Page Text
________________
प्रतिपत्तिः -१,
१७
तेसिणं भंते ! सीरा किंसंठिया पं०?, गोयमा ! मसूरचंदसंठिता पन्नत्ता।
तेसि णं भंते ! जीवाणं कति कसाया पन्नत्ता ?, गोयमा ! चत्तारि कसाया पन्नत्ता, तंजहा-कोहकसाए मानकसाए मायाकसाए लोहकसाए । तेसिणंभंते ! जीवाणं कति सण्णा प० ?, गोयमा ! चत्तारि पण्० तंजहा- आहारसण्णा जाव परिग्गहसन्ना ।
तेसिणंभंते! जीवाणंकतिलेसाओपन्नत्ताओ?, गोयमा! तिन्निलेस्साप०० किण्हलेस्सा नीललेसा काउलेसा। तेसिणं भंते! जीवाणं कति इंदियाइंपन्नत्ताई?, गोयमा! एगे फासिंदिए पन्नत्ते । तेसिणं भंते ! जीवाणं कति समुग्घाया पन्ना ?, गोयमा ! तओ समुग्घाया प० तं० वेयणासमुग्धाए कसायसमुग्घाए मारणंतियसमुग्घाए।
तेणं भंते ! जीवा किं सन्नी असन्नी?, गोयमा! नो सन्नी असन्नी । तेणं भंते ! जीवा किं इथिवेया पुरिसवेया नपुंसगवेया?, गोयमा! नो इत्थिवेया नो पुरिसवेया नपुंसगवेया।
तेसिणं भंते! जीवाणं कति पज्जत्तीओ पन्नत्ताओ?, गोयमा! चत्तारि पञ्जत्तीओ पन्न त्ताओ, तंजहा–आहारपज्जत्ती सरीरपज्जत्ती इंदियपज्जत्ती आणपाणुपजत्ती। तेसिणंभंते! जीवाणं कति अपज्जत्तीओ पन्नत्ताओ?, गोयमा ! चत्तारि अपज्जत्तीओ पन्नत्ताओ, तंजहा-आहारअपजत्ती जाव आणापाणुअपजत्ती।
तेणं भंते ! जीवा किं सम्मदिट्ठी मिच्छादिट्ठी सम्मामिच्छादिट्ठी?, गोयमा! नो सम्मदिट्ठी मिच्छादिट्ठीनो सम्ममिच्छादिट्ठी॥तेणंभंते! जीवा किंचक्खुदसणीअचक्खुदंसणी ओहिदसणी केवलदसणी?, गोयमा! नो चक्खुदंसणी अचक्खुदंसणी नो ओहिदसणी नो केवलदसणी॥
तेणंभंते! जीवा किंनाणी अन्नाणी?, गोयमा! नो नाणी अन्नाणी, नियमादुअन्नाणी, तंजहा-मतिअन्नाणी सुयअन्नाणी य॥तेणंभंते! जीवा किं मनजोगी वयजोगी कायजोगी?, गो०! नोमनजोगी नोवयजोगी कायजोगी। तेणंभंते! जीवा किंसागारोवउत्ताअनागारोवउत्ता?, गोयमा ! सागारोवउत्तावि अनागारोवउत्तावि ॥ ते णं भंते ! जीवा किमाहारमाहारेति ?, गोयमा! दव्वतो अनंतपदेसियाइंखेत्तओअसंखेञ्जपदेसोगाढाइंकालओ अन्नयर समयद्वितीयाई भावतो वण्ण(म)ताइंगंध(म)ताइरस (म)ताई फासव मंताई।
जाइं भावओ वण्णमंताई आ०, ताई किं एगवण्णाइं आ० दुवण्णाइं आ० तिवण्णाई आ० चउवण्णाइंआ० पंचवण्णाइं आ०?, गोयमा! ठाणमग्गणं पडुच्च एगवण्णाइंपिदुवण्णाइंपि तिवण्णाइंपि चउवण्णाइंपि पंचवण्णाइंपि आ०, विहाणमग्गणं पडुच्च कालाइंपि आ० जाव सुक्कलाईपिआ०, जाइंवण्णओकालाइंआ० ताइंकिंएगगुणकालाइंआ० जावअनंतगुणकालाई आ०?, गोयमा ! एगगुणकालाइंपि आ० जाव अनंतगुणकालाईपि आ० एवं जाव सुक्कलाई।
__ जाइंभावतो गंधमंताइंआ० ताइंकिंएगगंधाइंआ० दुगंधाइंआ०?, गोयमा! ठाणमग्गणं पडुच्च एगगंधाइंपिआ० दुगंधाइंपिआ०, विहाममग्गणंपडुच्च सुब्भिगंधाइंपिआ० दुब्भिगंधाइंपि आ०, जाइंगंधतो सुब्भिगंधाइंआ० ताई किंएगगुणसुब्मिगंधाइंआ० जावअनंतगुणसुरभिगंधाई आ० ?, गोयमा ! एगगुणसुब्भिगंधाइंपि आ० जाव अणंतगुणसुब्भिगंधाइंपि, आ० एवं दुब्भिगंधाइंपि ॥रसा जहा वण्णा । जाइंभावतो फासमंताइंआ० ताई किंएगफासाइंआ० जाब 19121
www.jainelibrary.org
Jain Education International
For Private & Personal Use Only
| SR No. | 003313 |
| Book Title | Agam Suttani Satikam Part 09 Jivajivabhigam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_jivajivabhigam |
| File Size | 12 MB |