Page Text
________________
१९८
जीवाजीवाभिगमउपाङ्गसूत्रम् ३/दीव०/१६३ खिंखिणिजालेणं जाव मणिजालेणं (कणयजालेणं रयणजालेणं) एगमेगेणं पउमवरजालेणं सव्वरयणामएणं सब्बतो समंता संपरिक्खित्ता।
ते णं जाला तवणिज्जलंबूसगा सुवण्णपयरगमंडिया नानामणिरयणविविहहारद्धहारउवसोभितसमुदया ईसिं अन्नमन्नमसंपत्ता पुव्वावरदाहिणउत्तरागतेहिं वाएहिं मंदागंर एजमाणा २ कपिज्जमाणा २ लंबमाणा २ पझंझमाणा २ सद्दायमाणा २ तेणं ओरालेणंमणुण्णेणंकण्णमणणेब्युतिकरेणं सद्देणं सव्वतो समंता आपूरेमाणा सिरीए अतीव उवखोभेमाणा उव० चिट्ठति ।
तीसेणं पउमवरवेइयाए तत्थ तत्थ देसे तहिं तहिं बहवे हयसंघाडा गयसंघाडा नरसंघाडा किन्नरसंघाडा किंपुरिससंघाडा महोरगसंघाडा गंधब्बसंघाडावसहसंघाडासम्बरयणामयाअच्छा सहा लण्हा घट्टा मट्ठा नीरया निम्मला निप्पंका निककडच्छाया सप्पभा समिरिया सउज्जोया पासाईया दरसणिज्जा अभिरुवा पडिरूवा । तीसे णं पउमवरवेइयाए तत्थ तत्थ देसे तहिं तहिं बहवे हयपंतीए तहेव जाव पडिरुवाओ । एवं हयवीहीओ जाव पडिरूवाओ। एवं हयमिहुणाई जाव पडिरूवाइं।
तीसे णं पउमवरवेइयाए तत्थ तत्थ देसे तहिं तहिं बहवे पउमलयाओ नागलताओ, एवं असोग० चंपग० चूयवण० वासंति० अतिमुत्तग० कुंद० सामलयाओ णिचं कुसुमियाओ जाव सुविहत्तपिंडमंजरिवडिंसकधरीओसव्वरयणामईओ सण्हाओलण्हाओघट्ठाओमट्ठाओ नीरयाओ निम्मलाओ निपंकाओ निक्ककडच्छायाओ सप्पभाओ समिरीयाओ सउज्जोयाओ पासाईयाओ दरिसणिज्जाओ अभिरुवाओ पडिरुवाओ।
सेकेणटेणं (भंते!) एवंबुच्चइ-पउमवरवेइयापउमवरवेइया?, गोयमा! पउमवरवेइयाए तत्थ तत्थ देसे तहिं तहिं वेदियासु वेतियाबाहासु वेदियासीसफलएसु वेदियापुडतरेसु खंभेसु खंभबाहासुखंभसीसेसुखंभपुडंतरेसुसूईसुसुईमुहेसु सूईफलएसुसूईपुडंतरेसुपक्खेसुपरखबाहासु पक्खपेरंतरेसु बहूइं उप्पलाई पउमाइं जाव सतसहस्सपत्ताइं सव्वरयणामयाइं अच्छाइंसण्हाई लण्हाइंघटाईमट्ठाइंणीरयाइंणिम्मलाइंनिप्पकाईनिकंकडच्छायाइंसप्पभाई समिरियाइंसउज्जोयाई पासादीयाइंदरिसणिज्जाइंअभिरुवाइंपडिरूवाइंमहतार वासिक्कच्छत्तसमयाइंपन्नत्ताइंसमणाउसो से तेणतुणं गोयमा! एवं वुच्चइ पउमवरवेदिया २।
पउमवरवेइयाणंभंते! किंसासया असासया?, गोयमा! सियसासया सिय असासया से केणड्डेणं भंते ! एवं वुच्चइ-सिय सासया सिय असासया ?, गोयमा ! दव्वट्ठयाए सासता वण्णपजवेहिंगंधपज्जवेहिं रसपज्जवेहिं फासपज्जवेहिं असासता, सेतेणट्टेणंगोयमा! एवंवुच्चइ-सिय सासता सिय असासता।
___ पउमवरवेइयाणंभंते! कालओ केवच्चिरं होति?, गोयमा! नकयाविनासिणनकयावि नत्थिन कयाविन भविस्सति ॥ भुविं च भवति य भविस्सति य धुवा नियया सातता अक्खया अव्वया अवट्ठिया निच्चा पउमवरवेदिया ॥
वृ. 'तीसेणंजगतीए' इत्यादि, 'तस्याः' यतोक्तरूपायाजगत्याः ‘उपरि' उफरितने तले यो बहुमध्यदेशभागः, सूत्र एकारान्तता मागधदेशभाषालक्षणानुरोधात् यथा ‘कयरे आगच्छइ दित्तरूवे ?' इत्यत्र, ‘एत्थ ण मिति ‘अत्र' एतस्मिन् बहुमध्यदेशभागे णमिति पूर्ववत् महती
www.jainelibrary.org
Jain Education International
For Private & Personal Use Only
| SR No. | 003313 |
| Book Title | Agam Suttani Satikam Part 09 Jivajivabhigam |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_jivajivabhigam |
| File Size | 12 MB |