Page Text
________________
३५८
भगवती अङ्गसूत्रं (२) २४/-/२१/८५७
उवरिम२ गेवेज्ज० ?, गोयमा ! हिट्ठिमर गेवेज्जजाव उवरिम २, गेवेज्जदेवे णं भंते! जे भविए मस्से उववजित्त से णं भंते! केवतिका० ?, गोयमा ! जह० सावपुहुत्तठितीएसु उक्कोसेणं पुव्व कोडी अवसेसं जहा आणयदेवस्स वत्तव्वया नवरं ओगाहणा० गो० ! एगे भवधारणिजे सरीरए से जहन्त्रेणं अंगुलस्स असंखेज्जइभागं उक्कोसेणं दो रयणीओ ।
संठाणं, गो० ! एगे भवधारणिज्जे सरीरे समचउरंससंठिए प०, पंच समुग्धाया पं० तंवेदणासमु० जाव तेयगसमु०, नो चेव णं वेउब्वियतेयगसमुद्धाएहिंतो समोहणिंसु वा समोहणंति वा समोहणिस्संति वा, ठिती अणुबंधो जहन्नेणं बावीसं सागरोवमाइं उक्को० एक्कतीसं सागरोवाई, सेसं तं०, कालादे० जह० बावीसं सा० वासपुहुत्तमब्भ० उक्को० तेणउतिं सागरोवमाइं तिहिं पुव्वकोडीहिं अब्भहियाइं एवतियं०, एवं सेसेसुवि अट्ठगमएसु नवरं ठितीं संवेहं च जाणे० ९ ।
जइ अणुत्तरोववाइकप्पातीतवेमाणि० किं विजयअणुत्तरोववाइय० वेजयंत अणुत्तरोववातिय० जाव सव्वट्ठसिद्ध० ?, गोयमा ! विजयअणुत्तरोववातियजाव सव्वट्ठसिद्धअणुत्तरोववातिय०, विजयवेजयंतजयंत अपराजियदेवे णं भंते ! जे भविए मणुस्सेसु उवव० से णं भंते! केवति० एवं जहेव गेवेज्जदेवाणं नवरं ओगाहणा जह० अंगुलस्स असं० भागं उक्कोसेणं एगा रयणी० सम्मदिट्ठी नो मिच्छदिट्ठी नो सम्मामिच्छदिट्ठी, नाणी नो अन्नाणी नियमं तिन्नाणी तं० - आभिणिबोहिय० सुय० ओहिनाणी, ठिती जहन्त्रेणं एक्कतीसं सागरोवमाइं उक्को० तेत्तीसं सागरोवमाई ।
सेसं तहेव, भवादे० जह० दो भवग्गहणाइं उक्को० चत्तार भवग्गहणाई, कालादे० जह० एक्कतीसं सागरो वासपुहुत्तमब्भहियाइं उक्कोसेणं छावट्ठि सागरोवमाइंदोहिं पुव्वकोडीहिं अब्भहियाई एवतियं, एवं सेसावि अट्ठ गमगा भाणियव्वा नवरं ठित अणुबंधं संवेधं च जाणेज्जा सेसं एवं चेव सव्वट्टसिद्धगदेवे णं भंते! जे भविए मणुस्सेसु उववज्जित्तए सा चैव विजयादिदेववत्तव्वया भाणियव्वा नवरं ठिती अजहन्नमणुक्कोसेणं तेत्तीसं सागरोवमाइं एवं अणुबंधोवि, सेसं तं चेव, भवादेसेणं दो भवग्गहणाई, कालादेसेणं जहन्नेणं तेत्तीसं सागरोवमाइं वासपुहुत्तमब्भहियाई उक्कोसेणं तेत्तीसं सागरोवमाइं पुव्वकोडीए अब्भहियाई एवतियं० १ ।
सो चेव जहन्नकालट्ठितीएसु उववन्नो एस चैव वत्तव्वया नवरं कालादेसेणं जहन्नेणं तेत्तीसं सागरी ० वासपुहुत्तमब्भहियाइं उक्कोसेणवि तेत्तीसं सागरी० वासपुहुत्तमब्भहियाइं एवतियं० २ सो चेव उक्कोसकालट्ठितीएसु उववन्नो एस चेव वत्तव्वया, नवरं कालादेसेणं जहन्नेणं तेत्तीसं सागरोवमाइं पुव्वकोडीए अब्भहियाई, उक्कोसेणवि तेत्तीसं सागरोवमाइं पुव्वकोडीए अब्भहियाई, एवतियं० ३, एते चेव तिन्नि गमगा सेसा न भण्णंति । सेवं भंते! २ त्ति ।
वृ. 'जहन्त्रेणं मासपुहुत्तठिइएसु' त्ति अनेनेदमुक्तं - रत्नप्रभानारका जघन्यं मनुष्यायुर्बघ्नन्तो मासपृथक्त्वाद्धीनतरं न बघ्नंन्ति तथाविधपरिणामाभावादिति, एवमन्यत्रापि करणं वाच्यं, तथा परिमाणद्वारे 'उक्कोसेणं संखेज्जा उववज्रंति' त्ति नारकाणां संमूर्च्छिमेषु मनुष्येषूत्पादाभावाद्गर्भजानां च सङ्ख्यातत्वात्सङ्ख्याता एव ते उत्पद्यन्त इति, 'जहा तहिं अंतोमुहुत्तेहिं तहा इहं मासपुहुत्तेहिं संवेहंकरेज्ज'त्तियथातत्र-पञ्चेन्द्रियतिर्यगुद्देशके रत्नप्रभानारकेभ्य उत्पद्यमानानां पञ्चेन्द्रियतिरश्चां जघन्यतोऽन्तर्मुहूर्त्तस्थितिकत्वादन्तर्मुहूर्तैः संवेधः कृतस्तथेह मनुष्योद्देशके मनुष्याणां जघन्य
For Private & Personal Use Only
www.jainelibrary.org
Jain Education International
| SR No. | 003310 |
| Book Title | Agam Suttani Satikam Part 06 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |