________________
जीवाजीवाभिगमउपाङ्गसूत्रम् ३ /म० / १४५
अनेगसालणगसंजुत्ते अहवा पडिपुन्नदव्वुवकखडेसु सक्कए वण्णगंधरसफरिसजुत्तबलविरियपरिणामे इंदियबल - पुट्ठिवद्धणे खुप्पिवासमहणे पहाणे गुलकटियखंडमच्छंडियउवणीए पमोयगे सहसमियगढ्भे हवेज परमइट्टंगसंजुत्ते तहेव ते चित्तरसावि दुमगणा अनेगबहुविविहवीससापरिणयाए भोजणविहीए उववेदा कुसविकुसवि० जाव चिट्ठति ७ ।
गुरू दीवेण तत्थ २ बहवे मणियंगा नाम दुमगणा पन्नत्ता समणाउसो !, जहा से हारद्धहारवट्टणगमउडकुंडलवासुत्तगहेमजालमणिजालकणगजालगमुत्तगउच्चिइयकडगाखुडियएका
वलिकंठसुत्तमं गरिमउरत्थगे वेज्जसोणिसुत्तगचूलामणिकणगतिलगफुल्लसिद्धत्थयकण्णवालिससिसूरउसभचक्कगतलभंगतुडियहत्थिमालगवलक्खदीणा मालिता चंदसूरमालिता
हरिसयकेयूरवलयपालंब अंगुलेज्जगकंचीमेहलाकलावपयरगपायजालघंटियखिंखिनिरयणोरुजालत्थिगियवरणेउरचलणमालिया कणगनिगरमालिया कंचणमणिरयणभत्तिचित्ता भूसणविधी बहुप्पगारा तहेव ते मणियंगावि दुमगणा अनेगबहुविविहवीससापरिणताए भूसणविहीए बहुप्पगारा तहेव ते मणियंगावि दुमगणा अनेगबहुविविहवीससापरिणताए भूसणविहीए उववेया कुसवि० जाव चिट्ठति ८ ।
१६४
गुरू दीवे तत्थ २ बहवे गेहागारा नाम दुमगणा पन्नत्ता समणाउसो !, जहा से पागारट्टालगचरियदारगोपुरपासायाकासतलमंडवएगसालबिसालगतिसालगचउरंसचउसालगब्भघरमोहणघरवलभिघरचित्तसालमालयभत्तिघरवट्टतंसचतुरंसणंदियावत्तसंठियायतपंडुरतल
मुंडमालहम्मियं अहवणं धवलहर अद्धमागहविब्भमसेलद्धसेलसंठियकूडागारट्ठसुविहिकोडगअनेगघरसरणलेणआवणविडंगजालचंदणिज्जूह अपवरकदो वालिचंदसालियरूवविभत्तिकलिता भवणविही बहुविकप्पा तहेव ते गेहागारावि दुमगणा अनेगबहुविविधवीससापरिणयाए सुहारुहणे सुहोत्ताराए सुहनिक्खमणप्पवेसाए इद्दरसोपाणपंतिकलिताए पइरिक्कए सुहविहाराए मणोऽणुकूलाए भवनविहीए उववेया कुसवि० जावचिद्वंति ९ ।
एगोरुयदीवे तत्थ २ बहवे अनिगणा नामं दुमगणा पन्नत्ता समणाउसो ! जहा से अनेगसो मंततं कंबलदुगुल्लको सेजकालमिगपट्टचीणंसुयबरणातवारवणिगयतु आभरणचित्तसहिणगकल्लाणगभिंगिणीलकज्जलबहुवण्णरत्त पीतसुक्कलमक्खयमिगलोमहेमप्फरुण्णगअवसर्तगसिंधुओसभदामिलवंगकलिंगनेलिणतंतुमयभत्तिचित्ता वत्थविही बहुप्पकारा हवेज वरपट्टणुग्गता वण्णरागकलिता तहेव ते अनियणावि दुमगणा अनेगबहुविविहवीससापरिणताए वत्थविधीए उववेया कुसविकुसवि० जाव चिट्ठति १० । एगोरुयद्दीवे णं भंते! दीवे मणुयाणं केरिसए आगारभावपडोयारे पन्नत्ते ?, गोयमा ! ते णं मणुया अनुवमतरसोमचारुरूवा भोगुत्तमगयलक्खणा भोगसस्सिरीया सुजायसव्वंगसुंदरंगा सुपतिट्ठियकुम्मचारुचलणा रत्तुप्पलपत्तमउयसुकुमालकोमलतला नगनगरसागरमगरचक्ककवरंकलक्खणंकियचलणा अणुपुव्वसुसाहतंगुलीया उन्नयततंबणिद्धणखा संठियसुसि-लिट्ठगूढगुप्फा एणीकुरुविंदावत्तवट्टाणुपुव्वजंघा समुग्गणिमग्गगूढजाणू गतससणसुजातसण्णिमोरू वरवारणमत्ततुल्लविक्कमविलासितगती सुजातवरतुरगगुज्झदेसा आइण्णहतोव निरुवलेवा पमुइयवरतुरियसीह अतिरेगवट्टियकडी साहयसोणिंदमुसलदप्पणणिगरितवरकणगच्छक - (रु) सरिसवरवइरपलितमज्झा ।
For Private & Personal Use Only
Jain Education International
www.jainelibrary.org