Page Text
________________
जीवाजीवाभिगमउपाङ्गसूत्रम् ३ / दीव० / १९१
जंबूए णं सुदंसणा अवरुत्तरेणं उत्तरेणं उत्तरपुरत्थिमेणं एत्थ णं अनाढियस्स चउण्हं सामानियसाहस्सीणं चत्तारि जंबूसाहस्सीओ पन्नत्ताओ, जंबूए सुदंसणाए पुरत्थिमेणं एत्थ णं अनाढियस्स देवस्स चउण्हं अग्गमहिसीणं चत्तारि जंबूओ पन्नत्ताओ, एवं परिवारो सव्वो नायव्वो जंबूए जाव आयरक्खाणं । जंबू णं सुदंसणा तिहिं जोयणसतेहिं वनसंडेहिं सव्वतो समंता संपरिक्खित्ता, तंजहा- पढमेणं दोच्चेणं तच्चेणं । जंबूए सुदंसणाए पुरत्थिमेणं पढमं वनसंडं पन्नासं जोयणाई ओगाहित्ता एत्थ णं एगे महं भवणे पन्नत्ते, पुरथिमिले भवणसरिसे भाणियव्वे जाव सयणिज्जं, एवं दाहिणेणं पञ्च्चत्थिमेणं उत्तरेणं ।
३२४
जंबूए णं सुदंसणाए उत्तरपुरत्थिमेणं पढमं वनसंडं पन्नासं जोयणाइं ओगाहित्ता चत्तारि नंदापुक्खरिणीओ पन्नत्ता, तंजहा - पउमा पउमप्पभा चेव कुमुदा कुमुयप्पभा । ताओ णं नंदाओ पुक्खरिणीओ कोसं आयामेणं अद्धकोसं विक्खंभेणं पंचधणुसयाई उव्वेहेणं अच्छाओ सण्हाओ हाओ घट्टाओ मट्ठाओ निप्पंकाओ नीरयाओ जाव पडिरूवाओ वण्णओ भाणियव्वो जाव तोरणत्ति । तासि णं नंदापुक्खरिणीणं बहुमज्झदेसभाए एत्थ णं पासायवडेंसए पन्नत्ते कोसप्पमाणे अद्धकोसं विक्खंभो सो चेव सो वण्णओ जाव सीहासणं सपरिवारं । एवं दक्खिणपुरत्थिमेणवि पन्नासं जोयणा० चत्तारि नंदापुक्खरिणीओ उप्पलगुम्मा नलिना उप्पला उप्पलुज्जला तं चैव पमाणं तहेव पासायवडेंसंगो तप्पमाणो । एवं दक्खिणपच्चत्थिमेणवि पन्नासं जोयणाणं परं - भिंगा भिंगणिभा चेव अंजणा कज्जलप्पभा, सेसं तं चेव ।
जंबू णं सुदंसणाए उत्तरपुरत्थिमे पढमं वनसंडं पन्नासं जोयणाई ओगाहित्ता एत्थ णं चत्तारि नंदाओ पुक्खरिणीओ प० -1 -सिरिकंत सिरिमहिया सिरिचंदा चेव तह य सिरिणिलया । तं चेव पमाणं तहेव पासायवडिंसओ । जंबूए णं सुदंसणाए पुरत्थिमिल्लस्स भवणस्स उत्तरेणं उत्तरपुरत्थिमेणं पासायवडेंसगस्स दाहिणेणं एत्थ णं एगे महं कूडे पण्न्नत्ते अट्ठ जोयणाई उड्ड उच्चत्तेणं मूले बारस जोयणाइं विक्खंभेणं मज्झे अट्ठ जोयणाइं आयामविक्खंभेणं उवरिं चत्तारि जोयणाई आयामविक्खंभेणं मूले सातिरेगाइं सत्ततीसं जोयणाइं परिक्खेवेणं मज्झे सातिरेगाई पणुवीसं जोयणाइं परिक्खेवेणं उवरिं सातिरेगाई बारस जोयणाइं परिक्खेवेणं मूले विच्छिन्ने मउच्चे संखित्ते उप्पिं तणुए गोपुच्छसंठाणसंठिए सव्वजंबूणयामए अच्छे जाव पडिरूवे, से णं एगाए पउमवरवेइयाए एगेणं वनसंडेणं सव्वतो समंता संपरिक्खित्ते दोण्हवि वण्णाओ ।
तस्स णं कूडस्स उवरि बहुसमरमणिजे भूमिभागे पन्नत्ते जाव आसयंति० ।। तस्स णं बहुसमरमणिजस्स भूमिभागस्स बहुमज्झदेसभाए एवं सिद्धायतनं कोसप्पमाणं सव्वा सिद्धायतनवत्तव्वया जंबूए णं सुदंसणाए पुरत्थिमस्स भवणस्स दाहणेणं दाहिणपुरत्थिमिल्लस्स पासायवडेंसगस्स उत्तरेणं एत्थ णं एगे महं कूडे पन्नत्ते तं चेव पमाणं सिद्धायतणं च ।
जंबूए णं सुदंसणा दाहिणिल्लस्स भवण० पुरत्थिमेणं दाहिणपुरत्थिमस्स पासायवडेंसगस्स पञ्चत्थिमेणं एत्थ णं एगे महं कूडे पन्नत्ते, दाहिणस्स भवणस्स परतो दाहिणपञ्चत्थिमिल्लस्स पासायवडिंसगस्स पुरत्थिमेणं एत्थ णं एगे महं कूडे जंबूतो पच्चत्थिमिल्लस्स भवणस्स दाहिणेणं दाहिणपञ्च्चत्थिमिल्लस्स पासायवडेंसगस्स उत्तरेणं एत्थ णं एगे महं कूड़े प० तं चैव पमाणं सिद्धायतनं च, जंबूए पञ्च्चत्थिमभवणउत्तरेणं उत्तरपञ्च्चत्थिमस्स पासायवडेंसगस्स दाहिणेणं एत्थ णं एगे महंकूडे पन्नत्ते तं चैव पमाणं सिद्धायतनं च ।
For Private & Personal Use Only
Jain Education International
www.jainelibrary.org
| SR No. | 003313 |
| Book Title | Agam Suttani Satikam Part 09 Jivajivabhigam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_jivajivabhigam |
| File Size | 12 MB |