Page Text
________________
३९४
भगवतीअङ्गसूत्रं (२) २५/-/४/८८७ एएसिणं भंते! परमाणुपोग्गलाणंदुपएसियाणयखंधाणंदव्वट्ठयाए कयरेरहितो अप्पा वाबहुया वातुल्ला वा वि०?, गोयमा! दुपएसिएहिंतोखंधेहितोपरमाणुपोग्गलादब्वट्ठयाएबहुगा
एएसिणंभंते! दुपएसियाणं तिप्पएसाण यखंधाणंदव्वट्टयाएकयरेशहितो बहुया०?, गोयमा ! तिपएसियखंधेहिंतो दुपएसिया खंधा दवट्टयाए बहुया, एवं एएणं गमएणं जाव दसपएसिएहिंतो खंधेहिंतो नवपएसिया खंधा दव्वट्ठयाए बहुया।
एएसिणंभंते! दसपएसिएपुच्छा, गोयमा! दसपएसिएहिंतोखंधेहितो संखेजपएसिया खंधा दव्वट्ठयाए बहुया, एएसिणंभंते! संखेज० पुच्छा, गोयमा! संखेज्जपएसिएहिंतो खंधेहितो असंखेजपएसिया खंधा दव्वठ्ठयाए बहुया, एएसिणं भंते ! असंखेज्ज० पुच्छा, गो०!, अनंतपएसिएहिंतोखंधेहिंतो असंखेजपएसिया खंधा दव्वट्ठयाए बहुया।
. एएसिणं भंते ! परमाणुपोग्गलाणं दुपएसियाण य खंधाणं पएसट्टयाए कयरेर हितो बहुया?, गोयमा ! परमाणुपोग्गलेहिंतो दुपएसिया खंधा पएसट्टयाए बहुया।
एवंएएणं गमएणंजाव नवपएसिएहितोखंधेहिंतो दसपएसिया खंधा पएसट्टयाएबहुया, एवं सव्वत्थ पुच्छियव्वं, दसपएसिएहिंतोखंधेहितो संखेजपएसियाखंधापएस० बहुया, संखेजपएसिएहितो असंखेजपएसिया खंधा.पएसट्टयाए बहुया, एएसिणं भंते! असंखेज्जपएसियाणं पुच्छा, गोयमा! अनंतपएसिएहिंतो खंधेहितो असंखेज्जपएसिया खंधा पएसट्टयाए बहुया।
___ एएसिणं भंते ! गपएसोगाढाणं दुपएसोगाढाण य पोग्गलाणं दव्वठ्ठयाए कयरेशहितो जाव विसेसाहियावा?, गोयमा! दुपएसोगाढेहितोपोग्गलेहिंतोदुपएसोगाढापोग्गलादब्वट्ठयाए विसेसा० जावदसपएसोगाढेहितोपोग्गले हितो नवपेसोगाढा पोग्गला दव्वट्ठयाए विसेसाहिया, दसपएसोगादेहितोपोग्गलेहितोसंखेजपएसोगाढापोग्गलादब्वट्ठयाए बहुया, संखेजपएसोगाढेहितो पोग्गलेहितो असंखेजपएसोगाढा पोग्गला दब्वट्ठयाए बहुया, पुच्छा सव्वत्थ भाणि०। .
एएसिणंभंते! एगपएसोगाढाणंदुपएसोगाढाणयपोग्गलाणंपएसट्टयाएकयरे२हितो० विसेसा०?, गोयमा! एगपएसोगाढेहितोपोग्गलेहिंतोदुपएसोगाढा पोग्गला पएसट्टयाएविसेसा०, एवं जाव नवपएसोगाढेहिंतो पोग्गलेहिंतो दसपएसोगाढा पोग्गला पएस० विसेसाहिया, दसपएसोगाढेहितोपोग्गलेहिं संखेजपएसोगाढापोग्गला पएसट्टयाए बहुया, संखेजपएसोगाढेहितो पोग्गलेहिंतो असंखेजपएसोगाढा पोग्गला पएसट्टयाए बहुया।
एएसि णं भंते ! एगसमयद्वितीयाणं दुसमयहितीयाण य पोग्गलाणं दव्वट्ठयाए जहा ओगाहणाए वत्तव्वया एवं ठितीएवि । एएसि णं भंते ! एगगुणकालयाणं दुगुणकालयाण य पोग्गलाणंदव्वट्ठयाए एएसिणंजहा परमाणुपोग्गलादीणंतहेव वत्तव्वया निरवसेसा, एवंसव्वेसिं वन्नगंधरसाणं।
एएसिणंभंते! एगगुणकक्खडाणंदुगुणककखडाणयपोग्गलाणंदव्वट्ठयाए कयरेशहितो० विसेसाहिया?, गोयमा! एगगुणकक्खडेहितो पोग्गलेहिंतो दुगुणकक्खडा पोग्गला दव्वट्ठयाए विसेसाहिया, एवं जाव नवगुणकक्खडेहितो पोग्गलेहिंतो दसगुणकक्खडा पोग्गला दव्वट्ठयाए विसे०, दसगुणकक्खडेहिंतो पोग्गलेहितो संखिजगुणकक्खडा पोग्गला दव्वट्ठयाए बहुया।
संखेजगुणकक्खडेहितो पोग्गलेहितो असंखेज्जगुणकक्खडा पोग्गला दव्वठ्ठयाए बहुया,
Jain Education International
For Private & Personal Use Only
www.jainelibrary.org
| SR No. | 003310 |
| Book Title | Agam Suttani Satikam Part 06 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |