________________
११६
ज्ञाताधर्मकथाङ्ग सूत्रम्-१/-/५/६७ सुएणं परिव्वायेणं एवं वुत्ते समाणे सुयं परिव्वायगंएवं वदासी-सुया! जत्ताविमेजवणिज्जंपिमे अव्वाबाहपि मे फासुयविहारंपि मे, तते णं से सुए थावच्चापुत्तं एवं वदासी-किं भंते ! जत्ता!, सुया! जनं मम नाणदंसणचरित्ततवसंजममातिएहिं जोएहिं जोयणा से तंजत्ता,
से किंतंभंते!जवणिजं?, सुया! जवणिज्जे दुविहे पं०, तं०-इंदियजवणिज्जेय नोइंदियजणिज्जेय, से किंतं इंदियजवणिजं?, सुया! जन्नममंसोतिंदियचक्खिदियघाणिंदियजिभिदियफासिंदियाइं निरुवहयाई वसे वसृति से तंइंदियजवणिजं, से किं तं नोइंदियजवणिजे? सुया! जन्नं कोहमाणमायालोभाखीणा उवसंता नो उदयंति से तं नोइंदियजवणिजे,
से किंतंभंते !अव्वाबाह?, सुया! जन्नं मम वातियपित्तियसिंभियसन्निवाइया विविहा रोगातंका नो उदीरेति सेत्तं अव्वाबाहं, से किं तं भंते ! फासुयविहारं?, सुया! जन्नं आरामेसु उज्जानेसु देवउलेसु सभासु पव्वासु इत्थिपसुपंडगविवज्जियासु वसहीसु पाडिहारियं पीठफलगसेजासंथारयं उग्गिण्हित्ताणं विहसमि सेत्तं फासुयविहारं।
सरिसवयातेभंते! किंभक्खेया अभक्खेया?, सुया! सरिसवया भक्खेयाविअभक्खेयावि, से केणट्टेणं भंते ! एवं वुच्चइ ?-सरिसवया भक्खेयावि अभक्खेयावि?, सुया ! सरिसवया दुविहा पं०, तं०-मित्तसरिसवया धनसरिसवया य, तत्थ णं जे ते मित्तसरिसवया ते तिविहा पं०,-सहजायया सहवड्डियया सहपंसुकीलियया, ते णं समणाणं णिग्गथाणं अभक्खेया,
तत्थ णंजे ते धन्नसरिसवयाते दुविहा पं०,-सत्थपरिणयाय असत्थपरिणया य, तत्थ णंजे तेअसत्थपरिणयाते समणाणं निग्गंथाणं अभक्खेया, तत्थणजे ते सत्थपरिणयाते दुविहा पं०, तं०-फासुगाय अफासुगाय, अफासुया णं सुया ! नो भक्खेया, तत्थ णंजे ते फासुया ते दुविहा पं०, तं०-जातिया य अजातिया य, तत्थ णं जे ते अजातिया ते अभक्खेया,
-तत्थ णं जे ते जाइया ते दुविहा पं०, तं०-एसणिज्जा य अनेसणिज्जा य, तत्थ णं जे ते अनेसणिज्जा ते णं अभक्खया, तत्थ णंजे ते एसणिज्जा ते दुविहा पं०, तं०-लद्धा य अलद्धा य, तत्थणंजेते अलद्धाते अभक्खेया, तत्थणजे ते लद्धा ते निग्गंथाणंभक्खेया, एएणं अटेणं सुया एवं वुच्चतिसरिसवया भक्खेयावि अभक्खेयावि, एवं कुलत्थावि भाणियव्वा,
नवरिइमंनाणत्तं-इथिकुलत्था यधन्नकुलत्था य, इत्थिकुलत्था तिविहापं०, तं०-कुलवधुयायकुलमाउयाइयकुलधूयाइय, धनकुलत्था तहेव, एवंमासावि, नवरिइमंनाणतं-मासा तिविहा पं०, तं०-कालमासा य अत्थमासास य धन्नमासा य, तत्थ णं जे ते कालमासा ते णं दुवालसविहा पं०, तंजहा-सावणेजावआसाढे, तेणंअभक्खेया, अस्थमासादुविहा-हिरनमासा वसुवन्नमासा य, ते णं अभक्खेया धनमासा तहेव ।
___ एगे भवं दुवे भवं अनेगे भवं अक्खए भवं अव्वए भवं अवट्ठिए भवं अनेगभूयभावे भविएविभवं?, सुया ! एगेवि अहं दुवेवि अहं जाव अनेगभूयभावभविएवि अहं, से केणखूण भंते ! एगेवि अहं जाव सुया ! दव्वट्टयाए एगे अहं नाणदसणट्ठयाए दुवेवि अहं पएसठ्ठयाए अक्खएवि अहं अव्वएवि अहं अवट्ठिएवि अहं उवओगट्ठयाए अनेगभूयभावभविएवि अहं, एत्थ णं से सुए संयुद्धे थावच्चापुत्तं वंदति नमंसति २ एवं वदासी- .
इच्छामि णं भंते ! तुब्भे अंतिए केवलिपन्नत्तं धम्मं निसामित्तए धम्मकहा भाणियव्वा,
Jain Education International
For Private & Personal Use Only
www.jainelibrary.org