Page Text
________________
३३४
-
जीवाजीवाभिगमउपाङ्गसूत्रम् ३/दीव०/२०२ मू. (२०२) कम्हाणंभंते! लवणसमुद्दे चाउद्दसट्ठमुद्दिट्टपुन्निमासिणीसुअतिरेगं २ वड्डति वा हायति वा?, गोयमा !जंबुद्दीवस्सणं दीवस्स चउद्दिसिंबाहिरिल्लाओ वेइयंताओ लवणसमुदं पंचानउति २ जोयणसहस्साइंओगाहित्ता एत्थणंचत्तारि महालिंजरसंठाणसंठिया महइमहालया महापायाला प०-वलयामुहे केतूएजूवेईसरे, तेणंमहापाताला एगमेगंजोयणसयसहस्संउब्वेहेणं मूलेदसजोयणसहस्साइविक्खंभेणं मज्झएगपदेसियाएसेढीएएगमेगंजोयणसतसहस्संविखंभेणं उवरिं मुहमूले दस जोयणसहस्साई विक्खंभेणं।
तेसिणं महापायालाणं कुड्डा सव्वत्थ समा दसजयणसतबाहल्ला पन्नत्त सव्ववइरामया अच्छा जाव पडिरूवा । तत्थणं बहवे जीवा पोग्गला य अवक्कमति विउक्कमति चयंति उवचयंति सासयाणं ते कुड्डा दव्वट्ठयाए वण्णपज्जवेहि० असासया।। तत्थणं चत्तारि देवा महिड्डीया जाव पलिओवमद्वितीया परिवसंति, तंजहा-काले महाकाले लंबे पभंजणे।
तेसि णंमहापायासाणं तओ तिभागा पन्नत्ता, तंजहा-हेहिले तिभागे मज्झिल्ले तिभागे उवरिमेतिभागे॥ तेणंतिभागातेत्तीसंजोयणसहस्सा तिन्नियतेत्तीसंजोयणसतंजोयणतिभागं च बाहल्लेणं । तत्थ णंजे से हेडिल्लै तिभागे एत्थ णं वाउकाओ संचिट्ठति, तत्थ णंजे से मझिल्ले तिभागे एत्थ णं वाउकाए य आउकाए य संचिट्ठति, तत्थ णं जे से उवरिल्ले तिभागे एत्थ णं आउकाए संचिट्ठति।
अदुत्तरंचणंगोयमा! लवणसमुद्दे तत्थ २ देसे बहवेखुड्डालिंजरसंठाणसंठिया कुड्डपायालकलसा पण्णत्ता, ते णंखुड्डा पाताला एगमेगंजोयणसहस्सं उव्वेहेणं मूले एगमेगंजोयणसतं विक्खंभेणं मज्झे एगपदेसियाए सेढिए एगमेगं जोयणसहस्सं विक्खंभेणं उप्पिं मुहमूले एगमेगं जोयणसतं विक्खंभेणं । तेसि णं खुड्डागपायालाणं कुड्डा सव्वत्थ समा दस जोयणाई बाहल्लेणं पन्नत्ता सव्ववइरामया अच्छा जाव पडिरूवा । तत्थणंबहवे जीवापोग्गलायजाव असाययावि, पत्तेयं २ अद्धपलिओव- महितीताहिं देवताहिं परिग्गहिया।
तेसिणंखुड्डगपातालाणंततोतिभागाप०, तंजहा-हेडिल्लैतिभागे मझिल्लेतिभागेउवरिल्ले तिभागे, ते णं तिभागा तिन्नि तेत्तीसे जोयणसते जोयणतिभागंच बाहल्लेणं पन्नत्ते।
तत्थ णंजे से हेहिल्लै तिभागे एत्थ णं वाउकाओ मज्झिल्ले तिभागे वाउआए आउयाते य उवरिल्ले आउकाए, एवामेव सपुव्वावरेणं लवणसमुद्दे सत्त पायालसहस्सा अट्ठ य चुलसीता पातालसता भवंतीति मक्खाया॥तेसिणंमहापायालाणं खुडगपायालाण य हेडिममज्झिमिल्लेसु तिभागेसुबहवे ओराला वाया संसेयंति संमुच्छिमंति एयंति चलंति कंपति खुब्भंति घट्टति फंदंति तंतं भावं पिणमंति तयाणं से उदए उण्णामिति ।
जया णं तेसिं महापायालाणं खुड्डागपायालाण य हेडिल्लमझिल्लेसु तिभागेसु नो बहवे ओराला जाव तंतं भावं न परिणमंति तया णं से उदए नो उन्नामिजइ अंतरावि य णं ते वायं उदीरेति अंतरावि यणं से उदगे उण्णामिजइ अंतरावि य ते वाया नो उदीरंति अंतरावि यणं से उदगे नो उण्णामिजइ।
एवं खलुगो० ! लवणसमुद्देचाउद्दसट्टमुद्दिठ्ठपुण्णमासिणीसुअइरेगर वड्डतिवाहायति वा। वृ. 'कम्हाणं भंते!' इत्यादि, कस्माद्भदन्त! लवणसमुद्रे चतुर्दश्यष्टम्युद्दिष्टपौर्णमासीषु
Jain Education International
For Private & Personal Use Only
www.jainelibrary.org
| SR No. | 003313 |
| Book Title | Agam Suttani Satikam Part 09 Jivajivabhigam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_jivajivabhigam |
| File Size | 12 MB |