________________
६०
ज्ञाताधर्मकथाङ्ग सूत्रम् - १/-/१/३२ दुःखासेव्यं नैर्ग्रन्थं प्रवचनं भवद्भिरुक्तमेवं दुरनुचरमेव, केषां ? - क्लीबानां मन्दसंहननानां कातराणां-चित्तावष्टम्भ-वर्जितानामत एव कापुरुषाणांकुत्सितनराणां, विशेषणद्वयं तु कण्ठ्यं, पूर्वोक्तमेवार्थमाह- दुरनुचरं - दुःखासेव्यं नैर्ग्रन्थं प्रवचनमिति प्रकृतं कस्येत्याह- प्राकृतजनस्य, एतदेव व्यतिरेकेणाह - 'नो चेव णं' नैव धीरस्य - साहसिकस्य दुरनुचरमिति प्रकृतं, एतदेव वाक्यान्तरेणाह - निश्चितंनिश्चयवद् व्यवसितं - व्यवसायः कर्म्म यस्य स तथा तस्य,
- 'एत्थ त्ति अत्र नैर्ग्रन्थे प्रवचने किं दुष्करं, ? न किञ्चित् दुरनुचरमित्यर्थः, कस्यामित्याह‘कतरणतायां' करणानांसंयमव्यापाराणां भावः करणता तस्यां संयमयोगेषु मध्ये इत्यर्थः तत् तस्मादिच्छाम्यम्बतात ! ।
मू. (३३) तते णं तं मेहं कुमारं अम्मापियरो जाहे नो संचाइंति बहूहिं विसयानुलोमाहि य विसयपडिकूलाहि य आघवणाहि य पन्नवणाहि य सन्नवणाहि य विन्नवणाहि य आघवित्तए वा पन्नवित्तए वा सन्नवित्तए वा विन्नवित्तए वा ताहे अकामए चेव मेहं कुमारं एवं वदासी
इच्छामो ताव जाया ! एगदिवसमवि ते रायसिरिं पासित्तए, तते णं से मेहे कुमारे अम्मापितरमणुवत्तमाणे तुसिणीए संचिट्ठति, तते गं से सेणिए राया कोडुंबियपुरिसे सद्दावेति २ त्ता एवं वदासी - खिप्पामेव भो देवाणुप्पिया! मेहस्स कुमारस्स महत्थं महग्घं महरिहं विउलं रायाभिसेयं उवदुवेह, तते णं ते कोडुंबियपुरिसा जाव तेवि तहेव उवट्टवेति,
तते णं से सेणिए राया बहूहिं गननायगदंडणायगेहि य जाव संपरिवुडे मेहं कुमारं अट्ठसएणं सोवन्नियाणं कलसाणं एव रुप्पमयाणं कलसाणं सुवन्नरुप्पमयाणं कलसाणं मणियमाणं कलसाणं सुवन्नणिमयाणं० रुप्पमणिमयाणं० सुवन्नरुप्पमणिमयाणं० भोमेज्जाणं० सव्वोदएहिं सव्वमट्टियाहिं सव्वपुप्फेहिं सव्वगंधेहि सव्वमल्लेहिं सव्वोसहिहि य सिद्धत्थएहि य सव्विड्डीए सव्वजुईए सव्वबलेणं जाव दुंदुभिनिग्घोसणादितरवेणं महया २ रायाभिसेएणं अभिसिंचति २ करयल जाव कट्टु एवं वदासी - जय जय नंदा ! जय २ भद्दा ! जय नंदा० भद्दं ते अजियं जिणेहि जियं पालयाहि जियमज्झे वसाहि अजियं जिणेहि सत्तुपक्खं जियं च पालेहि मित्तपक्खं जाव भरहो इव मणुयाणं रायगिहस्स नगरस्स अन्नेसिं च बहूणं गामागरनगरजाव सन्निवेसाणं आहेवच्चं जाव विहराहित्ति कट्टु जय २ सद्दं पउंजंति,
तणं से मेहेराया जाते महया जाव विहरति, तते णं तस्स मेहस्स रन्नो अम्मापितरो एवं वदासी-भण जाया ! किं दलयामो किं पयच्छामो किं वा ते हियइच्छिए सामत्थे (मन्ते) ?,
तते णं से मेहे राया अम्मापितरो एवं वदासी- इच्छामि णं अम्मयाओ ! कुत्तियावणाओ रयहरणं पडिग्गहगं च उवणेह कासवयं च सद्दावेह, तते गं से सेणिए राया कोडुंबियपुरिसे सद्दावेति सद्दावेत्ता एवं वदासी - गच्छह णं तुब्भे देवाणुप्पिया ! सिरिधरातो तिन्नि सयसहस्सातिं गहाय दोहिं सयसहस्सेहिं कुत्तियावणाओ रयहरणं पडिग्गहगं च उवणेह सयसहस्सेणं कासवयं सद्दावेह,
तणं ते कोडुंबियपुरिसा सेणिएणं रन्ना एवं वृत्ता समाणा हट्ठतुट्ठा सिरिधराओ तिन्नि सयसहस्सातिं गहाय कुत्तियावणातो दोहिं सयसहस्सेहिं रयहरणं पडिग्गहं च उवर्णेति सयसहस्सेणं कासवयं सद्दावेति, तते णं से कासवए तेहिं कोडुंबियपुरिसेहिं सद्दाविए समाणे हड्ढे जाव हयहियए
Jain Education International
For Private & Personal Use Only
www.jainelibrary.org