गाइंवराई रयणाइंपडिच्छमाणे २ तंदिव्वंचक्करयणंअनुगच्छमाणे २ जोअणरिआहिं वसहीहिं वसमाणे २ जेणेव मागहतित्थे तेणेव उवागच्छइ २ त्ता मागहतित्थस्सअदूरसामंते दुवालसजोयणायामनवजोअणविच्छिन्नंवरणगरसरिच्छं विजयखंधावारनिवेसंकरेइ२ तावडइरयणंसद्दावेइ रत्ता एवं वयासी-खिप्पामेवभो देवा० ममं आवासंपोसहसालंच करेहि करेत्ताममेअमाणत्तिअं पञ्चप्पिणाहि, तए णं से वड्डइरयणे भरहेणं रन्ना एवं वुत्ते समाणे हट्टतुट्टचित्तमा दिए पीइमणे जाव अंजलिं कटु एवं सामी तहत्ति आणाए विनएणं वयणं पडिसुणेइ २ ता भरहस्स रन्नो आवसहं पोसहसालं च करेइ २ त्ता एअमाणत्तिअंखिप्पामेव पच्च०
तएणं से भरहे राया आमिसेक्काओ हत्थिरयणाओ पच्चोरुहइ २ ताजेणेव पोसहसाला तेणेव उवागच्छइ २ ता पोसहसालं अनुपविसइ २ ता पोसहसालं पमजइ २ ता दमसंथारगं संथरइ २ तादब्भसंथारगंदुरूहइ २ ता मागहतित्थकुमारस्स देवस्स अट्ठमभत्तं पगिण्हइ २ त्ता पोसहसालाए पोसहिए बंभयारी उम्मुक्कमणिसुवण्णे ववगयमालावण्णगविलेवणे निक्खित्तसत्थमुसले दब्भसंथारोवगए एगे अबीए अट्ठमभत्तं पडिजागरमाणे २ विहरइ । तए णं से भरहे राया अट्ठमभत्तंसि परिणममाणंसि पोसहसालाओ पडिनिक्खमइ २ ता जेणेव बहिरिआ उवट्ठाणसाला तेणेवं उवागच्छइ २ ता कोडुबिअपुरिसए सद्दावेइ २ ता एवं वयासी-खिप्पामेव भोदेवा० हयगयरहपवरजोहकलिअंचाउरंगिणिं सेनंसण्णाहेइचाउग्घंटआसरहंपडिकप्पेहत्तिक? मज्झणघरं अनुपविसइ २ ता समुत्त तहेव जाव धवलमहा- मेहनिग्गए जाव मजणघराओ पडिनिक्खमइ २ ता हयगयरहपवरवाहण जाव सेनावइ पहिअकित्ती जेणेव बाहिरिआ उवट्ठाणसाला जेणेव चाउग्घंटे आसरहे तेणेव उवगच्छइ २ ता चाउग्घंटे दुरुढे । 1313
Jain Education International
For Private & Personal Use Only
www.jainelibrary.org
| SR No. | 003317 |
| Book Title | Agam Suttani Satikam Part 13 Jambudwip pragnapati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 564 |
| Language | Prakrit, Sanskrit |
| Classification | Book_Devnagari, Agam, Canon, & agam_jambudwipapragnapti |
| File Size | 13 MB |