________________
प्रतिपत्तिः-३, म०
सुरावण्णरसगंधफरिसजुत्तबलवीरियपरिणामा मजविहित्थबहुप्पगारातहेवं तेमत्तंगयाविदुमगणा अनेगबहुविविहवीससापरिणयाए मज्जविहीएउववेदा फलेहिं पुण्णा वीसंदंति कुसविकुसविसुद्धरुक्खमूला जाव चिट्ठति १ । एक्कोरुए दीवे तत्थ २ बहवो भिंगंगया नाम दुमगणा प० समणाउसो जहा से बारगघडकरगकलसकक्करिपायंकंचणिउदंकवद्धणिसुपविट्टकसुत्तिचारुपिणयाकंचणमणिरयणभत्तिविचित्ता भायणविधीए बहुप्पगारातहेवते भिंगंगयाविदुमगणा अनेगबहुगविविहवीससाए परिणताए भाजणविधीए उववेया फलेहिं पुन्नाविव विसर्टति कुसविकुस० जाव चिट्ठति २। एगोरूगदीवेणं दीवे तत्थ २ बहवे तुडियंगा नामदुमगणा प० सम०!, जहा से आलिंगमुयंगपणवपडहदद्दरगकरडिडिंडिमभंभाहोरंभकणियारखरमुहिमुगुंदसंखियपरिलीवव्वगपरिवाइणिवंसावेणुवीणासुघोस विवंचिमहतिकच्छभिरगसगातलतालकंसतालसुसंपउत्ता आतोज्जविधीणिउणगंधव्वसमयकुसलेहिं फंदिया तिट्ठाणसुद्धा तहेव ते तुडियंगयावि दुमगणा अनेगबहुविविधवीससापरिणामाए ततविततघनसुसिराए चउब्बिहाए आतोजविहीए उववेया फलेहिं पुण्णा विसन्ति कुसविकुसविसुद्धरुक्खमूला जाव चिट्ठति ३।।
एगोरुयदी० तत्थ २ बहवे दीवसिहा नाम दुमगणा पन्नत्ता समणाउसो!, जहा से संझाविरागसमएनवणिहिपतिणो दीविया चक्कवालविंदे पभूयवट्टिपलित्ताणेहिंधणिउज्जालियतिमिरमद्दए कणगनिगरकुसुमितपालियातयवणप्पगासो कंचणमणिरयणविमलमहरिहतवणिज्जुज्जलविचित्तदंडाहिं दीवियाहिं सहसा पञ्जलिऊसवियणिद्धतेयदिपंतविमलगहगणसमप्पहाहिं वितिमिरकरसूरपसरिउल्लोयचिल्लियाहिं जावुजलपहसियाभिरामाहिं सोभेमाणातहेवते दीवसिहावि दुमगणा अनेगबहुविविहवीससापरिणामाए उज्जोयविधीए उववेदा फलेहिं पुण्णा विसद्वृति कुसविकुसवि० जाव चिट्ठति ।।
एगुरुयदीवे तत्थ २ बहवे जोतिसिहा नाम दुमगणा पन्नता समणाउसो !, जहा से अचिरुग्गयसरयसूरमंडलपडतउक्कसहस्सदिप्पंतविज्जुञ्जालहुयवहनिद्भूमजलियनिद्धंतधोयतत्त तवमिज्जकिंसुयाजोसयजासुयणकुसुमविमउलियपुंजमणिरणकिरणजच्चहिंगुलुयनिगररूवाइरेगरूवा तहेव तेजोतिसिहाविदुमगणा अनेगबहुविहवीससापरिणयाए उज्जोयविहीएउववेदा सुहलेस्सा मंदलेस्सा मंदायवलेस्सा कूडाय इव ठाणठिया अन्नमन्नसमोगाढाहिं लेस्साहिं साए पभाए सपदेसे सव्वओ समंता ओभासंति उज्जोवेति पभासेंति कुसविकुसवि० जाव चिट्ठति ५।
एगुरुयदीवे तत्थ २ बहवे चित्तंगा नाम दुमगणा पन्नत्ता समणाउसो!, जहा से पेच्छाघरे विचित्ते रम्मे वरुसुमदाममालुञ्जले भासंतमुक्कपुष्फपुंजोवयारकलिए विरल्लिविचित्तमल्लसिरिदाममल्लसिरिसमुदयप्पगब्भे गंथिमवेढिमपूरिमसंघाइमेण मल्लेण छेयसिप्पियं विभारतिएण सव्वतो चेवसमणुबद्ध पविरललवंतविप्पइटेहिं पंचवण्णेहिं कुसुमदामेहिं सोभमाणेहिं सोभमाणे वनमालतग्गए चेव दिप्पमाणे तहेवतेचित्तगयाविदुमगणा अनेगबहुविविहवीससापरिणयाए मल्लविहीए उववेया कुसविकुसवि० जाव चिट्ठति ६ । एगुरुयदीवे तत्थ २ बहवे चित्तरसा णाम दुमगणा प० सम०!, जहा से सुगंधवर-कलमसालिविसिट्टणिरुवहतदुद्धरद्धे सारयघयगुडखंडमहमेलिए अतिरसे परमन्ने होज उत्तमवण्णगंधमंते रन्नो जहा वा चक्कवट्टिस्स होज्ज निउणेहिं सूतपुरिसेहिं सजिएहिं वाउकप्पसे-असित्तेइव ओदणे कलमसालिणिज्जत्तिएवि एक्कसव्वष्फमिउवसयसगसित्थे
Jain Education International
For Private & Personal Use Only
www.jainelibrary.org