Agam Suttani Satikam Part 06 Bhagvati

SR No.: 003310
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 532
Language: Prakrit, Sanskrit
Classification: Book_Devnagari, Agam, Canon, & agam_bhagwati
File Size: 12 MB

Page 195

१९२
भगवतीअङ्गसूत्रं (२) १५/-/-/६५७ देवसेनस्स रन्नो अन्नया कयाइ सेते संखतलविमलसन्निगासे चउदंते हत्थिरयणे समुप्पजिस्सइ, तएणं से देवसेने राया तसेयं संखतलविमलसन्निगासंचउदंतं हत्थिरयणं दूरूढे समाणे सयदुवारं नगरं मज्झमझेणं अभिक्खणं २ अतिजाहिति निजाहिति य, तए णं सयदुवारे नगरे बहवे राईसरजावपभिईओअनमन्नंसद्दावेतिअ०२ वदेहिति-जम्हाणं देवाणुप्पिया! अम्हदेवसेनस्स रन्नो सेते संखतलसन्निकासे चउदंते हस्थिरयणे समुप्पन्ने, तं होउणंदेवाणुप्पिया! अम्हं देवसेनस्स रन्नो सेते संखतलसनिकासे चउहते हस्थिरयणं समुप्पन्ने, तंहोउणंदेवाणुप्पिया! अम्हं देवसेनस्स रन्नो तच्चेवि नामधेजे विमलवाहणे वि० २, तए णं तस्स देवसेनस्स रन्नो तच्चेवि नामधेजे विमलवाहणेत्ति।
तएणं से विमलवाहणे राया अन्नया कदायिसमणेहिं निग्गंथेहिं मिच्छंविप्पडिवजिहिति अप्पेगतिए आउसेहिति अप्पेगतिए अवहसिहिति अप्पेगतिए निच्छोडेहिति अप्पेगतिए निब्भत्थेहिति अप्पेगतिए बंधेहिति अप्पेगतिए निरंभेहिति अप्पेगतियाणं छविच्छेदं करेहिति अप्पेगतिए पमारेहिए अप्पेगतियाणं उद्दवेहिति अप्पेगियाणं वत्थं पाडग्गहं कंबलं पायपुंछणं आच्छिदिहिति विच्छिदिहित भिंदिहिति अवहरिहिति अप्पेगतियाणं भत्तपाणं वोच्छिंदिहिति अप्पेगतिए निन्नगरे करेहिति अप्पेगतिए निव्विसए करेहिति ।
तए णं सयदुवारे नगरे बहवे राईसरजाव वदिहिंति-एवं खलु देवाणु० विमलवाहणे राया समणेहिं निग्गंथेहिं मिच्छं विप्पडिवन्ने अप्पेगतिए आउस्सति जाव निव्विसए करेति, तंनो खलु देवाणुप्पिया! एयं अम्हं सेयं नो खलु एयं विमलवाहणस्स रन्नो सेयं नो खलु एवं रज्जस्स वा रहस्स वा बलस्स वा वाहणस्स वा पुरस्स वा अंतेउरस्स वा जणवयस्स वा सेयंजण्णं विमलवाहणे राया समणेहिं निग्गंथेहिं मिच्छं विप्पडिवन्ने, तं सेयं नो खलु एयं विमलवाहणस्स रन्नो सेयं नो खलु एयं रज्जस्स वा रहस्स वा वालस्स वा बाहणस्स वा पुरस्स वा अंतेउरस्स वा जणवयस्स वा सेयंजण्णं विमलवाहणे राया समणेहिं निग्गंथेहिं मिच्छं विप्पडिवन्ने, तं सेयं खलु देवाणुप्पिया! अम्हं विमलवाहणं रायं एयमटुं विन्नवित्तएत्तिकट्ठअन्नमनस्स अंतियं एयमटुं पडिसुणेति अ०२ जेणेव विमलवाहणे राया तेणेव उ०२ करयलपरिग्गहियंविमलवाहणंरायंजएणविजएणंवद्धावेति ज०२ एवंव०-एवंखलु देवाणु० समणेहिं निग्गंथेहिं मिच्छं विप्पडिवनाअप्पेगतिएआउस्संति जाव अप्पेगतिए निव्विसए करेंति। ।
-तंनो खलु एयं देवाणुप्पियाणं सेयं नो खलु एयं अम्हं सेयं नो खलु एवं रजस्स वा जाव जणवयस्स वा सेयं जंणं देवाणुप्पिया ! समणेहिं निग्गंथेहिं मिच्छं विप्पडिवन्ना तं विरमंतु णं देवाणुप्पिया! एअस्स अट्ठस्स अकरणयाए,तए णं से विमलवाहणे राया तेहिं बहूहिं राईसरजाव सत्थवाहप्पभिईहिंएयमटुंविनत्ते समाणेनोधम्मोत्तिनोतवोत्ति मिच्छाविणएणं एयमद्वं पडिसणेहि तस्सणं सयदुवारस्स नगरस्स बहिया उत्तरपुरच्छिमे दिसी भागे एत्थणंसुभूमिभागे नाम उजाणे भविस्सइ सव्वोउय वन्नओ। ..
तेणं कालेणं तेणं समएणं विमलस्स अरहओ पउप्पए सुमंगले नाम अनगारे जाइसंपन्ने जहा धम्मघोसस्स वनओ जाव संखित्तविउलतेयलेस्से तिन्नाणोवगए सुभूमिभागस्स उजाणस्स अदूरसामंते छटुंछट्टेणं अनि० जाव आयावेमाणे विहरिस्सति।