Page Text
________________
४६
भगवतीअङ्गसूत्रं १/-/२/२७
चत्तारि किरियाओ पन्नत्ताओ, तंजहा- आरंभिया १ परि० २ माया० ३ अप्पञ्च० ४, तत्थणं जे ते मिच्छदिठ्ठी तेसि णं पंच किरियाओ कज्जुंति - आरंभिया जाव मिच्छदंसणवत्तिया, एवं सम्मामिच्छदिठ्ठीणंपि, से तेणट्टेणं गोयमा !०
नेरइया णं भंते! सव्वे समाउया सव्वे समोववन्नगा ?, गोयमा ! नो इणट्टे समठ्ठे, सेकेणठेणं ?, गोयमा ! नेरइया चउव्विहा पन्नत्ता, तंजहा-अत्थेगइया समाउया समोववन्नगा १ अत्थेगइया समाउया विसमोववन्नगा २ अत्थेगइया विसमाउया समोववन्नगा ३ अत्थेगइया विसमाउया विसमोववन्नगा ४ से तेणट्टेणं गोयमा ! ०
असुरकुमारा णं भंते ! सव्वे समाहारा सव्वे समसरीरा, जहा नेरइया तहा भाणियव्वा, नवरं कम्मवन्नलेस्साओ परिवण्णेयव्वाओ, पुव्वोववन्नगा महाकम्मतरागा अविसुद्धवन्नतरागा अविसुद्धलेसतरागा, पच्छेववन्नगा पसत्था, सेसं तहेव, एवं जाव थणियकुमाराणं । पुढविक्काइयाणं आहारकम्मवन्नलेस्सा जहा नेरइयाणं ।
पुढविक्काइया णं भंते! सव्वे समवेयणा ?, हंता समवेयणा, से केणट्टेणं भंते! समवेयणा गोयमा ! पुढविकाइया सव्वे असन्नी असन्निभूया अनिदाए वेयणं वेदेंति से तेणट्टेणंο पुढविक्काइया णं भंते! सव्वे समकिरिया ?, हंता समकिरिया, से केणट्टेणं ?, गोयमा ! पुढविक्काइया सव्वे माई मिच्छदिट्ठी ताणं निययाओ पंच किरियाओ कज्जुंति, तंजहा- आरंभिया जाव मिच्छदंसणवत्तिया, से तेणठ्ठेणं, समाउया समोववन्नगा, जहा नेरइया तहा भाणियव्वा, जहा पुढविक्काइया तहा जाव चउरिंदिया ।
पंचिंदियतिरिक्खजोणिया जहा नेरइया नाणत्तं किरियासु, पंचिंदियतिरिक्खजोणिया णं भंते! सव्वे समकिरिया ?, गा०, नो ति०, से केणट्टेणं, गो० पंचिंदियतिरिक्खजोणिया तिविहा पन्नत्ता, तंजहा सम्मदिट्ठी मिच्छदिट्ठी सम्मामिच्छदिट्ठी, तत्थ णं जे ते सम्मदिट्ठी ते दुविहा पन्नत्ता, तंजहा - अस्संजयाय संजयासंजयाय, तत्थ णं जे ते संजयासंजया तेसिणं तिन्नि किरियाओ कांति, तंज- आरंभिया परिग्गहिया मायावत्तिया. असंजयाणं चत्तारि, मिच्छदिट्टीणं पंच, सम्मामिच्छदिट्ठीणं पंच, मणुस्सा जहा नेरइया नाणत्तं जे महासरीरा ते बहुतराए पोग्गले आहारेति आहच्च आहारेति जे अप्पसरीरा ते अप्पतराए आहारेति अभिक्खणं आहारेति सेसं जहा नेरइयाणं जाव वेयणा ।
मणुस्सा णं भंते! सव्वे समकिरिया ?, गोयमा ! नो तिणट्टे समट्टे, सेकेणट्टेणं ?, गोयमा मणुस्सा तिविहा पत्ता, तंजहा सम्मदिट्ठी मिच्छदिट्ठी सम्मामिच्छदिठ्ठी, तत्थ णं जं ते सम्मदिट्ठी ते तिविहा पन्नत्ता, तंजहा- संजया अस्संजया संजयासंजया य, तत्थ णं जे ते संजया ते दुविहा पन्नत्ता, तंजहा- सरागसंजया य वीयरागसंजया य, तत्थ णं जे ते वीयरागसंजया ते णं अकिरिया, तत्थ णं जे ते सरागसंजया ते दुविहा पन्नत्ता, तंजहा- पमत्तसंजया य अपमत्तसंजया य, तत्थ णं जे ते अप्पमत्तसंजया तेसिणं एगा मायावत्तिया किरिया कज्जइ, तत्थ णं जे ते पमत्तसंजया तेसिणं दो किरियाओ कज्जुंति, तं० - आरंभिया य मायावत्तिया य, तत्थ णं जे ते संजयासंजया तेसि णं आइल्लाओ तिन्नि किरिया ओकज्जुंति, तं० आरंभिया १ परिग्गहिया २ मायावत्तिया ३, असंसजयाणं चत्तारि किरियाओ कज्जुंति - आरं० १ परि० २ मायावत्ति० ३ अप्पच्च० ४ मिच्छदि- ट्ठीणं पंच,
For Private & Personal Use Only
www.jainelibrary.org
Jain Education International
| SR No. | 003309 |
| Book Title | Agam Suttani Satikam Part 05 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 564 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |