________________
३०६
उपासकदशाङ्गसूत्रम्७/४६ आजीवियदिडिं गेण्हावित्तएत्तिकटु एवं संपेहेइ २ त्ता आजीवियसंघसंपरिबुडे जेणेव पोलासपुरे नयरे जेणेव आजीवियसभातेणेव उवागच्छइ २ त्ताआजीवियसभाएभंडगनिक्खेवं करेइ २ त्ता कइवएहिं आजीविएहिं सद्धिं जेणेव सद्दालपुत्ते समणोवासए तेणेव उवागच्छइ,
तएणं से सद्दालपुत्ते समणोवासए गोसालं मंखलिपुत्तं एजमाणं पासइ २ ता नो आढाइ नो परिजाणाइ अणाढायमाणे अपरिजाणमाणे तुसिणीए संचिट्ठइ, तएणं से गोसाले मंखलिपुत्ते सद्दालपुत्तेणं समणोवासएणं अणाढाइज्जमाणे अपरिजणिज्जमाणे पीढफलगसिज्जासंथारट्ठयाए समणसभगवओ महावीरस्स गुणकित्तणंकरेमाणे सद्दालपुत्तंसमणोवासयंएवंवयासी-आगएणं देवाणुप्पिया! इहंमहामाहणे?,तएणंसद्दालपुत्ते समणोवासएगोसालंमंखलिपुत्तंएवं वयासी के णं देवाणुप्पिया ! महामाहणे ?, तएणं से गोसाले मंखलिपुत्ते सद्दालपुत्तं समणोवासयं एवं वयासी-समणे भगवं महावीरे महामहणे,
से केणटेणं देवाणुप्पिया! एवं वुच्चइ-समणे भगवं महावीरे महामाहणे?, एवं खलु सद्दालपुत्ता! समणे भगवंमहावीरे महामाहणेउप्पन्ननाणदंसणधरे जाव महियपूइएजावतच्चकम्मसम्पयासम्पउत्ते, से तेणटेणं देवाणुप्पिया एवं वुच्चइ-समणे भगवं महावीरे महामाहणे।
आगए णं देवाणप्पिया इहं महागोवे?, केणं देवाणुप्पिया! महागोवे?, समणे भगवं महावीरे महागोवे, से केणटेणं देवाणुप्पिया ! जाव महागोवे ?, एवं खलु देवाणुप्पिया ! समणे भगवं महावीरे संसाराडवीए बहवे जीवे नस्समाणे विनस्समाणे खज्जमाणे छिज्जमाणे भिज्जमाणे लुप्पमाणेविलुप्पमाणेधम्ममएणंदंडेणंसारक्खमाणे संगोवेमाणे निव्वाणमहावाइंसाहत्यिं संपावेइ, से तेणटेणं सद्दालपुत्ता! एवं वुच्चइ-समणे भगवं महावीरे महागोवे ।
आगाए णं देवाणुप्पिया ! इहं महासत्यवाहे ?, के णं देवाणुप्पिया ! महासत्यवाहे ?, सद्दालपुत्ता! समणे भगवंमहावीरे महासत्यवाहे, सेकेणटेणं०?, एवं खलु देवाणुप्पिया! समणे भगवं महावीरे संसाराडवीए बहवे जीवे नस्समाणे विनस्समाणे जाव विलुप्पमाणे धम्ममएणं पंथेणं सारक्खमाणे० निव्वाणमहापट्टणभिमुहे साहत्थिं संपावेइ, से तेणटेणं सद्दालपुत्ता एवं वुच्चइ-समणे भगवं महावीरे महासत्थवाहे।
____ आगएणं देवाणुप्पिया! इहं महाधम्मकही?, केणं देवाणुप्पिया महाधम्मकही? समणे भगवं महावीरे महाधम्मकही, से केपट्टेणं समणे भगवं महावीरे महाधम्मकही ?, एवं खलु देवाणुप्पिया समणे भगवं महावीरे महइमहालयंसि संसारंसि बहवे जीवे नस्समाणे विनस्समाणे ख० छि० भि० लु० वि० उम्मग्गपडिवन्नेसप्पहविप्पणढे मिच्छत्तबलाभिभूए अट्ठविहकम्मतपडलपडोच्छन्ने बहूहिं अट्टेहिं य जाव वागरणेहि य चाउरंताओ संसारकन्ताराओ साहत्थिं नित्थारेइ, से तेणटेणं देवाणुप्पिया! एवं वुच्चइ-समणे भगवं महावीरे महाधम्मकही।
आगए णं देवाणुप्पिया ! इहं महानिजामए?, के णं देवाणुप्पिया! महानिज्जामए?, समणे भगवं महावीरे महानिज्जामए, से केणटेणं०?, एवं खलु देवाणुप्पिया ! समणे भगवं महावीरे संसारमहासमुद्दे बहवे जीवे नस्समाणे विनससमाणे जाव विलु० बुड्डमाणे निबुड्डमाणे उप्पियमाणे धम्ममईए नावाए निव्वाणतीराभिमुहे साहत्थिं संपावेइ, से तेणटेणं देवाणुप्पिया! एवं वुच्चइ-समणे भगवं महावीरे महानिजामए।
Jain Education International
For Private & Personal Use Only
www.jainelibrary.org