Page Text
________________
३८८
॥२॥
॥३॥
119 11
भगवती अङ्गसूत्रं (२) २५/-/३/८८०
आह समेऽनंतत्तंमि खेत्तकालाण किं पुण निमित्तं । भणियं खमनंतगुणं कालो य सिमनंतभागंमि ॥ भन्नइ नभसेढीए अणाइयाए अपज्जवसियाए । निप्फज्जइ खंमि घणो न उ कालो तेण सो थोवो ॥ - प्रदेशोभ्योऽनन्तगुणाः पर्याया इति, एतद्भावनार्थ गाथा"एत्तो य अनंतगुणा पज्जाया जेण नहपएसम्मि । एक्कम अनता अगुरुलहू पज्जवा भणिया ।" शतकं - २५ उद्देशकः - ३ समाप्तः
-: शतकं - २५ उद्देशकः-४ :
वृ. तृतीयोद्देशके संस्थानादीनां परिमाणमुक्तं, चतुर्थे तु परिमाणस्यैव भेदा उच्यन्ते, इत्येवंसम्बन्धस्यास्येदमादिसूत्रम्
"
मू. (८८१) कति णं भंते! जुम्मा पत्रत्ता ?, गोयमा ! चत्तारि जुम्मा पं० तं० - कडजुम्मे जाव कलिओगे, से केण० एवं वु० चत्तारि जुम्मा पं० कडजुम्मे जहा अट्ठारसमसते चउत्थे उद्देसए तहेव जाव से तेण० गोयमा ! एवं वु० ।
नेरइयाणं भंते ! कति जुम्मा प० ?, गोयमा ! चत्तारि जुम्मा पं०, तंजहा - कडजुम्मे जाव कलियोए, सेकेण० एव वु० नेरइयाणं चत्तारि जुम्मा पं०, तं० - कडजुम्मे अट्ठो तहेव एवं जाव वाउकाइयाणं, वणस्सइकाइयाणं भंते! पुच्छा, गोयमा ! वणस्सइकाइया सिय कडजुम्मा सिय तेयोया सिय दावरजुम्मा सिय कलियोगा ।
सेकेणट्टे० एवं वुच्चइ वणस्सइकाइया जाव कलियोगा ?, गोयमा ! उववायं पडुच्च, से तेणट्टेणं तं चेव, बेंदियाणं जहा नेरइयाणं एवं जाव वेमाणि०, सिद्धाणं जहा वणस्सइकाइयाणं । कतिविहाणं भंते! सव्वदव्वा प० ?, गोयमा ! छव्विहा सव्वदव्वा प० तंजहा - धम्मत्थिकाए अधम्मत्थिकाए जाव अद्धासमए ।
धम्मत्थिकाए णं भंते! दव्वट्टयाए किं कडजुम्मे जाव कलिओगे ?, गोयमा ! नो कडजुम्मे नो तेयोए नो दावरजुम्मे कलिओए, एवं अहम्मत्थिकाएवि, एवं आगासत्थिकाएवि, जीवत्थिकाए णं भंते! पुच्छा, गोयमा ! कडजुम्मे नो तेयोये नो दावरजुम्मे नो कलियोये, पोग्गलत्थिकाए णं भंते! पुच्छा, गोयमा ! सिय कडजुम्मे जाव सिय कलियोगे, अद्धासमये जहा जीवत्थिकाए । धम्मल्लिकाए णं भंते! पएसइयाए किं कडजुम्मे ? पुच्छा, गोयमा ! कडजुम्मे नो तेयोए नो दावरजुम्मे नो कलियोगे एवं जाव अद्धासमए ।
एएसि णं भंते ! धम्मत्थिकाय अधम्मत्थिकाय जाव अद्धासमयाणं दव्वट्टयाए० एएसि णं अप्पा बहुगं जहा बहुवत्तव्वयाए तहेव निरवसेसं ।
धम्मत्थिकाए णं भंते! किं ओगाढे अनोगाढे ?, गोयमा ! ओगाढे नो अनोगाढे, जइ ओगाढे किं संखेज्जपएसोगाढे असंखेज्जपएसोगाढे अनंतपएसोगाढे ?, गोयमा ! नो संखेज्जपएसोगाढे असंखेज्जपएसोगाढे नो अनंतपएसोगाढे ।
जइ असंखेजप एसोगाढे किं कडजुम्मपएसोगाढे ?, पुच्छा, गोयमा ! कडजुम्मपएसोगाढे
For Private & Personal Use Only
www.jainelibrary.org
Jain Education International
| SR No. | 003310 |
| Book Title | Agam Suttani Satikam Part 06 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |