Page Text
________________
४९८
भगवतीअङ्गसूत्रं ९/-/३३/४६४ यपब्मट्ठउत्तरिजा मुच्छावसणट्ठचेतगुरुई सुकुमालविकिन्नकेसहत्था परसुणियत्तव्व चंपगलया निव्वत्तमहे व्व इंदलट्ठीविमुक्कसंधिबंधणा कोट्टिमतलंसि धसत्ति सव्वंगेहिं संनिवडिया।
तएणं साजमालिस्स खत्तियकुमारस्समायाससंभमोयत्तियाए तुरियं कंचनभिंगारमुहविनिग्गयसीयलविमलजलधारापरिसिंचमाणनिव्ववियगायलंट्ठी उक्खेवयतालियंटवीयणगजणियवाएणं सफुसिएणं अंतेउरपरिजणेणं आसासिया समाणी रोयमाणी कंदमाणी सोयमाणी विलवमाणी जमालिं खत्तियकुमारं एवं वयासी।
तुमंसिणंजाया! अम्हं एगे पुत्ते इडे कंते पिए मणुन्ने मणामे थेजे वेसासिया संमए बहुमए अनुमए भंडकरंडगसमाणे रयणे रयणब्भूए जीविऊसविये हिययानंदिजणणे उंबरपुप्फमिव दुल्लभे सवणयाए किमंग पुण पासणयाए?, तं नो खलु जाया! अम्हे इच्छामो तुझंखणमवि विप्पओगं, तं अच्छाहि ताव जाया ! जाव ताव अम्हे जीवामो, तओ पच्छा अम्हेहिं कालगएहिं समाणेहिं परिणयवये वड्डियकुलवंसतंतुकजंमिनिरवयक्खेसमणस्स भगवओ महावीरस्सअंतियं मुंडे भवित्ता आगाराओ अनगारियं पव्वइहिसि।
तएणं से जमाली खत्तियकुमारो अम्मापियरो एवं वयासी तहावीणं तं अम्म! ताओ! जन्नं तुझे मम एवं वदह तुमंसिणंजाया! अम्हं एगे पुत्ते इढे कंतेतं चेव जाव पव्वइहिसि, एवं खलु अम्म! ताओ ! माणुस्सए भवे अनेगजाइजरामरणरोगसारीरमाणुस्सए कामदुक्खवेयणवसणसतोवद्दवाभिभूए अघुए अनितिए असासए संज्झब्भरागसरिसे जलबुब्बुदसमाणे कुसग्गजलबिंदुसन्निभेसुविणगदसणोवमे विजुलयाचंचले अनिच्चे सडणपडणविद्धंसणधम्मे पुट्विं वा पच्छा वाअवस्सविप्पजहियव्वे भविस्सइ, से केसणंजाणि अम्म! ताओ! के पुट्विंगमणयाए केपच्छागमणयाए ?,तंइच्छामिणं अम्मताओ! तुज्झेहिंअब्भणुन्नाएसमाणे समणस्स भगवओ महावीरस्स जाव पव्वइत्तए । तए णं तं जमालिं खत्तियकुमारं अम्मापियरो एवं वयासी
इमंचतेजाया! सरीरगंपविसिहरूवलक्खणवंजणगुणोववेयं उत्तमबलवीरियसत्तजुत्तं विन्नाणवियक्खणं ससोहग्गगुणसमुस्सियं अभिजायमहक्खमं विविहवाहिरोगरहियं निरुवहयउदत्तलट्ठ पंचिंदियपडुपढमजोव्वणत्थं अनेगउत्तमगुणेहिं संजुत्तं तं अणुहोहि ताव जाव जाया ! नियगसरीररूवसोहग्गजोव्वणगुणे, तओ पच्छा अनुभूयनियगसरीररूवसोहग्गजोव्वणगुणे अम्हेहिं कालगएहिं समाणेहिं परिणयवये वडियकुलवंसतंतुकजंमि निरवयक्खे समणस्स भगवओ महावीरस्स अंतियं मुंडे भवित्ता आगाराओअनगारियं पव्वइहिसि, तएणं से जमाली खत्तियकुमारे अम्मापियरो एवं वयासी--
तहाविणं तं अम्मत्ताओ ! जनं तुझे ममं एवं वदह-इमंचणं ते जाया! सरीरगंतं चेव जाव पव्वइहिसि, एवं खलु अम्मताओ! माणुस्सगं सरीरं दुक्खाययणं विविहवाहिसयसंनिकेतं अट्ठियकढुट्ठियंछिराण्हारुजालओणद्धसंपिणद्धं मट्टियभंडंवदुब्बलं असुइसंकिलिटुंअनिट्ठवियसव्व कालसंठप्पियं जराकुणिमजज्जरघरं व सडणपडणविद्धंसणधम्मं पुट्विं वा पच्छा वा अवस्सविप्पजहियव्वं भविस्सइ।
से केस णं जाणति ? अम्मताओ! के पुब्विं तं चेव जाव पव्वइत्तए । तए णं तं जमालिं
Jain Education International
For Private & Personal Use Only
www.jainelibrary.org
| SR No. | 003309 |
| Book Title | Agam Suttani Satikam Part 05 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 564 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |