________________
मूलं - ५४
योगनिरोधं करोति २२ ॥
मू. (५५) से णं भंते! तहा सजोगी सिज्झिहिइ जाव अंतं करेहिइ ?, नो इणट्टे समठ्ठे, से णं पुव्वामेवं संण्णिस्स पंचिंदियस्स पज्जत्तगस्स जहन्नजोगस्स हेट्ठा असंखेज्जगुणपरिहीणं पढमं मनजोगं निरुंभइ, तयानंतरं च णं बिंदियस्स पज्जत्तगस्स जहण्णजोगस्स हेट्ठा असंखेज्जगुणपरिहीणं बिइयं वइजोगं निरुंभइ,
१८३
तयानंतरं च णं सुहुमस्स पणगजीवस्स अपज्जत्तगस्स जहण्णजोगस्स हेट्ठा असंखेज्जगुणपरिहीनं तईयं कायजोगं निरुंभइ, से णं एएणं उवाएणं पढममनजोगं निभइ मनजोगं निरुंभित्ता वयजोगं निरुंभइ वयजोगं निरंभित्ता कायजोगं निरुंभइ कायजोगं निरंभित्ता जोगनिरोहं करेइ, जोगनिरोहं करेत्ता अजोगत्तं पाउणति,
अजीगत्तं पाउणित्ता इसिंहस्सपंचक्खर उच्चारणद्धाए असंखेज्जसमइयं अंतोमुहुत्तियं सेलेसिं पडिवज्जइ, पुब्वरइयगुणसेढीयं च णं कम्मं तीसे सेलेसिमद्धाए असंखेज्जाहिं गुणसेढीहिं अनंते कम्मंसे खवेति वेयणिज्जाउयणामगुत्ते, इचेते चत्तारि कम्मंसे जुगवं खवेइ वेदणिज्जा २ ओरालियतेयाकम्पाइं सव्वाहिं विप्पयहणाहिं विप्पजहइ, ओरालियतेयाकम्माइं सव्वाहिं विप्पयहाणाहिं विप्पयहित्ता उज्जूसेढीपडिवन्ने अफुसमाणगई उड्डुं एक्कसमएणं अविग्गहेणं गंता सागारोवउत्ते सिज्झिहिइ ।
णं तत्थ सिद्धा हवंति सादीया अपज्जवसिया असरीरा जीवघना दंसणनाणोवउत्ता निट्ठियट्ठा निरेयणा नीरया निम्मला वितिमिरा विसुद्धा सासयमणागयद्धं कालं चिट्ठति । से केणट्टेणं भंते! एवं बुच्चइ-ते णं तत्थ सिद्धा भवंति सादीया अपज्जवसिया जाव चिट्ठति ?,
गोयमा ! से जहानामए बीयाणं अग्गिदड्डाणं पुनरवि अंकुरुप्पत्ती ण भवइ, एवामेव सिद्धाणं कम्मबीए दड्ढे पुनरवि जम्मुप्पत्ती न भवइ, से तेणट्टेणं गोयमा ! एवं वुच्चइ-ते णं तत्थ सिद्धा भवंति सादीया अपज्जवसिया जाव चिट्ठति ।
जीवाणं भंते! सिज्झमाणा कयरंमि संघयणे सिज्जंति ?, गोयमा ! वइरोसभणरायसंघयणे सिज्झति, जीवा णं भंते! सिज्झमाणा कयरंमि संठाणे सिज्झति ?, गोयमा ! छण्हं संठाणाणं अन्नतरे संठाणे सिज्झति,
जीवाणं भंते! सिज्झमाणा कयरम्मि उच्चत्ते सिज्झति ?, गोयमा ! जहन्नेणं सत्तरयणीओ उक्कोसेणं पंचधनुस्सए सिज्झंति, जीवा णं भंते! सिज्झमाणा कयरम्मि आउए सिज्झति ?, गोयमा ! जहन्नेणं साइरेगट्ठवासाउए उक्कोसेणं पुव्वकोडियाउए सिज्झति ।
अत्थि णं भंते! इमीसे रयणप्पहाए पुढवीए अहे सिद्धा परिवसंति ?, नो इणट्टे समट्टे, एवं जाव अहे सत्तमाए, अत्थि णं भंते! सोहम्मस्स कप्पस्स अहे सिद्धा परिवसंति ?, नो इणट्टे समट्टे, एवं सव्वेसिं पुच्छा, ईसाणस्स सणकुमारस्स जाव अच्चुयस्स गेविज्जविमाणाणं अनुत्तरविमाणाणं, अत्थि णं भंते! ईसीपभाराए पुढवीए अहे सिद्धा परिवसंति ?, नो इणट्टे समट्टे, से कहिं खाइ णं भंते ! सिद्धा परिवसंति ?, गोयमा ! इमीसे रयणप्पहाए पुढवीए बहुसमरमणिज्जाओ भूमिभागाओ उहुं चंदिमसूरियग्गहणनक्खत्तताराभवणाओ बहूई जोयणसयाई बहूई जोयणसहस्साई बहूइं जोयणसयसहस्साइं बहुओ जोयणसकोडीओ बहूओ जोयणकोडाकोडीओ उड्ढतरं उप्पइत्ता सोहम्मीसाणसणंकुमारमाहिंदबंभलंतगमहासुक्कसहस्सार आणयपाणय आरणच्चय तिन्नि य अट्ठारे
For Private & Personal Use Only
www.jainelibrary.org
Jain Education International