________________
भगवतीअङ्गसूत्रं (२) १२/-/५/५४२
-शतकं-१२ उद्देशकः-५:वृ. अनन्तरोद्देशके पुद्गला उक्तास्तत्प्रस्तावात्कर्मपुद्गलस्वरूपाभिधानाय पञ्चम द्देशकमाह
मू. (५४२) रायगिहे जाव एवं वयासी-अह भंते ! पाणाइवा० मुसा० अदि० मेहु० परि० एस णं कतिवन्ने कतिगंधे कतिरसे कतिफासे पन्नत्ते?, गोयमा ! पंचवन्ने पंचरसे दुगंधे चउफासे पन्नत्ते।
अहभंते! कोहे १ कोवेर रोसे ३ दोसे ४ अखमे ५ संजलणे ६ कलहे ७ चंडिक्क ८ भंडणे ९ विवादे १० एस णं कतिवन्ने जाव कतिफासे पण्णत्ते ?, गोयमा ! पंचवन्ने पंचरसे दुगंधे चउफासे पण्णते।
___ अह भंते ! माणे मदे दप्पे थंभे गव्वे अत्तुक्कोसे परपरिवाए उक्कसे अवक्कासे उन्नामे दुन्नामे १२ एसणं कतिवन्ने ४?, गोयमा! पंचवन्ने जहा कोहे तहेव। - अह भंते! माया उवही नियडीवलये गहणेणूमे कक्क कुरूए जिम्हे किब्बिसे १०आयरणया गृहणयावंचणया पलिउंचणया सातिजोगेय १५ एसणं कतिवन्ने ४?, गोयमा! पंचवन्ने जहेव कोहे अह भंते ! लोभे इच्छा मुच्छा कंखा गेही तण्हा भिज्झा अभिज्झा आसासणया पत्थणया १० लालप्पणया कामासाभोगासाजीवियासामरणासानंदीरागे १६ एसणं कतिवन्ने?,जहेव कोहे । अह भंते ! पेज्जे दोसे कलहे जाव मिच्छादसणसल्ले एस णं कतिवन्ने ! जहेव कोहे तहेव चउफासे॥
मू. (५४३) अह भंते ! पाणाइवायवेरमणे जाव परिग्गहवेरमणे कोहविवेगे जाव मिच्छादसणसल्लविवेगे एसणं कतिवन्ने जाव कतिफासे पन्नते?, गोयमा! अवन्ने अगंधे अरसे अफासे पन्नते। अह भंते ! उप्पत्तिया वेणइया कम्मिया परिणामिया एसणं कतिवन्नातं चेव जाव अफासा पन्नत्ता।
अह भंते! उग्गहे ईहा अवाये धारणा एसणंकतिवन्ना?, एवं चेव जाव अफासा पन्नत्ता
अह भंते ! उठाणे कम्मे बले वीरिए पुरिस्कारपरक्कमे एस णं कतिवन्ने ? तं चेव जाव अफासे पन्नत्ते।
सत्तमे णं भंते ! उवासंतरे कतिवन्ने ? एवं चेव जाव अफासे पन्नत्ते ।
सत्तमेणं भंते! तणुवाए कतिवन्ने?, जहा पाणाइवाए, नवरं अट्ठफासे पन्नत्ते, एवं जहा सत्तमे तनवाए तहा सत्तमे घनवाए घनोदधि पुढवी, छटे उवासंतरे अवन्ने, तनुवाए जाव छट्ठी पुढवी एयाइं अट्ठ फासाई, एवं जहा सत्तमाए पुढवीए वत्तव्वया भणिया तहा जाव पढमाए पुढवीए भाणियव्वं, जंबुद्दीवे २ सयंभुरमणे समुद्दे सोहम्मे कप्पे जावईसिपब्भारापुढवी नेरतियावासा जाव वेमाणियावासा एयाणि सव्वाणि अट्ठफासाणि।
नेरइया णं भंते ! कतिवन्ना जाव कतिफासा पन्नत्ता ?, गोयमा ! वेउवियतेयां पडुच्च पंचवन्ना पंचरसा दुग्गंधा अट्ठफासा पन्नत्ता, कम्मगं पडुच्च पंचवन्ना पंचरसा दुगंधा चउफासा पण्णता, जीवं पडुच्च अवन्ना जाव अफासा पन्नत्ता, एवं जाव थणिय०,
पुढविकाइयपुच्छा, गोयमा!ओरालियतेयगाइं पडुच्च पंचवन्नाजावअट्ठफासा पन्नत्ता,
Jain Education International
For Private & Personal Use Only
www.jainelibrary.org