________________
२४०
जीवाजीवाभिगमउपाङ्गसूत्रम् ३ / दीव० /१७३
गोयमा ! विजयस्स णं दारस्स पुरत्थिमेणं तिरियमसंखेज्जे दीवसमुद्दे वीतिवतित्ता अन्नंमि जंबुद्दीवे दीवे बारस जोयणसहस्साइं ओगाहित्ता एत्थ णं विजयस्स देवस्स विजया नाम रायहाणी प० बारस जोयणसहस्साइं आयामविक्खंभेणं सत्ततीसजोयणसहस्साइं नव य अडयाले जोयणसए किंचिविसेसाहिए परिक्खेवेणं पन्नत्ते ।
साणं एगेणं पागारेणं सव्वतो समंता संपरिक्खित्ता ।। से णं पागारे सत्ततीसं जोयणाई अद्धजोयणं च उड्डुं उच्चत्तेणं मूले अद्धतेरस जोयणाइं विक्खंभेणं मज्झेत्थ सक्कोसाइं छजोयणाइं विक्खंभेणं उप्पिं तिन्नि सद्धकोसाइं जोयणाइं विक्खंभेणं मूले विच्छिन्ने मज्झे संखित्ते उप्पिं तणुए बाहिं वट्टे अंतो चउरंसे गोपुच्छसंठाणसंठिते सव्वकणगामए अच्छे जाव पडिरूवे ।
से णं पागारे नानाविहपंचवण्णेहिं कविसीसएहिं उवसोभिए, तंजहा - किण्हेहिं जाव सुक्कल्लेहिं ।। तेणं कविसीसका अद्धकोसं आयामेणं पंचधणुसताइं विक्खंभेणं देसोणमद्धकोसं उड्डुं उच्चत्तेणं सव्वमणिमया अच्छा जाव पडिरूवा ।
विजयाए णं रायहाणीए एगमेगाए बाहाए पणुवीसं पणुवीसं दारसतं भवीतिति मक्खायं ते णं दारा बावट्ठि जोयणाइं अद्धजोयणं च उडुं उच्चत्तेणं एक्कतीसं जोयणाइं कोसंच विक्खंभेणं तावतियं चेव पवेसेणं सेता वरकणगथूभियागा ईहामिय० तहेव जधा विजए दारे जाव तवणिज्जवालुगपत्थडा सुहफासा सस्सि (म) रीए सरुवा पासातीया ४ ।
तेसि णं दाराणं उभयपासिं दुहतो निसीहियाए दो वंदनकलसपरिवाडीओ पन्नत्ताओ तहेव भाणियव्वं जाव वणमालाओ ।
तेसि णं दाराणं उभओ पासिं दुहतो निसीहियाए दो दो पगंठगा पन्नत्ता, ते णं पगंठगा एक्कतीसं जोयणाइं कोसं च आयामविक्खंभेणं पन्नरस जोयणाइं अड्डाइज्जे कोसे बाहल्लेणं पन्नत्ता सव्ववइरामया अच्छा जाव पडिरूवा ।। तेसि णं पगंठगाणं उप्पिं पत्तेयं २ पासायवडिंसंगा पन्नत्ता ।
ते णं पासायवडिंसगा एक्कतीसं जोयणाइं कोसंच उड्डुं उच्चत्तेणं पन्नरस जोयणाई अड्डाइजे य कोसे आयामविक्खंभेणं सेसं तं चेव जाव समुग्गया नवरं बहुवयणं भाणितव्वं ।
विजयाएणं रायधानीए एगमेगे दारे अट्ठसयं चक्कज्झयाणं जाव अट्ठसतं सेयाणं चउविसाणाणं नागवरकेऊणं, एवामेव स वुव्वावरेणं विजयाए रायहाणीए एगमेगे दारे आसीतं २ के सहस्सं भवतीति मक्खायं ।
विजयाए णं रायहानीए एगमेगे दारे सत्तरस भोमा पन्नत्ता, तेसि णं भोमाणं (उल्लोया (य) पउमलया० भत्तिचित्ता ।
तेसि णं भोमाणं बहुमज्झदेसभाए जे ते नवमनवमा भोमा तेसि णं भोमाणं बहुमज्झदेसभाए पत्तेयं २ सीहासणा पन्नत्ता, सीहासणवण्णओ जाव दामा जहा हेट्ठा, एत्थ णं अवसेसेसु भोमेसु पत्तेयं पत्तेयं भद्दासणा पन्नत्ता ।
तेसि णं दाराणं उत्तिमं (उवरिमा) गारा सोलसविधेहिं रयणेहिं उवसोभिया तं चैव जाव छत्ताइछत्ता, एवामेव पुव्ववरेण विजयाए रायहाणीए पंच दारसता भवंतीति मक्खाया ॥ वृ. 'कहिणं भंते! विजयस्से' त्यादि, का भदन्त ! विजयस्य देवस्य विजया नाम राजधानी प्रज्ञप्ता ?, भगवानाह - गौतम ! विजयस्य द्वारस्य पूर्वस्यां दिशि तिर्यग् असङ्घयेयान् द्वीपसमुद्रान्
For Private & Personal Use Only
www.jainelibrary.org
Jain Education International