Agam Suttani Satikam Part 08 Vipakshrut Auppatik Rajprashniya Sutram

SR No.: 003312
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 372
Language: Prakrit, Sanskrit
Classification: Book_Devnagari, Agam, Canon, agam_vipakshrut, agam_aupapatik, & agam_rajprashniya
File Size: 20 MB

Page 58

श्रुतस्कन्धः-१, अध्ययनं-९ तेणं मित्त० सद्धिं संपरिवुडे तं विउलं असणं ४ आसाएमाणा ४ विहरति जिमियभुत्तुत्तरागया० आयंते ३ तं मित्तनाइनियग० विउलगंधपुप्फजावअलंकारेणं सक्करेति स० २ देवदत्तं दारियं व्हायं विभूसियसरीरं पुरिससहस्सवाहिणीयं सीयं दुरूहति २ सुबहुमित्त जाव सद्धिं संपरिघुडा सव्वइड्डीए जाव नाइयरवेणं रोहीडं नगरं मज्झमज्झेणं जेणेव वेसमणरण्णो गिहे जेणेव वेसमणे राया तेणेव उवागच्छंति २ ता करयल जाव वद्धावेति २ ता वेसमणस्स रन्नो देवदत्तं भारियं उवणेति । तते णं से वेसमणे राया देवदत्तं दारियं उवणियं पासति उवणियं पासित्ता हट्टतुट्ठ० विउलं असनं४ उवक्खाडावेतिर मित्तनाति० आमंतेतिजावसकरेति २ पूसणंदिकुमारं देवदत्तं च दारियं पट्टयं दुरूहेति २त्ता सियापीतेहिं कलसेहिं मज्जावेति २ त्ता वरनेवत्थाई करेति २ त्ता अग्गिहोमं करेति पूसणंदीकुमारि देवदत्ताए दारियाते पाणिं गिण्हावेति।
तते णं से वेसमणे राया पूसनंदिकुमारस्स देवदत्तं दारियं सव्वइड्डीए जाव रवेणं महया इद्दीसक्कारसमुदएणं पाणिग्गहणं कारेति देवदत्ताए दारियाए अम्मापियरो मित्त जाव परियणंच विउलेण असन ४ वत्थगंधमल्लालंकारेण य सक्कारेति सम्माणेति जाव पडिविसजेति, तएणं से पूसनंदीकुमारे देवदत्ताए सद्धिं उप्पिं पासाय० फुटेहिं मुइंगमत्थेहिं बत्तीसं० उवगिज० जाव विहरति, तते णं से वेसमणे राया अन्नया कयाइंकालधम्मुणा संजुत्ते नीहरणं जाव राया जाते।
तएणं से पूसनंदी राया सिरीए देवीए मायभत्तिते यावि होत्था, कल्लाकलिं जेणेव सिरी देवी तेणेव उवागच्छति २ ता सिरीए देवीए पायवडणं करेति सयपागसहस्सपागेहिं तेल्लेहिं अभिगावेति अट्ठिसुहाते मंस० तया० चम्मसुहाए रोमसुहाए चोब्बिहाए संवाहणाए संवाहावेति सुरभिणा गंधवट्टएणं उवट्टावेति तिहिं उदएहिं मज्जावेति तंजहा-उसिणोदएणं सीओदएणं गंधोदएणं, विउलं असनं ४ भोयावेति सिरीए देवीएण्हाताएजाव पायच्छित्ताए जिमियभुत्तुत्तरागयाए तते णं पच्छा पहाति वा भुंजति वा उरालाई माणुस्सगाई भोगभोगाइं जमाणे विहरति ।
ततेणं तीसे देवदत्ताए देवीए अन्नया कयाइ पुब्बरतावरत्तकालसमयंसि कुटुंबजागरियं जागरमाणीइ इमेयारूवे अब्भत्थिए ५ समुप्पन्ने-एवं खलु पूसनंदी राया सिरीए देवीए माइभत्ते जाव विहरतितंएएणं वक्खेवेणं नो संचाएमि अहंपूसनंदीणा रन्ना सद्धिं उरालाइं० भुंजमाणीए विहरित्तएतं सेयं खलु मम सिरीदेवीं अग्गिपओगेण सत्थ० विस० मंतप्पओगेण वा जीवियाओ ववरोवेत्तए २ पूसनंदिरन्ना सद्धिं उरालाइंभोगभोगाइं जमाणीए विहरित्तए।
एवं संपेहेइ २ ता सिरीए देवीए अंतराणि य ३ पडिजागरमाणी विहरति, तते णं सा सिरीदेवी अन्नया कयावि मज्जाइया विरहियसयणिजंसि सुहपसत्ता जाया यावि होत्था, इमंचणं देवदत्ता देवी जेणेव सिरीदेवी तेणेव उवागच्छति २ ता सिरीदेवीं मजाइयं विरहितसयणिज्ज॑सि सुहपसुत्तंपासति २ दिसालोयंकरेति २ जेणेव भत्तधरे तेणेव उवागच्छतिर ता लोहदंडंपरामुसति २ लोहदंडंतावेति तत्तं समजोइभूयं फुल्लकिंसुयसमाणं संडासएणं गहाय जेणेव सिरीदेवी तेणेव उवागच्छति २ त्ता सिरीए देवीए अवाणंसि पक्खिवेति, तते णं सा सिरीदेवी महया २ सद्देणं आरसित्ता कालधम्मुणा संजुत्ता।
तते णं तीसे सिरीए देवीए दासचेडीओ आरसियसद्दे सोच्चा निसम्म जेणेव सिरीदेवी तेणेव उवागच्छंति देवदत्तं देवीं ततोअवक्कममाणिपासंति २ जेणेव सिरीदेवी तेणेव उवागच्छंति