Page Text
________________
प्रतिपत्तिः-३, दीव०
-: "ह"अधिकार:मू. (१८७) कहि णं भंते ! उत्तकुराए २ नीलवंतद्दहेणामं दहे पन्नत्ते ?, गोयमा ! जमगपब्बयाणं दाहिणेणं अट्ठचोत्तीसे सजोयणसते चत्तारिसत्तभागा जोयणस्स अबाहाएसीताए महानईए बहुमज्झदेसभाए, एत्थ णं उत्तरकुराए २ नीलवंतदहे नाम इहे पन्नत्ते।
उत्तरदक्खिणायए पाईणपडीणविच्छिन्ने एगंजोयणसहस्संआयामेणं पंचजोयणसत्ताई विक्खंभेणं दस जोयणाई उव्वेहेणं अच्छे सण्हे रयतामतकूले चउक्कोणे समतीरे जाव पडिरूवे उभओ पसिं दोहि य पउमवरवेइयाहिं वनसंडेहिं सव्वतो समंता संपरिक्खित्ते दोण्हविवण्णओ
नीलवंतदहस्स णं दहस्स तत्थ २ जाव बहवे तिसोवाणपडिरूवगा पन्नत्ता, वण्णओ भाणियव्वो जाव तोरणत्ति। तस्स णं नीलवंतद्दहस्सणंदहस्स बहुमज्झदेसभाए एत्थणंएगे महं पउमे पन्नते, जोयणं आयामविक्खंभेणं तं तिगुणं सविसेसं परिक्खेवेणं अद्धजोयणं बाहल्लेणं दस जोयणाइं उव्वेहेण दो कोसे ऊसिते जलंतातो सातिरेगाइं दसद्धजोयणाइंसव्वग्गेणं प०
तस्स णं पउमस्स अयमेयारूवे वण्णावासे पन्नते, तंजहा-वइरामतामूला रिट्ठामते कंदे वेरुलियामए नाले वेरुलियामता बाहिरपत्ता जंबूनयमया अमितरपत्ता तवणिजमया केसरा कणगामई कणिया नानामणिमया पुक्खरस्थिभुता ॥ सा णं कण्णिया अद्धजोयणं आयामविक्खंभेणं, तं तिगुणं सविसेसं परिक्खेवेणं कोसं बाहल्लेणं सव्वप्पणा कणगमई अच्छा सण्हा जाव पडिरूवा ।। तीसे णं कण्णियाए उवरिंबहुसमरमणिजे देसभाए पन्नतेजाव मणीहिं ।
तस्सणंबहुसमरमणिज्जस्स भूमिभागस्स बहुमज्झदेसभाए एत्थणंएगे महंभवणे पन्नत्ते, कोसं आयामेणं अद्धकोसं विक्खंभेणं देसूर्ण कोसं उडं उच्चत्तेमं अनेगखंभसतसंनिविट्ठ जाव वण्णओ, तस्स णं भवणस्स तिदिसिं ततो दारा पन्नता पुरथिमेणं दाहिणेणं उत्तरेणं, ते णं दारा पंचधणुसयाई उड्ढे उच्चत्तेणं अड्डाइजाइं धनुसताई विखंभेणं तावतियं चेव पवेसेणं सेया वरकणगथूभियागा जाव वनमालाउत्ति । तस्स णं भवणस्स अंतो बहुसमरमणिज्जे भूमिभागे पण्णत्ते से जहा नामए-आलिंगपुक्खरेति वा जाव मणीणं वण्णओ।
तस्स णं बहुसमरमणिजस्स भूमिभागस्स बहुमज्झदेसभाए एत्थ णं मणिपेढिया पन्नत्ता, पंचधनुसयाई आयामविक्खंभेणं अड्डाइजाइंधनुसताइंबाहल्लेणं सव्वमणिमई।
तीसेणंमणिपेढियाए उवरि एत्थणंएगेमहं देवसयणिज्जे पन्नते, देवसयंणिज्जस्सवण्णओ सेणं पउमे अन्नेणं अट्ठसतेणं तदद्धचत्तप्पमाणमेत्ताणं पउमाणं सव्वतो समंता संपरिक्खित्ते॥ तेणं पउमा अद्धजोयणं आयामविक्खंबेणं तं तिगुणं सविसेसं परिक्खेवेणं कोसं बाहल्लेणं दस जोयणाइं उव्वेहेणं कोसं ऊसिया जलंताओ साइरेगाइं ते दस जोयणाइंसव्वग्गेणं पन्नत्ताई।
तेसि णं पउमाणं उयमेयारूवे वण्णावासे पन्नत्ते, तंजहा-वरामया मूला जाव नानामणिमया पुक्खरस्थिभुगा॥ताओ णं कण्णियाओ कोसं आयामविक्खंभेणं तंतिगणं स० परि० अद्धकोसंबाहल्लेमंसव्वकणगामईओ अच्छाओजावपडिरूवाओ॥तासिणंकण्णियाणं उप्पिं बहुसमरमणिज्जा भूमिभागाजाव मणीणं वण्णो गंधो फासो। तस्स णं पउमस्स अवरुत्तरेणं उत्तरेणं उत्तरपुरच्छिमेणं नीलवंतद्दहस्स कुमारस्स चउण्हं सामानियसाहस्सीणं चत्तारि पउमसाहस्सीओ पन्नत्ताओ, एवं सव्वो परिवारो नवरि पउमाणं भाणितव्यो।
Jain Education International
For Private & Personal Use Only
www.jainelibrary.org
| SR No. | 003313 |
| Book Title | Agam Suttani Satikam Part 09 Jivajivabhigam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_jivajivabhigam |
| File Size | 12 MB |