Page Text
________________
शतकं-१५, वर्गः-, उद्देशकः
१९१ ठिती पन्नत्ता, सेणं सव्वानुभूति देवे ताओ देवलोगाओ आउक्खएणं भवक्खएणं ठिइक्खेणं जाव महाविदेहे वासे सिज्झिहिति जाव अंतं करेहिति।
एवं खलु देवाणुप्पियाणं अंतेवासी कोसलजाणवए सुनक्खत्ते नामंअनगारे पगइभद्दए जाव विणीए, से णं भंते ! तदा णं गोसालेणं मंखलिपुत्तेणं तवेणं परिताविए समाणे कालमासे कालं किच्चा कहिं गए कहिं उववन्ने ?, एवं खलु गोयमा! ममं अंतेवासी सुनक्खत्ते नामं अनगारे पगइभद्दए जाव विणीए।
से णं तदा गोसालेणं मंखलिपुत्तेणं तवेणं तेएणं परिताविए समाणे जेणेव ममं अंतिए तेणेव उवाग०२ वंदति नमं०२ सयमेव पंच महव्वयई आरुभेति सयमेव पंच महव्वयाइं० समणा य समणीओ य खामेति २ आलोइयपडिक ते समाहिपत्ते कालमासे कालं किच्चा उर्ल्ड चंदिम-सूरियज़ाव आरणकप्पे वीईवइत्ता अच्चुए कप्पे देवत्ताए उववन्ने ।
तस्थणं अत्थेगतियाणं देवाणंबावीसंसागरोवमाइंठिती पन्नत्ता, तत्थणंसुनक्खत्तस्सवि देवस्स बावीसं सागरोवमाइंसेसंजहा सव्वानुभूतिस्स जाव अंतं काहिति।
मू. (६५७) एवं खलु देवाणुप्पियाणं अंतेवासी कुसिस्से गोसाले नाम मंखलिपुत्ते सेणं भंते! गोसाले मंखलिपुत्ते कालमासे कालं किच्चा कहिं ग० कहिं उव०?, एवं खलु गोयमा! ममं अंतेवासी कुसिस्से गोसाले नाम मंखलिपुत्ते समणघायए जाव छउमत्थे चेव कालमासे कालं किच्चा उढंचंदिम जाव अच्चुए कप्पे दे० उव०, तत्थ णं अत्थेग० देवाणंबावीसंसा०ठिती प० तत्थ णं गोसालस्सवि देवस्स बावीसंसा० ठिती प०।
सेणंभंते! गोसाले देवे ताओ देव० आउक्ख०३ जाव कहिं उववनिहिति?, गोयमा! इहेव जंबू०२ भारहे वासे विंझगिरिपायमूले पंडेसुनवण्हं मा० बहुप० जाव वीतिकंताणं जाव सुरूवेदारएपयाहिति, जरयणिंचणं से दारए जाइहितितंरयणिंचणंसयदुवारे नगरेसभितरबाहिरिए भारग्गसो य कुंभग्गसो य पउभवासे य रयणवासे य वासे वासिहिति। .
- तएणंतस्स दारगस्स अम्मापियरो एक्कारसमे दिवसे वीतिकंतेजाव संपत्ते बारसाहदिवसे अयमेयारूवंगोण्णं गुणनिप्फन्नंनामधेजंकाहिँति-जम्हाणंअम्हंइमंसिदारगंसिजायंसिसमाणंसि सयदुवारे नगरे सब्जिंतरबाहिरिए जाव रयणवासे वुढे तं होउणं अम्हंइमस्स दारगस्स नामधेचं महापउमे महा०।तएणं तस्स दारगस्स अम्मापियरो नामधेनं करेहिंति महापउमोत्ति, तएणंतं महापउणंदारगंअम्मापियरो सातिरेगट्ठवासजायगंजाणित्ता सोभनंसितिहिकरणदिवसनक्खत्तमुहुत्तंसि महया २ रायाभिसेगेणं अभिसिंचेहिंति, सेणं तत्थ राया भविस्सति महया हिमवंतमहंतवनओ जाव विहरिस्सइ।।
तएणं तस्समहापउमस्सरन्नो अन्नदा कदायिदो देवा महड्डियाजाव महेसक्खा सेणाकम्म काहिति, तं०-पुन्नभद्देय माणिभद्दे य, तएणं सयदुवारे नगरे बहवे राईसरतलवरजाव महेसक्खा सेणाकम्मंजाव सत्थवाहप्पभिईओ अन्नमन्नं सद्दावेहंतिअ० एवं वदेहिति-जम्हाणंदवाणुप्पिया ! अम्हं महापउम्स रन्नो दो देवा महड्डिया जाव सेनाकम्मं करेंति तं०-पुन्नभद्दे य माणिभद्दे य, तं होउणं देवाणुप्पिया! अम्हं महापउमस्स रन्नो दोच्चंपि नामधेजे देवसेने दे०२।
तएणं तस्स महापउमस्स रन्नो दोच्चेऽवि नामधेजे भविस्सति देवसेनेति र, तएणं तस्स
Jain Education International
For Private & Personal Use Only
www.jainelibrary.org
| SR No. | 003310 |
| Book Title | Agam Suttani Satikam Part 06 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |