Page Text
________________
४०४
भगवतीअङ्गसूत्रं ८/-/७/४१०
तिविहं तिविहेणं अस्संजयअविरय जाव एगंतबाला याविभवह,
तएणं ते थेरा भगवंतो ते अन्नउत्थिए एवं वयासी-केण कारणेणं अजो! अम्हे अदिन्नं गेण्हामो अदिन्नं भुंजामो अदिन्नं सातिजामो ?, जए णं अम्हे अदिन्नं गेण्हमाणा जाव अदिन्नं सातिजमाणा तिविहं तिविहेणं अस्संजय जाव एगंतबाला यावि भवामो?
तए णं ते अन्नउत्थिया ते थेरे भगवंते एवं वयासी-तुम्हा णं अजो ! दिजमाणे अदिन्ने पडिग्गहेजमाणे अपडिग्गहिए निस्सरिजमाणे अनिसट्टे, तुब्भेणं अज्जो ! दिज्जमाणं पडिग्गहगं असंपत्तं एत्थणं अंतरा केइ अवहरिज्जा, गाहावउइस्सणंतंभंते! नो खलु तंतुझ, तएण तुझे अदिवंगेण्हह जाव अदिन्नं सातिजह, तएणंतुझेअदिन्नंगेण्हमाणाजावएगंतबाला याविभवह।
तएणंते थेरा भगवंतोते अन्नउत्थिए एवंवयासी-नो खलु अजो! अम्हे अदिन्नंगिण्हामो अदिन्नं भुंजामो अदिनं सातिजामो अम्हे णं अजो! दिन्नं गेण्हामो दिन्नं जामो दिन्नं सातिजामो, तएणंअम्हे दिन्नं गेण्हमाणा दिन्नंभुंजमाणादिनसातिजमाणातिविहं तिविहेणंसंजयविरयपडिहय जहा सत्तमसए जाव एगंतपंडिया यावि भवामो, तए णं ते अन्नउत्थिया ते थेरे भगवंते एवं वयासी-केण कारणेणं अजो! तुम्हे दिन्नं गेण्हह जाव दिन्नं सातिज्जह, जएणंतुझे दिन्नं गेण्हमाणा जाव एगंतपंडिया यावि भवह।
तए णं ते थेरा भगवंतो ते अन्नउत्थिए एवं वयासी-अम्हे णं अञ्जो ! दिजमाणे दिने पडिग्गहेजमाणे पडिग्गहिए निसिरिजमाणे निसट्टे जेणं अम्हे णं अजो ! दिज्जमाणं पडिग्गहगं असंपत्तं एत्थ णं अंतरा केइ अवहरेज्जा अम्हाणं तं णो खलु तं गाहावइस्स, जए णं अम्हे दिन्नं गेण्हामो दिन्नं भुंजामो दिन्नं सातिजामो तए णं अम्हे दिन्नं गेण्हमाणा जाव दिन्नं सातिजमाणा तिविहं तिविहेणं संजय जाव एगंतपंडिया यावि भवामो, तुझे णं अजो! अप्पणा चेव तिविहं तिविहेणं अस्संजय जाव एगंतबाला याविभवह।
तए णं ते अन्नउत्थिया ते थेरे भगवंते एवं वयासी-केण कारणेणं अजो! अम्हे तिविहं जाव एगंतबाला यावि भवामो! तएणंते थेराभगवंतोते अन्नउत्यिएएवंवयासी-तुझेणं अज्जो अदिन्नं गेण्हह ३, तएणंतु अज्झो तुब्भे अदिन्नं गे० जाव एगंत०, तए णं ते अन्नउत्थिया ते तेरे भगवंते एवं वयास-केण कारणेणं अजो! अम्हे अदिनं गेण्हामो जाव एगंतबा०?
तएणं ते थेरे भगवंते ते अन्नउत्थिए एवं वयासी-तुझेणंअज्जो! दिज्जमाणे अदिनेतंचेव जावगाहावइस्स णं नो खलुतंतुझे, तएणं तुझे अदिन्नं गेण्हह, तंचेवजावएगंतबाला यावि भवह, तएणं ते अन्नउ० ते थेरे भ० एवं व०-तुझे णं अज्जो! तिविहं तिविहेणं अस्संजय जाव एगंतबा० भवह, तए णं ते थेरा भ० ते अन्नउत्थिए एवं वयासी-केण कारणेणं अम्हे तिविहं तिविहेणंजाव एयंतबाला यावि भवामो?
तएणं ते अन्नउत्थिया ते थेरे भगवंते एवं वयासी-तुझेणं अजो! रीयं रीयमाणा पुढविं पेच्चेह अभिहणह वत्तेह लेसेह संघाएह संघट्टेह परितावेह किलामेह उद्दवेह तए णं तुझे पुढविं पेञ्चेमाणे जाव उवद्दवेमाणा तिविहं तिविहेणं असंजयअविरय जाव एगंतबाला यावि भवह,
तएणं ते थेरा भगवंतो ते अन्नउत्थिए एवं वयासी-नो खलु अजो! अम्हे रीयंरीयमाणा पुढविं पेच्चेमो अभिहणामोजाव उवद्दवेमो अम्हे णं अजो! रीयंरीयमाणा कायं वा जोयं वा रियं
Jain Education International
For Private & Personal Use Only
www.jainelibrary.org
| SR No. | 003309 |
| Book Title | Agam Suttani Satikam Part 05 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 564 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |