________________
शतकं - २४, वर्ग:, उद्देशकः - २
३२९
ते णं भंते! सो चेव रयणप्पभपुढविगमओ नेयव्वो नवरं सरीरोगाहणा जहन्त्रेणं रयणिपुहुत्तं उक्कोसेणं पंचघनुसयाइं ठिती जहन्त्रेणं वासपुहुत्तं उक्कोसेणं पुव्वकोडी एवं अनुबंधोवि, सेसं तं चेव जाव भवासोत्ति, कालादेसेणं जहन्त्रेणं सागरोवमं वासपुहुत्तं अब्भहियं उक्कोसेणं बार सागरोवमाइं चउहिं पुव्वकोडीहिं अब्भहियाइं एवतियं जाव करेजा १ । एवं एसा ओहिएसुतिसु गमएस मणूसस्स लद्धी नाणत्तं नेरइयट्ठिती कालादेसेणं संवेहं च जाणेज्जा ३ ।
से चेव अप्पणा जहन्नकालट्ठितीओ जाओ तिसुवि गमएसु एस चेव लद्धी नवरं सरीरोगाहणा जहन्त्रेणं रयणिपुहुत्तं उक्कोसेणवि रयणिपुहुत्तं ठिती जहन्नेणं वासपुहुत्तं उक्कोसेणवि वासपुहुत्तं एवं अनुबंधोवि सेसं जहा ओहियाणं संवेहो सव्वो उवजुंजिऊण भाणियव्वी ४-५-६ ।
सो चेव अप्पणा उक्कोसकालट्ठितीओ तस्सवि तिसुवि गमएसु इंम नाणत्तं - सरीरोगाहणा जहन्नेणं पंचघनुसयाइं उक्कोसेणवि पंचघणुसयाइं ठिती जहन्नेणं पुव्वकोडी उक्कोसेणवि पुव्वकोडी एवं अनुबंधोवि सेसं जहा पढमगमए नवरं नेरइयठिई य कायसंवेहं च जाणेज्जा ९ ।
एवं जाव छट्ठपुढवी नवरं तच्चाए आढवेत्ता एक्केक्कं संघयणं परिहायति जहेव तिरिक्खजोणियाणं कालादेसोवि तहेव नवरं मणुस्सट्ठिती भाणियव्वा ।
पज्जत्तसंखेज्जवासाउयसन्निमणुस्से णं भंते! जे भविए अहेसत्तमाए पुढविनेरइएसु उववजित्त से गं भंते! केवतिकालट्ठितीएसु उववज्जेज्जा ?, गोयमा ! जहन्नेणं बावीसं सागरोवमठितीएसु उक्कोसेणं तेत्तीसं सागरोवमट्टितीएस उववज्जेज्जा ।
ते णं भंते! जीवा एगसमएणं अवसेसो सो चेव सक्करप्पभापुढविगमओ नेयव्वो नवरं पढमं संघयणं इत्थवेयगा न उववज्रंति सेसं तं चैव जाव अनुबंधोत्ति भवादेसेणं दो भवग्गहणाई कालादेसेणं जहन्त्रेणं बावीसं सागरोवमाइं वासपुहुत्तमब्भहियाइं उक्कोसेणं तेत्तीसं सागरोवमाइं पुव्वकोडीए अब्भहियाइं एवतियं जाव करेज्जा १ ।
सो चेव जहन्नकालट्ठितीएसु उववन्नो एस चेव वत्तव्वया नवरं नेरइयट्ठितिसंवेहं च जाणेज्जा २, सो चेव उक्कोसकालट्ठितीएसु उववन्नो एस चैव वत्तव्वया नवरं संवेहं च जाणेज्जा ३ ।
सो चेव अप्पणा जहन्नकालट्ठितीओ जाओ तस्सवि तिसुवि गमएसु एस चेव वत्तव्वया नवरं सरीरोगाहणा जहन्नेणं रयणिपुहुत्तं उक्कोसेणवि रयणिपुहुत्तं ठिती जहन्त्रेणं वासपुहुत्तं उक्कोसेणवि वासपुहुत्तं एवं अनुबंधोवि संवेहो उवजुंजिऊण भाणियव्वो ६ ।
सो चेव अप्पणा उक्कोसकालट्ठितीओ जाओ तस्सवि तिसुवि गमएस एस चेव वत्तव्वया नवरं सरीरोगहाणा जहन्नेणं पंचधनुसयाइं उक्कोसेणवि पंचधनुसयाइं ठिती जहन्नेणं पुव्वकोडी उक्कोसेणवि पुब्वकोडी एवं अनुबंधोवि नवसुवि एतेसु गमएस नेरइयद्विती संवेहं च जाणेज्जा सव्वत्थ भवग्गहणाइं दोन्नि जाव नवमगमए कालादेसेणं जहन्त्रेणं तेत्तीसं सागरोवमाइं पुव्वकोडीए अब्भहियाइं उक्कोसेणवि तेत्तीसं सागरोवमाइं पुव्वकोडीए अब्भहियाइं एवतियं कालं सेवेज्जा एवतियं कालं गतिरागतिं करेजा ९ ॥ सेवं भंतेत्ति जाव विहरति ॥
वृ. शर्करराप्रभावक्तव्यतायाम् - 'सरीरोगाहणा रयणिपुहुत्तं 'ति अनेननेदमवसीयतेद्विहस्तप्रमाणेभ्यो हीनतरप्रमाणा द्वितीयायां नोत्पद्यन्ते, तथा 'जहन्नेणं वासुपुहुत्तं' ति अनेनापि वर्षद्वयायुष्केभ्यो हीनतरायुष्का द्वितीयायां नोत्पद्यन्त इत्यवसीयते, 'एवं एसा ओहिएसु तिसु
For Private & Personal Use Only
www.jainelibrary.org
Jain Education International