Page Text
________________
सूर्यप्रज्ञप्तिउपाङ्गसूत्रम् ११/-/९८ चुण्णियाभागा सेसा, तं समयं सूरे केणं नक्खत्तेणं जोएति ?, ता पुनव्वसुणा, पुनव्वसुस्स सोलस मुहुता अट्ठय बावट्टिभागा मुहुत्तस्स वावट्ठिभागं च सत्तट्ठिहा छेत्ता वीसं चुण्णियाभागा सेसा ।
ता एएसि णं पंचण्हं संवच्छराणं दोच्चस्स णं चंदसंवच्छरस्स के आदी आहितेति वदेज्जा ता जेणं पढमस्स चंदसंवच्छरस्स पजवसाणे से णं दोघस्स णं चंदसंवच्छरस्स आदी अनंतरपुरक्खडे समये, ता सेणं किंपजवसिते आहितेति वदेज्जा ?, ता जे णं तच्चस्स अभिवड्ढियसंवच्छरस्स आदी से णं दोस्स कंवच्छरस्स पज्जवसाणे अनंतरपच्छाकडे समये ।
२१०
तं समयं च णं चंदे केणं नक्खत्तेणं जोएति ?, ता पुव्वाहिं आसाढाहिं, पुव्वाणं आसाढाणं सत्त मुहुत्ता तेवन्नंच बावट्ठिभागा मुहुत्तस्स बावट्टिभागं च सत्तट्ठिधा चेत्ता इगतालीसं चुण्णियाभागा सेसा, तं समयं च णं सूरे केणं नक्खत्तेणं जोएति ?, ता पुनव्वसुणा, पुनव्वसुस्स णं बायालीसं मुहुत्ता पणतीसंच बावट्टिभागा मुहुत्तस्स बावट्ठिभागं च सत्तट्ठिधा छेता सत्त चुण्णिया भागा सेसा ।
ता एतेसि णं पंचण्हं संवच्छराणं तच्चस्स अभिवड्ढितसंवच्छरस्स के आदी आहिताि वदेज्जा ?, ता जे णं दोच्चस्स चंदसंवच्छरस्स पज्जवसाणे से णं तच्चस्स अभिवड्ढितसंवच्छरस्स आदी अनंतरपुरक्खडे समए, ता से णं किंपज्जवसिते आहितेति वदेज्जा ?, ता जे णं चउत्थस्स चंदसंवच्छरस्स आदी से णं तच्चस्स अभिवड्ढितसंवच्छरस्स पज्जवसाणे अनंतरपच्छाकडे समए । तं समयं चणं चंदे केणं नक्खत्तेणं जोएति ?, ता उत्तराहिं आसाढाहिं, उत्तराणं आसाढाणं तेरस मुहुत्ता तेरस य बावट्टिभागा मुहुत्तस्स बावट्ठिभागं च सत्तट्ठिधा छेत्ता सत्तावीसं चुण्णिया भागा सेसा, तं समयं च णं सूरे केणं नक्खत्तेणं जोएति ?, ता पुनब्वसुणा, पुनव्वसुस्स दो मुहुत्त छप्पन्नं बावट्ठिभागा मुहुत्तस्स बावट्ठिभागं च सत्तट्ठिधा छेत्ता सट्ठी चुण्णिया भागा सेसा ।
ता एएसि णं पंचहं संवचच्छूराणं चउत्थस्स चंदसंवच्छरस्स के आदी आहितेति वदेज्जा ?, ताणं तच्चस अभिवड्ढितसंवच्चरस्स पज्जवसाणे से णं चउत्थस्स चंदसंवच्छरस्स आदी अनंत'रपुरक्खडे समये, ता से णं किंपजवसिते आहितेति वदेज्जा ?, ता जे णं चरिमस्स अभिवढियसंवच्छरस्स आदी से णं चउत्थस्स चंदसंवच्छरस्स पज्जवसाणे अनंतरपच्छाकडे समये, तं समयं चणं चंदे केणं नक्खत्तेणं जोएति ?, ता उत्तराहिं आसाढाहिं, उत्तराणं आसाढाणं चत्तालीसं मुहुत्ता चत्तालीसं च बासट्ठिभागा मुहुत्तस्स बावट्ठिभागं च सत्तट्ठिधा छेता चउसट्ठि चुण्णियाभागा सेसा ।
तं समयं च णं सूरे केणं नक्खत्तेणं जोएति ?, ता पुनव्वसुणा, पुनव्वसुस्स अउनतीसं मुहुत्ता एकवीसं बावट्ठभागा मुहुत्तस्स बावट्ठिभागं च सत्तट्ठिधा छेत्ता सीतालीसं चुण्णिया भागा सेसा, ता एतेसि णं पंचण्हं संवच्छराणं पंचमस्स अभिवड्ढितसंवच्छरस्स के आदी आहिताति वदेज्जा ?, ता जे णं चउत्थस्स चंदसंवच्छरस्स पज्रवसाणे से णं पंचमस्स अभिवड्ढितसंवच्छरस्स आदी अनंतरपुरक्खडे समये ।
ता सेणं किं पज्जवसिते आहितेति वदेज्जा ?, ता जे णं पढमस्स चंदसंवच्छरस्स आदी से णं पंचमस्स अभिवड्ढित संवच्छरस्स पज्जवसाणे अनंतरपच्छाकडे समये ।
तं समयं च णं चंदे केणं नक्खत्तेणं जोएति ?, ता उत्तराहिं आसाढाहिं, उत्तराणं चरमसमये, तं समयं च णं सूरेकेण नक्खत्तेणं जोएति ?, ता पुस्सेणं, पुस्सस्स णं एक्कवीसं मुहुत्ता तेतालीसं च बावट्ठभागे मुहुत्तस्स बावट्ठिभागं सत्तट्ठिधा छेत्ता तेत्तीसं चुण्णिया भागा सेसा ॥
Jain Education International
For Private & Personal Use Only
www.jainelibrary.org
| SR No. | 003316 |
| Book Title | Agam Suttani Satikam Part 12 Suryapragnapti Chandrapragnapati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 340 |
| Language | Prakrit, Sanskrit |
| Classification | Book_Devnagari, Agam, Canon, agam_suryapragnapti, & agam_chandrapragnapti |
| File Size | 20 MB |