________________
श्रुतस्कन्धः-१, अध्ययन-३
कूडागारसालं करेति अणेगक्खंभसयसन्निविट्टे पासाइए दरसणिज्जे,
तते णं से महब्बले राया अन्नया कयाई पुरिमताले नगरे उस्सुकं जाव दसरत्तं पमोयं घोसावेति २ कोडुबियपुरिसंसद्दावेति २ एवं वयासी-गच्छएणंतुब्भे देवाणुप्पिया! सालाडवीए चोरपल्लीए तत्थ णं तुम्हे अभग्गसेनं चोरसेनावई करयल जाव एवं वयासी
एवं खलु देवाणुप्पिया ! पुरिमताले नयरे महाबलस्स रनो उस्सुकं जाव दसरत्ते पमोदे उग्घोसेति तं किन्नं देवाणुप्पिया ! विउलं असनं ४ पुष्फवत्थमल्लालङ्कारं ते इहं हव्वमाणिजउ उदाहु सयमेव गच्छिता?,तते णं कोडुंबियपुरिसा महब्बलस्स रन्नो करयल जाव पडिसुणेति २ पुरिमतालाओनगराओपडि० नातिविकिट्टेहिं अद्धाणेहिं सुहेहिं वसहिं पायरासेहिंजेणेव सालाडवी चोरपल्ली तेणेव उवागच्छंति अभग्गसेनं चोरसेनापतिं करयल जाव एवं वयासी-एवं खलु देवाणुप्पिया! पुरिमताले नगरे महब्बलस्स रन्नो उस्सुक्कंजाव उदाहु सयमेव गच्छित्ता?,
ततेणं से अभग्गसेने चोरसेनावई ते कोडुंबियपुरिसे एवं वयासी-अहन्नं देवाणुप्पिया! पुरिमतालनगरंसयमेव गच्छामि, तेकोडुंबियपुरिसे सक्कारेति पडिविसजेति, ततेणं से अभग्गसेने चोर० बहूहिँ मित्त जाव परिवुडे पहाते जाव पायच्छिते सव्वालंकारविभूसिए सालाडवीओ चोरपल्लीओपडिनिक्खमति २ ताजेणेव पुरिमताले नगरे जेणेव महब्बले राया तेणेव उवागच्छति २ त्ता करयल० महब्बलं रायंजएणं विजएणं वद्धानवेंति २ त्ता महत्थं जाव पाहुडं उवणेति।
ततेणंसेमहब्बले रायाअभग्गसेनस्स चोरसेनावइस्सतंमहत्थंजावपडिच्छति, अभग्गसेनं चोरसेनावतिं सक्कारेति सम्माणेति पडिविसजेति कूडागारसालं च से आवसहं दलयति, ततेणं अभग्गसेने चोरसेनावतीमहब्बलेणंरना विसज्जिएसमाणेजेणेव कूडागारसाला तेणेव उवागच्छइ, तते णं से महब्बले राया कोडुंबियपुरिसे सद्दावेति २ ता एवं वयासी
गच्छह णं तुब्भे देवाणुप्पिया ! विपुलं असनं पाणं खाइमं साइमं उवक्खडावेह २ तं विउलं असनं४ सुरंच ६सुबहुंफुप्फगंधमल्लालंकारंचअभग्गसेनस्स चोरसेनावइस्स कूडागारसालं उवणेह तते णं ते कोडुंबियपुरिसा करयल जाव उवणेति, तते णं से अभग्गसेने चोरसेनावई बहूहिं मित्तानाइ सद्धिं संपरिवुडे पहाते जाव सव्वालंकारविभूसिएतं विउलं असनं ४ सुरंच ६ आसाएमाणा पमत्तेविहरंति, ततेणंसेमहब्बलेरायाकोडुंबियपुरिसेसद्दावेतिर एवंवयासी-गच्छह णं तुम्हे देवाणुप्पिया ! पुरमतालस्स नगरस्स दुवाराई पिहेह अभग्गसेनं चोरसेनावतिं जीवगाहं गिनिहह ममंउवणेह, ततेणंते कोडुंबियपुरिसा करयल जावपडिसुणेति २ पुरिमतालस्सनगरस् दुवाराई पिहेति अभग्गसेनं चोरसेनावइंजीवगाहं गिण्हंति महब्बलस्सरण्णो उवणेति, ततेणं से महब्बले राया अभग्गसेनंचोरसे० एतेणं विहानेणं वञ्झआणवेति, एवंखलु गोतमा! अभग्गसेने चोरसेनावई पुरापुराणाणं जाव विहरति ।
अभग्गसेने णं भंते ! चोरसेनावई कालमासे कालं किच्चा कहिं गच्छिहिति ? कहिं उववञ्जिहिति?, गोयमा! अभग्गसेने चोरसेनावई सत्तत्तीसंवासाइंपरमाउयंपाललइत्ता अजेव तिभागावसेसे दिवसे सूलभिन्ने कए समाणे कालमासे कालं किच्चा इमीसे रयणप्पभाए पुढवीए उक्कोसनेरइएसु उववजिहिति, सेणंततो अनंतरं उव्वट्टित्ता एवं संसारोजहा पढमोजाव पुढवीए,
ततोउव्वट्टित्ता वाणारसीए नयरीए सूयरत्ताएपञ्चायाहिति, सेणंतत्थ सूयरिएहिंजीवियाओ
Jain Education International
For Private & Personal Use Only
www.jainelibrary.org