________________
शतकं - २४, वर्ग:-, उद्देशकः - 9
३२३
जहन्नकालद्वितीयपज्जत्तसंखेज्जवासाउयसन्निपंचिंदियतिरिक्खजोणिए णं भंते! जे भविए रयणप्पभपुढविजाव उववज्ञ्जित्तए से णं भंते! केवतिकालट्ठितीएसु उववज्जेज्जा ?, गोयमा ! जहन्नेणं दसवाससहस्सट्ठितीएसु उक्कोसेणं सागरोवमट्ठितीएसु उववज्जेज्जा, ते णं भंते ! जीवा अवसेसो सो चेव गमओ नवरं इमाइं अट्ठ नाणत्ताइं - सरीरोगाहणा जहन्त्रेणं अगुलस्स असंखेज्जइभागं उक्कोसेणंघनुपुहुतं, लेस्साओ तिन्नि आदिल्लाओ, नो सम्मदिट्ठी मिच्छादिट्ठी नो सम्मामिच्छादिट्ठी, नो नाणी दो अन्नाणा नियमं, समुग्घाया आदिल्ला तिन्नि, आउं अज्झवसाणा अनुबंधो य जहेव असन्नीणं चत्तारि सागरोवमाइं चउहिं अंतोमुहुत्तेहिं अब्भहियाई एवतियं कालं जाव करेज्जा ४ ।
सो चेव जहन्नकालट्ठितीएसु उववन्नो जहन्नेणं दसवाससहस्सट्ठितीएसु उक्कसेणवि दसवाससहस्सट्ठितीएसु उववज्रेज्दा, ते णं भंते! एवं सो चेव चउत्थो गमओ निरवसेसो भाणियव्वो जावकालादेसेणं जहन्त्रेणं दसवाससहस्साइं अंतोमुहुत्तमब्भहियाइं उक्कसेणं चत्तालीसं वाससहस्साइं चउहिं अंतोमुहुत्तेहिं अब्भहियाइं एवतियं जाव करेज्जा ५ । .
सोचे उक्कोसका लट्ठितीसु उववन्नो जहन्त्रेणं सागरोवमट्टितीएसु उववज्जेज्जा उक्कोसेणवि सागरोवमट्टितीएसु उववज्जेज्जा ते णं भंते! एवं सो चेव चउत्थो गमओ निरवसेसो भाणियव्वों जाव कालादेसेणं जहन्नेणं सागरोवमं अंतोमुहुत्तमब्भहियं उक्कोसेणं चत्तारि सागरोवमाइं चउहिं अंतोमुहुत्तेहिं अब्भहियाइं एवतियं जाव करेज्जा ६ ।
उक्कोसकालट्ठितीयपज्जत्तसंखेज्जवासा जाव तिरिक्खजोणिए णं भंते ! जे भविए रयणप्पभापुढविनेरइएसु उववज्जित्तए से णं भंते! केवतिकालट्ठितीएसु उववज्जेज्जा ?, गोयमा ! जहन्त्रेणं दसवाससहस्सट्टितीएसु उक्कोसेणं सागोरवमट्टितीएसु उववज्जेज्जा, ते णं भंते ! जीवा अवसेसो परमाणादीओ भवाएसपज्जवसाणो एएसि चेव पढमगमओ नेयव्वो नवरं ठिती जहन्नेणं पुव्वकोडी उक्कोसेणवि पुव्वकोडी, एवं अनुबंधोवि, सेसं तं चेव, कालादेसेणं जहन्त्रेणं पुव्वकोडी दसहिं वासससहस्सेहिं अब्भहिया उक्कोसेणं चत्तारि सागरोवमाइं चउहिं पुव्वकोडीहिं अब्भहियाई एवतियं कालं जाव करेज्जा ७ ।
सो चेव जहन्नकालट्ठितीएसु उववन्नो जहन्नेणं दसवाससहस्सट्ठितीएसु उक्कोसेणवि दसवाससहस्सट्ठीतीएसु उववज्जेज्जा ते णं भंते! जीवा सो चैव सत्तमगमओ निरवसेसो भाणियव्वो जाव भवादेसोत्ति, कालादेसेणं जहन्त्रेणं पुव्वकोडी दसहिं वाससहस्सेहिं अब्भहिया उक्कोसेणं चत्तारि पुव्वकोडीओ चत्तालीसाए वाससहस्सेहिं अब्भहिआओ एवतियं जाव करेज्जा ।
उक्कोसकालट्ठितीयपज्जत्तजाव तिरिक्खजोणिए णं भंते ! जे भविए उक्कोसकालट्ठितीय जाव उववज्जित्तए से णं भंते! केवतिकालट्ठितीएसु उववज्जेज्जा ?, गोयमा ! जहन्त्रेणं सागरोवमट्ठितीएसु उक्कोसेणवि सागरोवमट्टितीएसु उववज्जेज्जा, ते णं भंते! जीवा सो चेव सत्तमगमओ निरवसेसो भाणियव्वो जाव भवादेसोत्ति, कालादेसेणं जहन्त्रेणं सागरोवमं पुव्वकोडीए अमहियं उक्कोसेणं चत्तारि सागरोवमाइं चउहिं पुव्वकोडीहिं अब्भहियाई एवइयं जाव करेजा ९ । एवं एते नव गमका उक्खेवनिक्खेवओ नवसुवि जहेव असनीणं ।
वृ. 'जइ सन्नी' त्यादि, तिनि नाणा तिन्नि अन्नाणा भयणाए 'त्ति तिरश्चां सञ्ज्ञिनां नरकगामिनां ज्ञानान्यज्ञानानि च त्रीणि भजनया भवन्तीति द्वे वा त्रीणि वा स्युरित्यर्थः, 'नवरं पंच समुग्धाया
Jain Education International
For Private & Personal Use Only
www.jainelibrary.org