Page Text
________________
भगवतीअङ्गसूत्रं (२) १३/-/४/५८०
जत्थ णं भंते! एगे आगसत्थिकायपएसे ओगाढे तत्थ केवतिया धम्मत्थिकाय० ?, सिय ओगाढा सिय नो ओगाढा, जइ ओगाढा एक्को, एवं अहम्मत्थिकायपएसावि, केवइया आगासत्थिकाय० ?, नत्थि एक्कोवि, केवतिया जीवत्थि० ?, सिय ओगाढा सिय नो ओगाढा, जइ ओगाढा अनंता, एवं जाव अद्धासमया ।
जत्थ णं भंते ! एगे जीवत्थिकायपएसे ओगाढे तत्थ केवतिया धम्मत्थि० ?, एक्को, एवं अहम्मत्थिकाय० एवं आगासत्थिकायपएसावि, केवतिया जीवत्थि० ?, अनंता, सेसं जहा धम्मत्थि - कायस्स । जत्थ णं भंते! एगे पोग्गलत्थिकायपएसे ओगाढे तत्थ केवतिया धम्मत्थिकाय० एवं जहा जीवत्थिकायपएसे तहेव निरवसेसं । जत्थ णं भंते! दो पोग्गलत्थिकायपदेसा ओगाढा तत्थ केवतिया धम्मत्थिकाय० ?, सिय एक्कोसिय दोन्नि, एवं अहम्मत्थिकायस्सि, एवं आगासत्थिकाय- स्सवि, सेसं जहा धम्मत्थिकायस्स ।
जत्थ णं भंते! तिन्नि पोग्गलत्थि० तत्थ केवइया धम्मत्थिकाय ० ?, सिय एक्कोसिय दोन्नि सिय तिन्नि, एवं अहममत्थिकायस्सवि, एवं आगासत्थिकायस्सवि, सेसं जहेव दोण्हं, एवं एक्केको वड्डियव्वो पएसो आइल्लएहिं तिहिं अत्थिकाएहिं, सेसं जहेव दोण्हं जाव दसण्ह सिय एक्कोससय दोन्नि सिय तिन्नि जाव सिय दस, संखेज्जाणं सिय एक्केसय दोन्नि जाव सिय दस सिय संखेज्जा, असंखेज्जाणं सिय एक्क जाव सिय संखेज्जा सिय असंखेज्जा, जहा असंखेज्जा एवं अनंतावि ।
जत्थ णं भंते ! एगे अद्धासमए ओगाढे तत्थ केवतिया धम्मत्थि० ?, एक्को, केवतिया अहम्मत्थि० ?, एक्को, केवतिया आगासत्थि० ?, एक्को, केवइया जीवत्थि० ?, अनंता, एवं. जाव अद्धासमया । जत्थ णं भंते! धम्मत्थिकाए ओगाढे तत्थ केवतिया धम्मत्थिकायप० ओगाढा नत्थि एक्कोवि, केवतिया अहम्मत्थिकायं ० ?, असंखेज्जा, केवतिया आगास० ?, असंखेज्जा, केवतिया जीवत्थिकाय० ?, अनंता, एवं जाव अद्धासमया ।
११४
जत्थ णं भंते ! अहम्मत्थिकाए ओगाढे तत्थ केवतिया धम्मत्थिकाय० ?, असंखेज्जा, केवतिया अहम्मत्थि० ?, नत्थि एक्कोवि, सेसं जहा धम्मत्थिकायस्स, एवं सव्वे, सट्टाणे नत्थि एक्कोवि भाणियव्वं, परट्ठाणे आदिल्लगा तिन्नि असंखेज्जा भाणियव्वा, पच्छिल्ला तिन्नि अनंता भाणियव्वा जाव अद्धासमओत्ति जाव केवतिया अद्धासमया ओगाढा नत्थि एक्कोवि ।
जत्थणं भंते! एगे पुढविकाइए ओगाढे तत्थ णं केवतिया पुढविक्कोइया ओगाढा ?, असंखेज्जा, केवतिया आउक्कोइया ओगाढा ?, असंखेज्जा, केवइया तेउकाइया ओगाढा ?, असंखेजा, केवइया वाउ० ओगाढा ?, असंखेज्जा, केवतिया वणस्सइकाइया ओगाढा ?, अनंता ।
जत्थ णं भंते! एगे आउकाइए ओगाढे तत्थ णं केवतिया पुढवि० असंखेज्जा, केवतिया आउ० असंखेज्जा, एवं जहेव पुढविकाइयाणं वत्तव्वता तहेव सव्वेसिं निरवसेसं भाणियव्वं जाव वणस्सइकाइयाणं जाव केवतिया वणस्सइकाइया ओगाढा ?, अनंता ॥
वृ. 'जत्य णं भंते! ' इत्यादि, यत्र प्रदेशे एके धर्मास्तिकायस्य प्रदेशोऽवगाढस्तत्रान्यस्तप्रदेशो नास्तीति कृत्वाऽऽह - 'नत्थि एक्कोवि'त्ति, धर्मास्तिकायप्रदेशस्थानेऽधर्मास्तिकायप्रदेशस्य विद्यमानत्वादाह– ‘एक्को’त्ति, एवमाकाशास्तिकायस्याप्येक एव, जीवास्तिकायपुद्गलास्तिकाययोः पुनरनन्ताः प्रदेशा एकैकस्य धर्मास्तिकायप्रदेशस्य स्थाने सन्ति तैः प्रत्येकमनन्तैर्व्याप्तोऽसावत
Jain Education International
For Private & Personal Use Only
www.jainelibrary.org
| SR No. | 003310 |
| Book Title | Agam Suttani Satikam Part 06 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |