Page Text
________________
१७२
भगवतीअङ्गसूत्रं (२) १५/-/-/६४५ तएणं ते वणिया हट्टतुट्ठ० भायणाई भरेति २ पवहणाई भरेति २ तचंपि अन्नमन्नं एवं व०-एवंखलु दे०! अम्हे इमस्सवम्मीयस्स पढमाए वप्पाए भिन्नाएओराले उदगरयणेआसादिए दोच्चाए वप्पाए भिन्नाए ओराले सुवन्नरयणे अस्सादिएतं सेयं खलु देवाणुप्पिया! अम्हं इमस्स वम्मीयस्स तचंपि वप्पिं भिंदित्तए, अवियाइं एत्य ओरालं मणिरयणं अस्सादेस्सामो, तएणं ते वणिया अन्नमन्नस्स अंतियं एयमहूँ पडिसुणेति अं० २ तस्स वम्मीयस्स तचंपि वप्पिं भिंदंति, ते णं तत्थ विमल निम्मलं निब्बलं निक्कलं महत्थं महग्धं महरिहं ओरालं मणिरयणं अस्सादेति।
तएणंते वणिया हट्टतुट्ठ० भायणाइंभरेतिभा०२ पवहणाइंभरेंति २ चउत्थंपिअन्नमन्नं एवंवयासी-एवंखलु देवा० ! अम्हे इमस्स वम्मीयस्सपढमाए वप्पाएभिन्नाए ओराले उदगरयणे अस्सादिए दोच्चाए वप्पाएभित्राएओराले सुवण्णरयणे अस्सादिएतचाए वप्पाएभिन्नाए ओराले मणिरयणे अस्सादिएतंसेयंखलु देवाणुप्पिया! अम्हंइमस्स वम्मीयस्सचउत्थंपिवप्पिं भिंदित्तए अवि याइं उत्तमं महग्धं महरिहं ओरालं वइररयणं अस्सादेस्सामो।
तएणंतेसिंवणियाणंएगेवणिएहियकामएसुहकामए पत्थकामएआनुकंपिएनिस्सेसिए हियसुहनिस्सेसकामएते वणिए एवं वयासी-एवं खलु देवा०! अम्हे इमस्स वम्मीयस्स पढमाए वप्पाए भिन्नाए ओराले उदगरयणे जाव तच्चाए वप्पाए भिन्नाए ओराले मणिरयणे अस्सादिएतं होउ अलाहि पञ्जत्तं एसा चउत्थी वप्पामा भिजउ, चउत्थीणे वप्पा सउवसग्गा यावि होत्या, तए णं ते वणिया तस्स वणियस्स हियकामगस्स सुहकामजाव हियसुहनिस्सेसकामगस्स एवमाइक्खमाणस्स जाव परूवेमाणस्स एयमटुं नो सद्दहति जाव नो रोयंति, एयमटुं असद्दहमाणा जाव अरोएमाणा तस्स वम्मीयस्स चउत्थंपि वप्पिं भिंदंति, ते णं तत्थ उग्गविसं चंडविसं घोरविसं महाविसं अतिकायमहाकायं मसिमूसाकालगयं नयणविसरोसपुत्रं अंजणपुंजनिगरप्पगासंरत्तच्छं जमलजुयलचंचलचलंतजीहं धरणितलवेणियभूयं उक्कडफुडकुडिलजडुलक्खडविकडफडाडोवकरणदच्छंलोहागरधम्मणाणधमधमेतघोसंअनागलियचंडतिव्वरोसंसमुहि तुरियंचवलं धमंतं दिट्ठीविसं सर्प संघटेति। ___तए णं से दिट्ठीविसे सप्पे तेहिं वणिएहिं संघट्टिए समाणे आसुरुत्ते जाव मिसमिसेमाणे सणियं २ उद्वेति २ सरसरसरस्स वम्मीयस्स सिहरतंदुरूहेइ सि०२ आइच्छनिज्झाति आ०२ ते वणिए अनिमिसाए दिट्ठीए सव्वओ समंता समभिलोएति, तए णं ते वणिया तेणं दिट्ठीविसेणं सप्पेणंअनिमिसाए दिट्ठीए दव्वओ समंतासमभिलोइया सभाणा खिप्पामेवसभंडमत्तोवगरणया एगाहच्चं कूडाहचं भासरासी कया यावि होत्था, तत्थ णंजे से वणिए तेसिं वणियाणं हियकामए जाव हियसुहनिस्सेसकामए सेणं अणुकंपयाए देवयाए सभंडमत्ता नियगं नगरं साहिए।
एवामेव आणंदा! तवविधम्मायरिएणंधम्मोवएसएणंसमणेणंनायपुत्तेणंओराले परियाए आसाइए ओराला कित्तिवन्नसद्दसिलोगा सदेवमणुयासुरे लोए पुवंति गुबंति थुवंति इति खलु समणे भगवं महावीरे इति०२, तंजदि मे से अजज किंचिवि वदति तो गंतवणं तेएणंएगाहचं कूडाहनं भासरासिं करेमिजहा वा वालेणं ते वणिया, तुमंचणंआनंदा! सारक्खामि संगोवामि जहा वा से वणिए तेसिं वणियाणं हियकामए जाव निस्सेसकामए अणुकंपयाए देवयाए सभंडमत्तोव० जाव साहिए, तंगच्छणंतुमंआनंदा! तवधम्मायरियस्सधम्मोवएसगस्स समणस्स
Jain Education International
For Private & Personal Use Only
www.jainelibrary.org
| SR No. | 003310 |
| Book Title | Agam Suttani Satikam Part 06 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |