________________
प्रतिपत्तिः-३, म०
___ -उज्जुयसमसहितसुजातजच्चतणुकसिणनिद्धआदेजलडहसुकुमालमउयरमणीज्जरोमराती गंगावत्तपयाहिणावत्ततरंगभंगुररविकिरणतरुणबोधितअकोसायंतपउमगंभीरवियडणाभी झसविहगसुजातपीणकुच्छी झसोदरा सुइकरणा पम्हवियडणाभासण्णयपासासंगतपासा सुंदरपासा सुजातपासा मितमाइयपीणरतियपासा अकरुंडुयकणगरुयगनिम्मलसुजायनिरुवहयदेहधारी पसत्थबत्तीसलक्खणधरा कणगसिलातलुजलपसत्थसमयलोवचियविच्छिन्नपिहुलवच्छी सिरिवच्छंकियवच्छा पुरवरफलिहवट्टियभुया भुयगीसरविपुलभोगआयाणफलिहउच्छूढदीहबाहू जूयसन्निभपीणरतियपीवरपउट्ठसंठियसुसिलिट्ठविसिट्ठघणथिरसुबद्धसुनिगूढपव्वसंधी रत्ततलोवइतमउयमंसलपसत्थलक्खणसुजायअच्छिद्दजालपामी पीवरवट्टियसुजायकोमलवरंगुलीया तंबतलिणसुचिरुइरनिद्धणक्खा । चंदपाणिलेहा सूरपाणिलेहा संखपाणिलेहा चक्कपाणिलेहा दिसासोअस्थियपाणिलेहा चंदसूरसंखचक्कदिसासो अस्थियपाणिलेहा अनेगवरलक्खणुत्तमपसत्यसुचिरतियपाणिलेहा वरमहिसवराहसीहसलउसभणागवरपडिपुन्नविउलउन्नतमइंदखंधा चउरंगुलसुप्पमाणकंवुवरसरिसगीवा अवट्टितसुविभत्तसुजातचित्तमंसूमंसलसंठिय पसत्थसद्दूलविपुलहणुयाओतवितसिलप्पवालबिंबफलसन्निभाहरोहा पंडुरससिसगलविमलनिम्मलसंखगोखीरफेणदगरयमुणालिया धवलदंतसेढी अखंडदंता अफुडियदंता अविरलदंता सुजातदंता एगदंतसेढिव्व अनेगदंता हुतवहनिद्धंतघोततत्ततवणिज्जरत्ततलतालुजीहागरुलाययउज्जुतुंगणासाअवदालियपोंडरीयनयणा कोकासितधवलपत्तलच्छाआणामियचावरुइलकिण्हपुराइयसंठियसंगतआयातसुजाततणुकसिणनिद्धभुमया।
___-अल्लीणप्पमाणजुत्तसवणा सुस्सवणा पीणमंसलकवोलदेसभागा अचिरुग्णयबालचंदसंठियपसत्थविच्छिन्नसमणिडाला उडुवतिपडिपुण्णसोमवदणा छत्तागारुत्तमंगदेसाघननिचियसुबद्धलक्खणुण्णयकूडागारणिभपिंडियसिस्से दाडिमपुप्फपगासतवणिज्जसरिसनिम्मलसुजायकेसंतकेसभूमी सामलिबोंडघणणिचयछोडियमिउविसयपसत्थसुहुमलक्खणसुगंधसुंदरभूयमोयगभिंगिणीलकज्जलपहट्टभमरगणनिद्धनिकुरुंब निचियकुंचियचियपदाहिणावत्तमुद्धसिरया लक्खणवंजणगुणोववेया सुजायसुविभत्तसुरूवगा पासाइया दरिसणिज्जा अभिरुवा पडिरूवा।
तेणं मणुया हंसस्सरा कोंचस्सरा नंदिघोसा सीहस्सरा सीहघोसा मंजुस्सरा मंजुघोसा सुस्सरा सुस्सरनिग्घोसा छायाउनोतियंगमंगा वज्जरिसभनारायसंघयणा समचउरंससंठाणसंठिया सिणिद्धछवी निरायंका उत्तमपसत्थअइसेसनिरुवमतणूजल्लमलकलंकसेयरयदोसवज्जियसरीरा निरुवमलेवा अणुलोमवाउवेगा कंकग्गहणी कवोतपरिणामा सउणिव्व पोसपिटुंतरोरुपरिणता विग्गहियउन्नयकुच्छी पउमुप्पलसरिसगंधणिस्सासुरभिवदणा अट्टधणुसयं ऊसिया, तेसिंमणुयाणं चउसट्टि पिट्टिकरंडगा पन्नत्ता समणाउसो! -
-तेणंमणुया पगतिभद्दगा पगतिविणीतगापगतिउवसंतापगतिपयणुकोहमाणमायालोभा मिउमद्दवसंपण्णा अल्लीणा भद्दगा विणीता अप्पिच्छा असंनिहिसंचया अचंडा विडिमंतरपरिवसणा जहिच्छियकामगामिणो यतेमणुयगणा पन्नत्ता समणाउसो!। तेसिणं भंते! मणुयाणं केवतिकालस्स आहारट्टे समुप्पज्जति ?, गोयमा! चउत्थभत्तस्स आहारट्टे समुप्पज्जति ।
एगोरुयमणुईणंभंते! केरिसए आगारभावपडोयारे पन्नत्ते?, गोयमा! ताओणं मणुईओ
Jain Education International
For Private & Personal Use Only
www.jainelibrary.org