Page Text
________________
शतकं-९, वर्गः-, उद्देशकः-३१
४६१ बुझेज्जा, से तेणडेणं जाव नो बुझेजा। ___असोचा णं भंते ! केवलिस्स वा जाव तप्पक्खियउवासियाए वा केवलं मुंडे भवित्ता आगाराओ अनगारियं पव्वएजा ?, गोयमा! असोचा णं केवलिस्स वा जाव उवासियाए वा अत्थेगतिए केवलं मुंडे भवित्ता आगाराओ अनगारियं पव्वइजा अत्थेगतिए केवलं मुंडे भवित्ता अगाराओ अनगारियं नो पव्वएज्जा।
से केणटेणं जाव नो पव्वएज्जा ?, गोयमा ! जस्स णं धम्मंतराइयाणं कम्माणं खओवसे कडे भवति सेणं असोचाकेवलिस्सवाजाव केवलं मुंडे भवित्ताअगाराओअनगारियंपव्वएजा, जस्सणं धम्मंतराइयाणं कम्माणं खओवसमे नो कडे भवति सेणं असोचाकेवलिस्स वा जाव मुंडे भवित्ता जाव नो पव्वएजा, से तेणतुणं गोयमा! जाव नो पव्वएज्जा।
असोच्चा णं भंते ! केवलिस्स वा जाव उवासियाए वा केवलं बंभचेरवासं आवसेज्जा?, गोयमा! असोचाणं केवलिस्सवाजाव उवासियाए वाअत्यंगतिए केवलंबंभचेरवासं आवसेजा अत्थेगतिए केवलं बंभचेरवासंनो आवसेज्जा, सेकेणटेणंभंते! एवं वुच्चइ जाव नो आवसेजा?, गोयमा! जस्सणं चरित्तावरणिज्जाणं कम्माणं खओवसमे कडे भवइ सेणं असोचाकेवलिस्स वा जाव केवलं बंभचेरवासं आवसेजा, जस्स णं चरित्तावरणिजाणं कम्माणं खओवसमे नो कडे भवइ से णं असोच्चाकेवलिस्स वा जाव नो आवसेज्जा, से तेणटेणं जाव नो आवसेजा।
___ असोचाणं भंते! केवलिस्सवाजाव केवलेणंसंजमेणं संजमेजा?, गोयमा! असोचाणं केवलिस्सजाव उवासियाए वाजाव अत्थेगतिए केवलेणं संजमेणं संजमेजा अत्थेगतिए केवलेणं संजमेणं नो संजमेजा, से केणटेणं जाव नो संजमेजा ?, गोयमा ! जस्स णं जयणावरणिजाणं कम्माणं खओवसमे कडे भवइ से णं असोच्चा णं केवलिस्स वा जाव केवलेण संजमेणं संजमेजा जस्स गंजयणावरणिज्जणं कम्माणं खओवसमे नो कडे भवइ से णं असोचाकेवलिस्स वा जाव नो संजमेजा, से तेणढेणं गोयमा! जाव अत्थेगतिए नो संजमेजा। ___असोचाणं भंते! केवलिस्स वाजाव उवासियाए वा केवलेणं संवरेणं संवरेज्जा?, गोयमा असोचाणं केवलिस्स जाव अत्थेगतिए केवलेणं संवरेणं संवरेजा अत्थेगतिए केवलेणं जाव नो संवरेज्जा, सेकेणट्टेणंजाव नो संवरेज्जा?, गोयमा! जस्सणं अज्झवसाणावरणिज्जाणं कम्माणं खओवसमे कडे भवइ से णं असोचाकेवलिस्स वा जाव केवलेणं संवरेणं संवरेज्जा, जस्स णं अज्झवसाणावरणिजाणं कम्माणं खओवसमे नोकडे भवइ सेणं असोचाकेवलिस्स वा जावनो संवरेजा, से तेणटेणं जाव नो संवरेज्जा ।
असोच्चा णं भंते ! केवलिस जाव केवलं आभिनिबोहियनाणं उप्पाडेजा ?, गोयमा ! असोचाणं केवलिस्स वा जाव उवासियाए वा अत्थेगतिए केवलं आभिनिबोहियनाणं उप्पाडेजा अत्थेगइए केवलं आभिनिबोहियनाणं नो उप्पाडेजा, से केणटेणंजाव नो उप्पाडेजा ?, गोयमा जस्सणंआभिनिबोहियनाणावरणिज्जाणं कम्माणं खओवसमेकडे भवइसेणं असोच्चाकेवलिस्स वा जाव केवलं आभिनोबोहियनाणं उप्पाडेजा, जस्सणं आभिनिबोहियनाणं नो उप्पाडेजा से तेणतुणं जाव नो उप्पाडेजा।
Jain Education International
For Private & Personal Use Only
www.jainelibrary.org
| SR No. | 003309 |
| Book Title | Agam Suttani Satikam Part 05 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 564 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |