Page Text
________________
पदं-, उद्देशकः-, द्वारं
(पदं-२ - “स्थान") वृतदेवंव्याख्यातंप्रथमपदं, सम्प्रति द्वितीयंपदमारभ्यते, तस्यचायमभिसंबन्धः-प्रथमपदे पृथ्वीकायादयः प्ररूपिताः, इह तु तेषामेव स्थानानि प्ररूप्यन्ते, तत्र चेदमादिसूत्रम्
मू. (१९२) कहि णं भंते ! बादरपुढवीकाइयाणं पञ्जत्तगणं ठाणा प०?, गोयमा ! सट्ठाणेणंअट्ठवीसु, तं०-रयणप्पभाए सक्करप्पभाएवालुयप्पभाए पंकप्पभाएधूमप्पभाए तमप्पभाए तमतमप्पभाए ईसीप्पड्भाराए, अहोलोए पायालेसुभवणेसुभवणपत्थडेसुनिरएसुनिरयावलियासु निरयत्थडेसु, उड्डलोए कप्पेसु विमाणेसु विमाणवलियासु विमाणपत्थडेसु, तिरियलोए टंकेसु कूडेसु सेलेसु सिहरीसु पब्भारेसु विजएसु वक्खारेसु वासेसु वासहरपव्वएसु वेलासु वेइयासु दारेसु तोरणेसु दीवेसु समुद्देसु, एत्थ णे बायरपुढवीकाइयाणं पञ्जत्तगाणं ठाणा प०, उववाएणं लोयस्स असंखेजभगे समुग्धायेणं लोयस्स, असंखेज्जभागे सट्ठाणेणं लोगस्स असंखेजभागे।
कहिणं भंते! बादरपुढवीकाइयाणं अपज्जत्तगाणं ठाणा पं०?, गोयमा! जत्थेव बादरपुढवीकाइयाणं पञ्जत्तगाणं ठाणा पन्नत्ता तत्थेव बादरपुढवीकाइयाणं अपज्जत्तगाणं ठाणा प०, उववाएणं सव्वलोए समुग्घाएणं सव्वलोए सट्ठाणेणं लोयस्स असंखेजइभागे । कहि णं भंते ! सुहुमपुढवीकाइयाणं पजत्तगाणं अपज्जत्तगाण य ठाणा प०?, गोयमा ! सुहुमपुढवीकाइया जे पजत्तगाजे अपजत्तगातेसवे एगविहाअविसेसाअनाणत्तासव्वलोयपरियावन्नगाप० समणाउसो
कहि णं भंते ! बादरआउकाइयाणं पजत्तगाणं ठाणा प०?, गोयमा ! सट्ठाणेणं सत्तसु घनोदहीसु सत्तसु घनोदहिवलयेसु अहोलोए पायालेसु भवणेसु भवणपत्थडेसु उड्डलोए कप्पेसु विमाणेसु विमाणावलियासु विमाणपत्थडेसु तिरियलोए अगडेसु तलायेसु नदीसु दहेसु वावीसु पुस्खरिणीसु दीहियासु गुंजालियासु सरेसु सरपंतियासु सरसरपंतियासु बिलेसु बिलपंतियासु उज्झरेसुनिज्झरेसुचिल्ललएसुपल्ललएसुवप्पणेसुदीपेसुसमुद्देसुसब्बेसुचेवजलासएसुजलट्ठाणेसु एत्थणंबादरआउकाइयाणं पज्जत्तगाणं ठाणा पं०, उववाएणं लोयस्सअसंखेज्जइभागे समुग्घायेणं लोयस्स असंखेज्जइभागे सट्टाणेणं लोयस्स असंखेजइभागे।
कहि णं भंते ! बादरआउकाइयाणं अपज्जत्तगाणं ठाणा पं०?, गोयमा ! जत्थेव बादरआउकाइयाणं पञ्जत्तगाणं ठाणा प० तत्थेव बादरआउकाइयाणं अपञ्जत्तगाणं ठाणा प० उववाएणं सव्वलोए समुग्घायेणं सव्वलोए सट्ठाणेणं लोयस्स असंखेजइभागे।
कहि णं भंते ! सुहुमआउकाइयाणं पज्जत्तगाणं अपज्जत्तगाणं ठाणा प०?, गोयमा ! सुहुमआउकाइया जे पजत्तगा जे अपञ्जत्तगा ते सव्वे एगविहा अविसेसा अनाणत्ता सव्वलोयपरियावन्नगा प० समणाउसो!।।
कहिणंभंते! बायरतेउकाइयाणं पजत्तगाणं ठाणा प०, गोयमा! सट्टाणेणं अंतोमणुस्सखेत्ते अड्डाइजेसु दीवसमुद्देसु निव्वाघायेणं पन्नरससु कम्मभूमीसु वाघायं पडुच्च पंचसु महाविदेहेसु एत्थणंबादरतेउकाइयाणं पज्जत्तगाणं ठाणा प० उववाएणं लोयस्स असंखेजइभागे समुगघाएणं लोगस्स असंखेज्जइभागे सट्ठाणेणं लोयस्स असंखेजइभागे।
Jain Education International
For Private & Personal Use Only
www.jainelibrary.org
| SR No. | 003314 |
| Book Title | Agam Suttani Satikam Part 10 Pragnapana |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 324 |
| Language | Prakrit, Sanskrit |
| Classification | Book_Devnagari, Agam, Canon, & agam_pragyapana |
| File Size | 19 MB |