Page Text
________________
श्रुतस्कन्धः -१, वर्ग:, अध्ययनं ५
११५
तते णं थावच्चापुत्ते सुदंसणं एवं वदासी-सुदंसणा ! से जहा नामए केइ पुरिसे एगं महं रुहिरकयं वत्थं रुहिरेण चेव धोवेज्जा तते णं सुदंसणा ! से जहा नामए केइ पुरिसे एगं महं रुहिरकयं वत्थं रुहिरेण चेव धोवेज्जा तते णं सुदंसणा ! तस्स रुहिरकयस्स वत्थस्स रुहिरेण चेव पक्खालिज - माणस्स अत्थि काइ सोही ?, नो तिणट्टे समट्टे, एवामेव सुदंसणा ! तुब्भंपि पाणातिवाएणं जाव मिच्छादंसणसल्लेणं नत्थि सोही जहा तस्स रुहिरंकयस्स वत्थस्स रुहिरेणं चेव पक्खालिजमाणस्स नत्थि सोही, सुदंसणा ! से जहा नामए केइ पुरिसे एगं महं रुहिरकयं वत्थं सज्जियाखारेणं अनुलिंपति २ पयणं आरुहेति २ उण्हं गाहेइ २ त्ता ततो पच्छा सुद्धेणं वारिणा धोवेज्जा, से नूनं सुदंसणा ! तस्स रुहिरकयस्स वत्थस्स सज्जियाखारेणं अणुलित्तस्स पयणं आरुहियस्स उण्हं गाहितस्स सुद्धेणं वारिणा पक्खालिज्जमाणस्स सोही भवति ?, हंता भवइ, एवामेव सुदंसणा ! अम्हंपि पाणाइवायवेरमणेणं जाव मिच्छादंसणसल्लवेरमणेणं अत्थि सोही,
जहा बीयस्स परुहिरकयस्स वत्थस्स जाव सुद्धेणं वारिणा पक्खालिज्जमाणस्स अत्थि सोही, तत्थ णं से सुदंसणे संबुद्धे थावच्चापुत्तं वंदति नम॑सति २ एवं वदासी- इच्छामि णं भंते धम्मं सोच्चा जाणित्तए जाव समणोवासए जाते अहिगयजीवाजीवे जाव समुप्पज्जित्था - एवं खलु सुदंसणेणं सोयं धम्मं विप्पजहाय विनयमूले धम्मे पडिवन्ने,
तं सेयं खलु मम सुदंसणस्स दिट्ठि वामेत्तए० पुनरवि सोयमूलए धम्मे आघवित्तएत्तिकड एवं संपेहेति २ परिव्वालायगसहस्सेणं सद्धिं जेणेव सोगंधिया नगरी जेणेव परिव्वायगावसहे तेणेव उवागच्छति २ परिव्वायगावसहंसि भंडनिक्खेवं करेति २ धाउरत्तवत्थपरिहिते पविरलपरिव्वायगेणं सद्धिं संपरिवुडे परिव्वायगावसहाओ पडिनिक्खमति २ सोगंधियाए नयरीए मज्झंमज्झेणं जेणेव सुदंसणस्स गिहे जेणेव सुदंसणे तेणेव उवागच्छति तते णं से सुदंसणे तं सुयं एजमाणं पासति २ नो अब्भुट्ठेति नो पच्चुग्गच्छति नो आढाइ नो परियाणाइ नो वंदति तुसिणीए संचिद्वति तए णं से सुए परिव्वायए सुदंसणं अणब्भुट्टियं० पासित्ता एवं वदासी
तुमं णं सुदंसणा ! अन्नदा ममं एजमाणं पासित्ता अब्भुट्ठेसि जाव वंदसि इयाणि सुदंसणा ! तुमं ममं एज्जमाणं पासित्ता जाव नो वंदसि तं कस्स णं तुमे सुदंसणा ! इमेयारूवे विनयमूलधम्मे पडिवन्ने, तते णं से सुदंसणे सुएणं परिव्वयएणं एवं वुत्ते समाणे आसणाओ अब्भुट्टेति २ करयल० सुयं परिव्वायगं एवं वदासी- एवं खलु देवाणुप्पिया ! अरहतो अरिट्ठनेमिस्स अंतेवासी थावच्चापुत्ते नामं अनगारे जाव इहमागए इह चैव नीलासोए उज्जाणे विहरति, तस्स णं अंतिए विनयमूले धम्मे पडिवन्ने, तते णं से सुए परिव्वायए सुदंसणं एवं वदासी
तं गच्छामो णं सुदंसणा ! तव धम्मायरियस्स थावच्चापुत्तस्स अंतियं पाउब्भवामो इमाई च णं एयारूवातिं अट्ठाई हेऊई पसिणातिं कारणातिं वागरणातिं पुच्छामो,
तं जणं मे से इमाई अट्ठातिं जाव वागरति तते णं अहं वंदामि नम॑सामि अह मे से इमातिं अट्टातिं जाव नो से वाकरेति तते णं अहं एएहिं चैव अद्वेहिं हेऊहिं निप्पट्टपसिणवागरणं फरिस्तामि, तते णं से सुए परिव्वायगसहस्सेणं सुदंसणेण य सेट्ठिणा सद्धिं जेणेव नीलासोए उज्जाणे जेणेव थावच्चापुत्ते अनगारे तेणेव उवागच्छति २ त्ता थावच्चापुत्तं एवं वदासी
जत्ता ते भंते ! जवणिज्जं ते अव्वाबाहंपि ते फासुयं विहारं ते ?, तते णं से थावच्चापुत्ते
For Private & Personal Use Only
www.jainelibrary.org
Jain Education International
| SR No. | 003311 |
| Book Title | Agam Suttani Satikam Part 07 Nayadhammkaha Aadi 5agams |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 548 |
| Language | Prakrit, Sanskrit |
| Classification | Book_Devnagari, Agam, Canon, agam_gyatadharmkatha, agam_upasakdasha, agam_antkrutdasha, agam_anuttaropapatikdasha, & agam_prashnavyakaran |
| File Size | 12 MB |