________________
जीवाजीवाभिगमउपाङ्गसूत्रम् १/-/१४
अट्ठफासाई आ० ?, गोयमा ! ठाणमग्गणं पडुच्च नो एगफासाई आ० नो दुफासाई आ० नो तिफासाइं आ० चउफासाईं आ० पंचफासाइंपि जाव अट्ठफासाइंपि आ०, विहाणमग्गणं पडुच्च कक्खडाइंपि आ० जाव लुक्खाइंपि आ०, जाई फासतो कक्खडाई आ० ताइं किं एगगुणकक्खडाई आ० जाव अनंतगुणकक्खडाई आ० ?, गोयमा ! एगगुणकक्खडाइंपि आ० जाव अनंतगुणकक्खडाइंपि आ० एवं जाव लुक्खा नेयव्वा ।
ताइं भंते! किं पुट्ठाई आ० अपुट्ठाई आ० ?, गोयमा ! पुट्ठाई आ० नो अपुट्ठाई आ०, ताई भंते! ओगाढाई आ० अनोगाढाई आ० ?, गोयमा ! ओगाढाई आ० नो अणोगाढाई आ०, ताई भंते! किमंतरोगाढाई आ० परंपरोगाढाई आ० ?, गोयमा ! अणंतरोगाढाई आ० नो परंपरोगाढाइ आ०, ताइं भंते! किं अणूइं आ० बायराइं आ० ?, गोयमा ! अणूइंपि आ० बायराइंपि आहारेति ताई भंते! उड्डुं आ० अहे आ० तिरियं आहारेति ?, गोयमा ! उड्डपि आ० अहवि आ० तिरियंपि आ०, ताइं भंते! किं आई आ० मज्झे आ० पजवसाणे आहारेति ?, गोयमा ! आदिपि आ० मज्झेवि आ० पज्जवसाणेवि आ०, ताइं भंते! किं सविसए आ० अविसए आ० ?, गोयमा ! सविसए आ० नो अविसए आ०, ताइं भंते! किं आणुपुव्विं आ० अनानुपुव्विं आहारेति ?, गोयमा ! आनुपुव्विं आहारेति नो अनानुपुव्विं आहारेति ।
ताई भंते ! किं तिदिसिं आहारेति चउदिसिं आहारेति पंचदिसिं आहारेति छदिसिं आहारेति ?, गोयमा ! निव्वाघाएणं छदिसिं, वाघातं पडुच्च सिय तिदिसिं सिय चउदिसिं सिय पंचदिसिं, उस्सन्नकारणं पडुच्च वण्णतो काला नीला जाव सुक्किलाई, गंधतो सुब्भिगंधाई दुब्भिगंधाई, रसतो जाव तित्तमहुराई, फासतोकक्खडमउयजाव निद्धलुक्खाई, तेसिं पोराणे वण्णगुणेविप्परिणामइत्ता परिपालइत्ता परिसाडइत्ता परिविद्धंसइत्ता अन्ने अपुव्वे वण्णगुणे गंधगुणे जाव फासगुणे उप्पाइत्ता आतसरीर ओगाढा पोग्गले सव्वप्पणयाए आहारमाहारेति ।
१८
ते णं भंते! जीवा कतोहिंतो उववज्रंति ? किं नेरइएहिंतो उववज्जंति तिरिक्खमणुस्सदेवेहिंतो उववज्जंति ?, गोयमा ! नो नेरइएहिंतो उववज्ञ्जंति, तिरिक्खजोणिएहिंतो उववज्रंति मणुस्सेहिंतो उववज्रंति, नो देवेहिंतो उव्वज्रंति, तिरिक्खजोणियपज्जत्तापज्जत्तेहिंतो असंखेज्जवासाउयवज्जेहिंतो उववज्जंति, मणुस्सेहिंतो अकम्मभूमिग असंखेज्जवासाउयवज्जेहिंतो उववज्रंति, वक्कंतीउववाओ भाणियव्वो ।तेसि णं भंते! जीवाणं केवतियं कालं ठिती पन्नत्ता ?, गोयमा ! जहनेणं अंतोमुहुत्तं उक्कोसेणवि अंतोमुहुत्तं ॥ ते णं भंते! जीवा मारणंतियसमुग्घातेणं किं समोहया मरंति असमोहया मरंति ? गोयमा ! समोहयावि मरंति असमोहयावि मरंति ।
ते णं भंते! जीवा अनंतरं उव्वट्टित्ता कहिं गच्छंति ? कहिं उववज्जंति ? - किं नेरइएस उववज्रंति तिरिक्खजोणिएसु उ० मणुस्सेसु उ० देवेसु उवव० ?, गोयमा ! नो नेरइएसु उववज्रंति तिरिक्खजोणिएसु उ० मणुस्सेसु उ० नो देवेसु उवव० । किं एगिदिएसु उववज्रंति जाव पंचिंदिएसु उ० ?, गोयमा ! एगिदिए उववज्रंति जाव पंचेदियतिरिक्खजोणिएसु उववज्रंति, असंखेज्जवासाउयवज्जेसु पज्जत्तापज्जत्तएसु उव०, मणुस्सेसु अकम्मभूमग अंतरदीवग असंखेज्जवासाउयवज्रेसु पजत्तापज्जत्तएसु उव० ते गं भंते ! जीव कतिगतिका कतिआगतिका पन्नत्ता ?, गोयमा ! दुगतिया दुआगतिया, परित्ता असंखेज्जा पन्नत्ता समणाउसो !, से त्तं सुहुमपुढविक्काइया ।
Jain Education International
For Private & Personal Use Only
www.jainelibrary.org