________________
औपपातिकउपाङ्गसूत्रम्-४९
इहणं देवाणुप्पिया! उदगदातारो नत्थि तं नो खलु कप्पइ अम्ह अदिन्नं गिण्हित्तए अदिन्नं सातिजित्त, तं मा णं अम्हे इयाणि आवइकालंपि अदिन्नं गिण्हामो अदिन्नं सादिज्जामो मा णं अम्हं तवलोवे भविस्सइ ।
१६६
तं सेयं खलु अम्हं देवाणुप्पिया ! तिदंडयं कुंडियाओ य कंचणियाओ य करोडियाओ य भिसियाओ य छन्नालए य अंकुसए य केसरीयाओ य पवित्तए य गणेत्तियाओ य छत्तए य वाहणाओ य पाउयाओ य धाउरत्ताओ य एगते एडित्ता गंगं महानइ ओगाहित्ता वालुअसंथारए संथरिता संलेहणाझोसियाणं भत्तपानपडियाइक्खियाणं पाओवगयाणं कालं अनवकंखमाणाणं विहरित्तएत्तिकड्ड अन्नमन्नस्स अंतिए एअमठ्ठे पडिसुणंति ।
अन्नमन्नस्स अंतिए० पडिसुणित्ता तिदंडए य जाव एगंते एडेइ २ गंगं महानई ओगहेतिरत वेलु आसंथारए संथरंति वालुयासंधारयं दुरुहिंति वा२त्ता पुरत्थाभिमुहा संपलियंकनिसन्ना करयलजावकड्ड एवं वयासी
नमोऽत्थु णं अरहंताणं जाव संपत्ताणं, नमोऽत्थु णं समणस्स भगवओ महावीरस्स जाव संपाविउकामस्स, नमोऽत्थु णं अम्मडस्स परिव्वायगस्स अम्हं धम्मायरियस्स धम्मोवदेसगस्स, पुव्विं णं अम्हे अम्मडस्स परिव्वायगस्स अंतिएथूलगपाणाइ वाए पचक्खाए जावज्जीवाए मुसावाए अदिन्नादाणे पच्चक्खाए जावज्जीवाए सव्वे मेहुणे पच्चक्खाए जावज्जीवाए थूलए परिग्गहे पच्चक्खाए जावज्जीवाए ।
इणि अम्हे समणस्स भगवओ महावीरस्स अंतिए सव्वं पाणाइवायं पच्चक्खामो जावज्जीवाए एवं जाव सव्वं परिग्गहं पञ्च्चक्खामो जावज्जीवाए सव्वं कोहं मानं मायं लोहं पेज्जं दोसं कलहं अब्भक्खाणं पेसन्नं परपरिवायं अरइरइं मायामोसं मिच्छादंसणसल्लं अकरणिज्जं जोगं पच्चक्खामो जावज्जीवाए सव्वं असनं पानं खाइमं साइमं चउव्विहंपि आहारं पच्चक्खामो जावजीवाए जंपि य इमं सरीरं इठ्ठे कंतं पियं मणुण्णं मणामं थेज्जं वेसासियं संमतं बहुमतं अममं भंडकरंडगसमाणं
-माणं सीयं मा णं उन्हं मा णं खुहा मा णं पिवासा मा णं वाला मा णं चोरा मा णं दंसा मा णं मसगा माणं वातियपित्तियसंनिवाइयविविहा रोगातंका परीसहोवसग्गा फुसंतुत्तिकट्टु एयंपि णं चरमेहिं ऊसासणीसासेहिं वोसिसामित्तिकट्टु संलेहणाझूसणाझूसिया भत्तपाणापडियाइक्खिया पाओवगया कालं अनवकंखमाणा विहरंति, तए णं ते परिव्वाया बहूइं भत्ताइं असणा छेदित्ता आलोइअपडिक्कंता समाहिपत्ता कालमासे कालं किच्चा बंभलोए कप्पे देवत्ताए उववन्ना, तहिं तेसिं गई दससागरोवमाइं ठिई पन्नत्ता, परलोगस्स आराहगा, सेसं तं चेव १३ ॥
वृ. अथ ये चरकपरिव्राजका ब्रह्मलोकं गतास्तदुपदर्शनेनाधिकृतार्थं समर्थयन्नाह‘तेण’मित्यादि व्यक्तं, नवरं ‘जेठ्ठामूलमासंसि ' त्ति ज्येष्ठा मूलं वा नक्षत्रं पौर्णमास्यां यत्र स्यात् स ज्येष्ठामूलो मासः, ज्येष्ठ इत्यर्थः, 'अगामियाए 'त्ति अविद्यमानग्रामायाः 'छिन्नावाए 'त्ति छिन्नाव्यवच्छिन्नाः आपाताः-सार्थगोकुलादिसम्पाता यस्यां सा तथा तस्याः 'दीहमद्धाए 'ति दीर्घाध्वन दीर्घमार्गाया इत्यर्थः 'सद्दाविंति ' त्ति शब्दयन्ति-सम्भाषन्ते 'मग्गणगवेसणं' ति मार्गणं च - अन्वयधर्मैरन्वेषणं गवेषणं च-व्यतिरेकधर्मैरन्वेषणमेवेति मार्गणगवेषणं 'साइजित्तए' त्ति स्वादयितुंभोक्तुमित्यर्थः, क्वचित्तु 'अदिन्नं साइजित्तए' त्ति पाठः, तत्र 'भुंजित्तए' त्ति भोक्तुं 'साइजित्तए 'त्ति
Jain Education International
For Private & Personal Use Only
www.jainelibrary.org