Page Text
________________
भगवती अङ्गसूत्रं (२) १५/-/-/६४२ तिलथंभयाओ तं तिलसंगुलियं खुड्डति खुड्डित्ता करयलंसि सत्त तिले पप्फोडेइ, तए णं तस्स गोसालस्स मंखलिपुत्तस्स ते सत्त तिले गणमाणस्स अयमेयारूवे अब्मत्थिए जाव समुप्पज्जित्था । एवं खलु सव्वजीवावि पट्टपरिहारं परहरंति, एस णं गोयमा ! गोसालस्स मंखलिपुत्तस्स पट्टे एस णं गोयमा ! गोसालस्स मंखलिपुत्तस्स ममं अंतियाओ आयाए अवक्कमणे पं० ।
वृ. 'जाहेय मोत्ति यदा च स्मो - भवामो वयं 'अनिफन्नमेव' त्ति मकारस्यागमिकत्वादनिष्पन्न एव। 'वणस्सइकाइयाओ पउट्टपरिहारं परिहरंति' त्ति परिवृत्य २ - मृत्वा २ यस्तस्यैव वनस्पतिशरीरस्य परिहारः- परिभोगस्तत्रैवोत्पादोऽसौ परिवृत्यपरिहारस्तंपरिहरन्ति - कुर्वन्तीत्यर्थः, 'खुड्डुइ' त्ति त्रोटयति 'पट्टे' त्ति परिर्वत्तः परिवर्त्तवाद इत्यर्थः 'आयाए अवक्कमणे' त्ति आत्मनाऽऽदाय चोपदेशम् ‘अपक्रमणम्' अपसरणं ।
१७०
मू. (६४३) तए णं से गोसाले मंखलिपुत्ते एगाए सणहाए कुम्मासपिंडियाए य एगेण य वियडासएणं छट्टंछट्टेणं अनिक्खित्तेणं तेवोकम्मेणं उड्डुं बाहाओ पगिज्झिय२जाव विहरइ । तणं से गोसाले मंखलिपुत्ते अंतो छण्हं मासाणं संखित्तविउलतेयलेसे जाए ।
मू. (६४४) तए णं तस्स गोसालस्स मंखलिपुत्तस्स अन्नया कयावि इमे छद्दिसाचरा अंतिय पाउब्भवित्था तं - साणो तं चैव सव्वं जाव अजिणे जिणसद्दं पगासेमाणे विहरति, तं नो खलु गोयमा ! कोसाले मंखलिपुत्ते जिणे जिणप्पलावी जाव जिणसद्दं पगासेमाणे विहरइ, गोसाले णं मंखलिपुत्ते अजिणे जिणप्पलावी जाव पगासेमाणे विहरइ, तए णं सा महतिमहालया महच्चपरिसा जहा सिवे जाव पडिगया ।
तए णं सावत्थीए नगरीए सिंघाडग जाव बहुजणो अन्नमन्नस्स जाव परूवेइ - जन्नं देवाणुप्पिया गोसाले मंखलिपुत्ते जिणे जिणप्पलावी जाव विहरइ तं मिच्छा, समणे भगवं महावीरे एवं आइक्खइ जाव परूवेइ एवं खलु तस्स गोसालस्स मंखलिपुत्तस्स मंखली नामं मंखपिता होत्था ।
तणं तस्स मंखलिस एवं चेव तं सव्वं भाणियव्वं जाव अजिणे जिणसद्दं पगासेमाणे विहरइ, तं नो खलु गोसाले मंखलिपुत्ते जिणे जिणप्पलावी जाव विहरइ गोसाले मंखलिपुत्ते अजिणे जिणप्पलावी जाव विहरइ, समणे भगवं महावीरे जिणे जिणप्पलावी जाव जिणसद्दं पगासेमाणे विहरइ ।
तसे गोसाले मंखलिपुत्ते बहुजणस्स अंतियं एयमट्टं सोच्चा निसम्म आसुरुत्ते जाव मिसिमिसेमाणे आयावणभूमीओ पचोरुहइ आयावणभूमीओ पच्चोरुहइत्ता सावस्थि नगरिं मज्झंमज्झेणं जेणेव हालाहलाए कुंभकारीए कुंभकारावणे तेणेव उवागच्छइ तेणे० २ हालाहलाए कुंभकारीए कुंभकारावणंसि आजीवियसंघसंपरिवुडे महया अमरिसं वहमाणे एवं वावि विहरइ वृ. 'जहा सिवे' त्ति शिवराजर्षिचरिते 'महया अमरिस' त्ति महान्तममर्षम् 'एवं वावि' त्ति एवं चेति प्रज्ञापकोपदर्श्यमानकोपचिह्नम्, अपीति समुच्चये ।
मू. (६४५) तेणं कालेणं २ समणस्स भगवओ महावीरस्स अंतेवसी आनंदे नामं थेरे पगइभद्दए जाव विणीए छवं छट्टेणं अनिक्खित्तेणं तवोकम्मेणं संजमेणं तवसा अप्पाणं भावेमाणे विहरइ, तए णं से आणंदे थेरे छट्ठक्खमणपाणगंसि पढमाए पोरिसीए एवं जहा गोयमसामी तहेव आपुच्छइ तहेव जाव उच्चनीयमज्झिमजाव अडमाणे हालाहलाए कुंभकारीए कुंभकारावणस्स
Jain Education International
For Private & Personal Use Only
www.jainelibrary.org
| SR No. | 003310 |
| Book Title | Agam Suttani Satikam Part 06 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |