Page Text
________________
शतकं - २४, वर्ग:, उद्देशकः - २१
भविए मणुस्सेसु उववज्रित्ताए से णं भंते! केवति० ?, गोयमा ! जहन्त्रेणं अंतोमुहत्तट्ठितिएसु उक्कोसेणं पुव्वकोडी आउएसु उवव० ।
ते णं भंते! जीवा एवं जच्चेव पंचिंदियतिरिक्खजोणिएसु उववज्रमाणस्स पुढविक्वाइयस्स वत्तव्वया सा चेव इहवि उववज्रमाणस्स भाणियव्वा नवसुवि गमएसु, नवरं ततियछट्टनवमेसु गमएसु परिमाणं जहन्नेणं एक्को वा दो वा तिन्नि वा उक्कोसेणं संखेज्जा उवव०, जाहे अप्पणा जहन्नकाल- द्वितिओ भवति ताहे पढमगमए अज्झवसाणा पसत्थावि अप्पसत्थावि बितियगमए अप्पसत्था ततियगमए पसत्था भवति सेसं तं चैव निरवसेसं ९ ।
३५७
जइ आउक्काइए एवं आउक्काइयाणवि, एवं वणस्सइकाइयाणवि, एवं जाव चउरिदियाणवि, असन्निपंचिंदियतिरिक्खजोणियसन्निपंचिंदियतिरिक्खजोणिय असन्निमणुस्ससन्निमणुस्साण य एते सव्वेवि जहा पंचिंदियतिरिक्खजोणियउद्देसए तहेव भाणियव्वा, नवरं एयाणि चैव परिमाणअज्झवसाणनाणत्ताणिजाणिज्जा पुढविकाइयस्स एत्थ चेव उद्देसए भणियाणि सेसं तहेव निरवसेसं जइ देवेहिंतो उवव० किं भवणवासिदेवेहिंतो उवव० वाणमंतर० जोइसिय० वेमाणियदेवेहिंतो उवव० ?, गोयमा ! भवणवासी जाव वेमाणिय०, जइ भवण० किं असुरजाव थणिय० गोयमा ! असुर जाव थणित, असुरकुमारे णं भंते ! जे भविए मणुस्सेसु उवव० से णं भंते ! केवति० ?, गोयमा ! जह० मासपुहुत्तट्ठितिएसु उक्कोसेणं पुव्वकोडिआउएसु उवव० ।
एवं जच्चेव पंचिंदियतिरिक्खजोणिउद्देसए वत्तव्वया सच्चेव एत्थवि भाणियव्वा, नवरं जहा तहिं जहन्नगं अंतोमुहुत्तट्ठितीएस तहा इहं मासपुहुत्तट्ठिईएसु, परिमाणं जहन्नेणं एक्को वा दो वा तिन्नि वा उक्कोसेणं संखेज्जा उववज्जंति, सेसं तं चैव, एवं जाव ईसाणदेवोत्ति, एयाणि चैव नाणत्ताणिसणंकुमारादीया जाव सहस्सारोत्ति जहव पंचिंदियतिरिक्खजोणिउद्देसए, नवरं परिमाणं जह० एक्को वा दो वा तिन्नि वा उक्कोसेणं संखेज्जा उववज्जंति, उववाओ जहन्त्रेणं वासुपुहत्तट्ठितिएसु उक्कोसेणं पुव्वकोडी आउएसु उवव०, सेसं तं चैव संवेहं वासपुहुत्तं पुव्वकोडीसु करेजा ।
सणंकुमारे ठिती चउगुणिया अट्ठावीसं सागरोवमा भवंति, माहिंदे ताणि चेव सातिरेगाणि, बम्हलोए चत्तालीसं लंतए छप्पन्नं महासुक्के अट्ठसट्ठि सहस्सारे बावत्तरिं सागरोवमाइं एसा उक्कोसा ठिती भणियव्वा जहन्नट्ठितिंपि चउ गुणेज्जा ९ ।
आणयदेवे णं भंते! जे भविए मणुस्सेसु उववज्जित्तए से णं भंते! केवति० ?, गोयमा ! जहन्नेणं वासपुहुत्तट्ठितिएसु उवव० उक्कोसेणं पुव्वकोडीठितीएसु, ते णं भंते! एवं जहेव सहस्सारदेवाणं वत्तव्वया नवरं ओगाहणा ठिई अणुबंधो य जाणेज्जा ।
सेसं ते चेव, भवादेसेणं जहन्नेणं दो भवग्गहणाइं उक्कोसेणं छ भवग्गहणाईं, कालादेसेणं जहन्नेणं अट्ठारस सागरोवमाइं वासपुहुत्तमब्भहियाइं उक्को० सत्तावन्नं सागरोवमाइं तिहिं पुव्वकोडीहिं अब्भहियाइं एवतियं कालं०, एवं नववि गमा, नवरं ठितिं अणुबंधं संवेहं च जाणेज्जा, एवं जाव अच्चुयदेवो, नवरं ठिर्ति अणुबंधं संवेहं च जाणेज्जा, पाणयदेवस्स ठिती तिगुणिया सहिं सागरोवमाई, आरणगस्स तेवट्टिं सागरोवमाइं, अच्चुयदेवस्स छावट्ठि सागरोवमाई ।
जइ कप्पातीतवेमाणियदेवेहिंतो उवव० किं गेवेज्जकप्पातीत० अनुत्तरोववातियकप्पातीत० ?, गोयमा ! गेवेज० अणुत्तरोववा०, जइ गेवेज्ज० किं हिट्टिम२ गेविज्जगकप्पातीतजाव
Jain Education International
For Private & Personal Use Only
www.jainelibrary.org
| SR No. | 003310 |
| Book Title | Agam Suttani Satikam Part 06 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |