________________
१६६
जीवाजीवाभिगमउपाङ्गसूत्रम् ३/म०/१४५ सुजायसव्वंगसुंदरीओ पहाणमहिलागुणेहिंजुत्सा अञ्चंतविसप्पमाणपउमसूमालकुम्मसंठितविसिट्ठचलणाओ जुम्मिओ पीवरनिरंतरपुट्ठसाहितंगुलीता उन्नयरतियनलिणंव सुइणिद्धणखा रोमरहियवट्टलट्ठसंठियअजहण्णपसत्थलक्खणअकोप्पजंघजुयला सुनिम्मियसुगूढजाणुमंडलसुबद्धसंध कयलिस्खंभातिरेगसंठियणिव्वणसुकुमालमउयकोमलअविरलसमसहितसुजातव्टपीवरणिरंतरोरू अट्ठावयवीचीपट्टसंठियपसत्थविच्छिन्नपिहुलसोणी वदणायामप्पमाणदुगुणितविसालमंसलसुबद्धजहणवरधारणीतो वज़विराइयपसत्थलक्खणणिरोदरा तिवलिवलीयतणुणमियमज्झितातो उज्जुयसमसहितजन्चतणुकसिणणिद्धआदेज्जालहसुविभत्तसुजातंकंतसोभंतरुइलरमणिज्जरोमराई।
___ -गंगावत्तपदाहिणावत्ततरंगभंगुररविकिरणतरुणबोधितअकोसायंतपउमवणगंभीरवियडणाभीअणुब्भडपसत्थपीणकुच्छी सण्णयपासा संगयपासा सुजायपासा मितमातियपीणरइयपासा अकरंडुयकणगरुयगनिम्मलसुजायणिरुवहयगातलट्ठी कंचणकलससमपमाणसमसहितसुजातलठ्ठचूचुयआमेलगजमलजुगलवट्टियअब्भुण्णयरतियसंठियपयोधराओ भुयंगणुपुव्वतणुयगोपुच्छवट्टसमसहियणमियआएजललियवाहाओ तंबणहा मंसलग्गहत्था पीवरकोमलवरंगुलीओ निद्धपाणिलेहा रविससिसंखचक्कसोत्थियसुविभत्तसुविरतियपाणिलेहा।
-पीणुण्णयकक्खवत्थिदेसा पडिपुन्नगलकवोला चउरंगुलसुप्पमाणकंवुवरसरिसगीवा मंसलसंठियपसत्थहणुया दाडिमपुप्फप्पगासपीवरकुंचियवराधरासुंदरोत्तरोहादधिदगरयचंदकुंदवासंतिमउलअच्छिद्दविमलदसणा रत्तुप्पलपत्तमउयसुकुमालतालुजीहा कणय(व)रमुउलअकुडिलअब्भुग्गतउजुतुंगणासा सारदणवकमलकुमुदकुवलयविमुक्कदलणिगरसरिसलखणअंकियकंतणयणा पत्तलचवलायंततंबलोयणाओ_ -आणामितचावरुइलकिण्हब्भराइसंठियसंगतआययसुजातकसिणनिद्धभमुया अल्लीणपमाणजुत्तसवणा पीणमट्टरमणिजगंडलेहा चउरंसपसत्थसमणिडाला कोमुतिरयणिकरविमलपडिपुत्रसोमवयणा छत्तुनयउत्तिमंगा कुडिलसुसिणिद्धदीहसिरया छत्तज्झयजुगथूभदामिणिकमंडलुकलसवाविसोत्थियपडागजवमच्छकुम्मरहवरमगरसुकथालअंकुसअट्ठावयवीइसुपइट्टकमयूरसि रिदामाभिसेयतोरणमेइणिउदधिवरभवणगिरिवरआयंसललियगतउसभसीहचमरउत्तमपसत्यबत्तीसलक्खणधरातो हंससरिसगतीतोकोतिलमधुरगिरसुस्सराओ
-कंता सव्वस्स अणुनतातो ववगतवलिपलिया चंगदुब्वण्णवाहीदोभग्गसोगमुक्कओ उच्चत्तेण यनराण थोवूणमूसियाओ सभावसिंगाराचारचारुवेस संगतगतहसितभणियचेट्टियविलाससंलावणिउणजुत्तोवयारकुसला सुंदरथणजहनवदनकरचलणनयनमाला वण्णलावण्णजोवणविलासकलिया नंदनवनविवरचारिणीउव्व अच्छराओ अच्छेरगपेच्छणिज्जा पासाईतातो दरिसणिजातो अभिरुवाओ पडिरूवाओ । तासि णं भंते ! मणुईणं केवतिकालस्स आहारट्टे समुप्पज्जति?, गोयमा! चउत्थभत्तस्स आहारट्टे समुप्पज्जति। तेणंभंते! मणुया किमाहारमाहारेति गोयमा ! पुढविपुप्फफलाहारा ते मणुयगणा पन्नत्ता समणाउसो!।
तीसे णं भंते ! पुढवीए केरिसए आसाए पन्नत्ते ?, गोयमा ! से जहानामए गुलेति वा खंडेति वा सक्कराति वा मच्छंडियाति वा भिसकंदेतिवापप्पडमोयएतिवापुष्फउत्तराइ वा पउमुत्तराइ
Jain Education International
For Private & Personal Use Only
www.jainelibrary.org