Page Text
________________
१२०
जम्बूद्वीपप्रज्ञप्ति-उपाङ्गसूत्रम् २/३७ अस्थि णं भंते ! तीसे समाए भरहे वासे मायाइ वा पियाइ वा भाय० भगिणि० भजा० पुत्त० धूआ० सुण्हाइ वा?, हंता अस्थि, नो वेवणं तिव्वे पेम्मबंधणे समुप्पजइ।
अस्थि णं भंते ! भरहे वासे अरीइ वा वेरिएइ वा घायएइ वा वहएइ वा पडिनीयए वा पञ्चाभित्तेइ वा?, नो इणढे समझे, ववगयवेराणुसया णं ते मणुआ पन्नत्ता समणाउसो!।
अस्थि णं भंते ! भरहे वासे मित्ताइ वा वयंसाइवा नायएइ वा संघाडिएइ व सहाइ वा सुहीइ वा संगएइति वा?, हंता अस्थि, नो चेवणं तेसिं मणुआणं तिब्वे रागबंधणे समुप्पजइ, अस्थि णं भंते ! भरहे वासे आवाहाइ वा वीवाहाइ वा जण्णाइ वा सद्धाइ वा थालीपागाइ वा मितपिंडनिवेदणाइ वा?, नो इणढे समढे, वयगयआवाहवीवाहजण्णसुद्धथालीपाकमितपिंडनिवेदणाणं ते मणुआ पनत्ता समणाउसो!। .
अत्थिणं भंते! भरहे वासे इंदमहाति वा खंद० नाग० जख० भूअ० अगड० तडाग० दह० नदि० रुक्ख० पव्वय० थूभ० चेइयमहाइ वा?, नो इणढे समढे, ववगयमहिमा णं ते मणुआ पं०, अस्थि णं भंते ! भरहे वासे णडपेच्छाइ वा णट्ट० जल्ल० मल्ल० मुट्ठिअ० वेलंबग० कहग० पवग० लासगपेच्छाइ वा ? नो इणढे स०, ववगयकोउहल्ला णं ते मणुआ प० स०!।
अस्थि णं भंते ! भरहे वासे सगडाइ वा रहाइ वा जाणाइ वा जुग्ग० गिल्लि० थिल्लि० सीअ० संदमाणिआइ वा ? नो इणढे समढे, पायचारविहारा णं ते मणुआ पं० समणाउसो!, अत्थिणं भंते ! भरहे वासे गावीइ वा महिसीइ वा अयाइ वा एलगाइवा?, हंता अस्थि, नो चेव णं तेसिं मणुआणं परिभोगत्ताए हव्वमागच्छंति, अस्थि णं भंते ! भरहे वासे आसाइ वा हत्थि० उट्ट० गोण० गवय० अय० एलग० पसय० मिअ० वराह० रुरु० सरभ० चमर० कुरंगगोकण्णमाइआ?, हंता अस्थि, नो चेवणं तेसिं परिभोगत्ताए हव्वमागच्छति।
अस्थिणंभंते! भरहे वासेसीहाइवावग्घाइवा वगदीविगअच्छतरच्छसिआलविडालसुणगकोकंतियकोलसुणगाइ वा ?, हंता अस्थि, नो चेव णं तेसिं मणुआणं आबाहं वा वाबाहं वा छविच्छेअंवा उप्पायेंति, पगइभद्दया णं ते सावयगणा पं० समणाउसो!, अस्थि णं भंते ! भरहे वासे सालीति वा वीहिगोहूमजवजवजवाइवाकलममसूरमुग्गमासतिलकुलत्थणिप्फावआलिंसंदगअयसिकुसुंभकोवकंगुवरगरालगसणसरिसवमूलगवीआइ वा?, हंता अस्थि, नो वेवणं तेसिं मणुआणं परिभोगत्ताए हव्वमागच्छति।
अस्थि णं भंते ! भरहे वासे गड्डाइ वा दरीओवायपवायविसमविजलाइ वा?, नो इणढे समढे, भरहे वासे बहुसमरमणिज्जे भूमिभागे पन्नत्ते, से जहाणामए आलिंगपुक्खरेइ वा०, अस्थि णं भंते ! भरहे वासे खाणूइ वा कंटगतणयकयवराइ वा पत्तकयवराइ वा?, नो इणढे समढे, ववगयखाणुकंटगतणकयवरपत्तकयवराणं सा समा पन्नत्ता, अस्थिणं भंते ! भरहे वासे डंसाइ वा मसगाइ वा जूआइ वा लिक्खाइ वा ढिंकुणाइ वा पिसुआइ वा, ?, नो इणढे समढे, ववगयडंसमसगजूअलिक्खढिंकुणपिसुआ उवद्दवविरहिआणं सा समा पन्नत्ता।
अस्थि णं भंते ! भरहे अहीइ वा अयगराइ वा?, हंता अस्थि, नो चेवणं तेसिं मणुआणं आबाहं वा जाव पगइभद्दया णं ते वालगगणा पन्नत्ता, अस्थि णं भंते! भरहे डिंबाइ वा डमराइ वा कलहबोलखारवइरमहाजुद्धाइ वा महासंगामाइ वा महासत्थपडणाइ वा महापुरिसपडणाइवा?,
Jain Education International
For Private & Personal Use Only
www.jainelibrary.org
| SR No. | 003317 |
| Book Title | Agam Suttani Satikam Part 13 Jambudwip pragnapati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 564 |
| Language | Prakrit, Sanskrit |
| Classification | Book_Devnagari, Agam, Canon, & agam_jambudwipapragnapti |
| File Size | 13 MB |