Page Text
________________
पदं - ७, उद्देशक:-, द्वारं
साइरेगं दोण्हं पक्खाणं उक्कोसेणं साइरेगं सत्तणहं पक्खाणं जाव नीससंति वा, ।
बंभलोगदेवा णं भंते! केवतिकालस्स आणमंति वा जाव नीससंति वा ?, गोयमा ! जहणं सत्तण्हं पक्खाणं उक्कोसेणं दसण्हं पक्खाणं जाव नीससंति वा, लंतगदेवा णं भंते! केवतिकालस्स आणमंति वा जाव नीससंति वा?, गोयमा ! जहन्त्रेणं दसण्हं पक्खाणं उक्कोसेणं चउदसण्हं पक्खाणं जाव नीससंति वा, । महासुक्कदेवा णं भंतो ! केतविकालस्स आणमंति वा जाव नीससंति वा?, गोयमा ! जहन्त्रेणं चउदसण्हं पक्खाणं उक्कोसेणं सत्तरसण्हं पक्खाणं जाव नीससंति वा, सहस्सारगदेवा णं भंते! केवतिकालस्स आणमंति वा जाव नीससंति वा ? गोयमा जहन्त्रेणं सत्तर सण्हं पक्खाणं उक्कोसेणं अट्ठारसण्हं पक्खाणं जाव नीससंति वा, ।
आणयदेवा णं भंते! केवतिकालस्स जाव नीससंति वा ? गोयमा ! जहन्नेणं अट्ठारसहं पक्खाणं उक्कोसेणं एगूणवीसाए पक्खाणं जाव नीससंति वा, पबाणयदेवा णं भंते! केवतिकालस्स जाव नीससंति वा?, गोयमा ! जहन्नेणं एगूणवीसाए पक्खाणं उक्कोसेणं बीसाए पक्खाणं जाव नीससंति वा, आरणदेवा णं भंते! केवतिकालस्स जाव नीससंति वा ?, गोयमा ! जहन्नेणं वीलाए पक्खाणं उक्कोसेणं एगवीसाए पक्खाणं जाव नीससंति वा, अच्चुयदेवाणं भंते! केवतिकालस्स जाव नीससंति वा?, गोयमा ! जहन्त्रेणं एवीसाए पक्खाणं उक्कोसेणं बावीसाए पक्खाणं जाव नीससंति वा ।
२३१
हिमहिट्ठिमगेविज्जगदेवा णं भंते! केवतिकालस्स जाव नीससंति वा?, गोयमा ! जहन्नेणं बावीसाए पक्खाणं उक्कोसेणं तेवीसाए पक्खाणं जाव नीससंति वा, हिट्ठिममज्झिमगेविज्जगदेवा णं भंते! केवतिकालस्स जाव नीससंति वा ?, गोयमा ! जहन्नेणं तेवीसाए पक्खाणं उक्कोसेणं चउवीसाए पक्खाणं जाव नीससंति वा, हिट्ठिमउवरिमगेविज्जगा णं देवा णं भंत ! केवतिकालस्स जाव नीससंति वा?, गोयमा जहन्नेणं चउवीसाए पक्खाणं उक्कोसेणं पणवीसाए पक्खाणं जाव नीससंति वा, मज्झिमहिट्ठिमगेविज्रगा णं देवा णं भंते! केवइकालस्स जाव नीससंति वा ?, गोयमा ! जहन्त्रेणं पणवीसाए पक्खाणं उक्कोसेणं छव्वीसाए पक्खाणं जाव नीससंति वा । मज्झिममज्झिमगेविजगाणं देवा णं भंते! केवइकालस्स जाव नीससंति वा?, गोयमा ! जहन्नेणं छव्वीसाए पक्खाणं उक्कोसेणं सत्तावीसाए पक्खाणं जाव नीससंति वा, मज्झिमउवरिमगेविज्जगाणं देवा णं भंते! केवइकालस्स जाव नीससंति वा ?, गोयमा ! जहन्नेणं सत्तावीसाए पक्खाणं उक्कोसेणं अट्ठावीसाए पक्खाणं जाव नीससंति वा, ।
उवरिमहेट्टिमगेविज्जगा णं देवा णं भंते! केवइकालस्स जाव नीससंति वा ?, गोयमा ! जत्रेणं अट्ठावीसाए पक्खाणं उक्कोसेणं एगुणतीसाए पक्खाणंजाव नीससंति वा, उवरिममज्झिमगेविज्जगा णं देवा णं भंते! केवइकालस्स जाव नीससंति वा?, गोयमा ! जहन्त्रेणं एगूणतीसाए पक्खाणं उक्कोसेणं तीसाए पक्खाणं जाव नीससंति वा, उवरिमउवरिमगेविज्जगा णं देवा णं भंते १ केवइकालस्स जाव नीससंति वा ?, गोयमा ! जहन्नेणं तीसाए पक्खाणं उक्कोसेणं एक्कतीसाए पक्खाणं जाव नीससंति वा ।। विजयविजयंतजयंत अपराजितविमाणेसु णं देवा णं भंते ! केवतिकालस्स जाव नीससंति वा ?, गोयमा ! जहन्नेणं एक्कतीसाए पक्खाणं उक्कोसेणं तेत्तीसाए पक्खाणं जाव नीससंति वा, सव्वट्ठगसिद्धदेवा णं भंते! केवतिकालस्स जाव नीससंति वा ?,
Jain Education International
For Private & Personal Use Only
www.jainelibrary.org
| SR No. | 003314 |
| Book Title | Agam Suttani Satikam Part 10 Pragnapana |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 324 |
| Language | Prakrit, Sanskrit |
| Classification | Book_Devnagari, Agam, Canon, & agam_pragyapana |
| File Size | 19 MB |