Page Text
________________
पदं- १५, उद्देशकः - २, द्वारं -
नत्थि, केवइया दव्विंदिया अतीता ?, नत्थि, केवइया बद्धेल्लगा?, नत्थि, केवइया पुरेक्खडा ?, असंखिज्जा, एवं सव्वट्टसिद्धगदेवत्तेवि, एवं जाव पंचिंदियतिरिक्खजोणिया सव्वट्टसिद्धगदेवत्ते भाणियव्वं, नवरं वणस्सइकाइयाणं विजयवेजयंतजयंत अपराजितदेवत्ते सव्वट्ठसिद्धगदेवत्ते य पुरेक्खडा अनंता, सव्वेसिं मणूससव्वट्टसिद्धगवज्जाणं सट्टाणे बद्धेल्लगा असंखेज्जा, परद्वाणे बद्धेल्लगा नत्थि, वणस्सइकाइयाणं बद्धेल्लगा अनंता, मणूसाणं नेरइयत्ते अतीता बद्धेल्लगा नत्थि पुरेक्खडा अनंता, एवं जाव गेवेज्जगदेवत्ते, नवरं सट्ठाणे अतीता अनंता बद्धेल्लगा सिय संखेज्जा सिय असंखेज्जा पुरेक्खडा अनंता,
२७
मणूसाणं भंते! विजयवेजयंतजयंत अपराजितदेवत्ते केवइया दव्विंदिया अतीता ?, संखेजा, केवइया बद्धेल्लगा ?, नत्थि, केवइया पुरेक्खडा ?, सिय संखेज्जा सिय असंखेज्जा, एवं सव्वट्टसिद्धगदेवत्ते अतीता नत्थि बद्धेल्लगा नत्थि पुरेक्खडा असंखेज्जा, एवं जाव गेवेज्जगदेवाणं, विजयवेजंयतजयंत अपराजितदेवाणं भंते ! नेरइयत्ते केवइया दव्विंदिया अतीता ?, गो० ! अनंता, केवइया बद्धेल्लगा ?, नत्थि, केवइया पुरेक्खडा ?, नत्थि, एवं जाव जोइसियत्तेवि, नवरं मणूसत्ते अतीता अनंता, केवइया बद्धेल्लगा ?, नत्थि, पुरेक्खडा असंखिज्जा, एवं जाव वेजगदेवत्ते सड्डाणे नत्थि बद्धेल्लगा नत्थि पुरेक्खडा असंखेज्जा,
सव्वट्टसिद्धगदेवाणं भंते! नेरइयत्ते केवतिया दव्विंदिया अतीता ?, गो० ! अनंता, केवतिया बद्धेल्लगा ?, नत्थि, केवतिया पुरेक्खडा ?, नत्थि, एवं मणूसवज्रं ताव गेवेज्जगदेवत्ते, मणुसत्ते अतीता अनंता, बद्धेल्लगा नत्थि, पुरेक्खडा संखेज्जा, विजयवेजयंतजयंत अपराजितदेवत्ते केवइया दव्विंदिया अतीता ?, संखेज्जा, केवइया बद्धेल्लगा ?, नत्थि, केवइया पुरेक्खडा ?, नत्थि, सव्वट्ठसिद्धगदेवाणं भंते! सव्वसिद्धगदेवत्ते केवइया दव्विंदियां अतीता ?, नत्थि केवइया बद्धे लगा ?, संखिज्जा, केवइया पुरेक्खडा ?, नत्थि, दारं ११ ।
कति णं भंते! भाविंदिया, पं० ?, गो० ! पंच भाविंदिया, पं० तं०-सोतिंदिए जाव फासिंदिए, नेरइयाणं भंते! कति भाविंदिया पं० ?, गो० ! पंच भाविंदिया पं०, तं० - सोतिंदिते जाव फासिंदिते, एवं जस्स जइ इंदिया तस्स तइ भाणितव्वा, जाव वेमाणियाणं, एगमेगस्स णं भंते! नेरइयस्स केवइया भाविंदिया अतीता ?, गो० ! अनंता, केवइया बद्धेल्लगा ?, पंच, केवइया पुरेक्खडा ?, पंच वा दस वा एक्कारस वा संखेज्जा वा असंखेज्जा वा अनंता वा, एवं जाव थणियकुमारस्सवि, एवं पुढविकाइय आउकाइयवणस्सइकाइयस्सवि, बेइंदियतेइंदियचउरिदियस्सवि, तेउकाइयवाउकाइयस्सवि एवं चेव, नवरं पुरेक्खडा छ वा सत्त वा संखज्जा वा असंखेजा वा अनंता वा,
पंचिंदियतिरिक्खजोणियस्स जाव ईसाणस्स जहा असुरकुमारस्स, नवरं मणूसस्स पुरेक्खडा कस्सइ अत्थि नत्थित्ति भाणियव्वं, सणकुमार जाव गेवेज्जगस्स जहा नेरइयस्स, विजयवेजयंतजयंत अपराजितदेवस्स अतीता अनंता, बद्धेल्लगा पंच, पुरेक्खडा पंच वा दस वा पन्नरस वा संखेज्जा वा, सव्वट्टसिद्धगदेवस्स अतीता अनंता, बद्धेल्लगा पंच, केवइया पुरेक्खडा ?, पंच । नेरइयाणं भंते! केवइया भाविंदिया अतीता ?, गो० ! अनंता, केवइया बद्धेल्लगा ?, असंखेजा, केवइया पुरेक्खडा ?, अनंता एवं जहा दव्विंदिएस पोहत्तेणं दंडतो भणितो तहा भाविंदिएसुवि पोहत्तेणं दंडतो भाणियव्वो, नवरं वणस्सइकाइयाणं बद्धेल्लगा अनंता, एग्मेगस्स
Jain Education International
For Private & Personal Use Only
www.jainelibrary.org
| SR No. | 003315 |
| Book Title | Agam Suttani Satikam Part 11 Pragnapana |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 342 |
| Language | Prakrit, Sanskrit |
| Classification | Book_Devnagari, Agam, Canon, & agam_pragyapana |
| File Size | 19 MB |