Page Text
________________
३५६
भगवती अङ्गसूत्रं ८/-/१/३८६ ओरालिय एवं जहा ओरालियसरीरकायप्पयोगपरिणएणं आलावगो भनिओ तहा ओरालियमीसा सरीरकायप्पओगपरिणएवि आलावगो भानियव्वो, नवरं बायरवाउक्वाइयगब्भवक्कतियपंचिंदियतिरिक्खजोनियगब्भवक्कंतियमणुस्साणं, एएसि णं पजत्तापज्जत्तगाणं सेसाणं अपज्जत्तगाणं २ ।
जइ वेउब्वियसरीरकायप्पयोगपरिणए किं एगिंदियवेउब्वियसरीरकायप्पओगपरिणए जाव पंचिंदियवेउव्वियसरीर जावपरिणए ?, गोयमा ! एगिंदिय जाव परिणए वा पंचिंदिय जाव परिणए, जइ एगिंदिय जाव परिणए किं वाउकाइयएगिंदिय जाव परिणए अवाउक्वाइयएगिंदिय जाव परिणए ?, गोयमा ! आउक्वाइयएगिंदियजाव परिणए नो अवाउक्काइय जाव परिणए, एवं एएण अभिलावेणं जहा ओगाहणसंठाणे वेउव्वियसरीरं भनियं तहा इहवि भानियव्वं जाव पत्तसव्वट्टसिद्धअनुत्तरोववातियकप्पातीयवेमानियदेवपंचिंदियवेउव्वियसरीरकायप्पओगपरिणए वा अपजत्तसव्वट्टसिद्धकायप्पयोगपरिणए वा ३ ।
जइ वेउव्वियमीसासरीरकायप्पयोगपरिणए किं एगिंदियमीसासरीरकायप्पओगपरिणए वा जाव पंचिंदियमीसासरीरकायप्पयोगपरिणए ?, एवं जहा वेउव्वियं तहा मीसगंपि, नवरं देवनेरइयाणं अपजत्तगाणं सेसाणं पञ्जत्तगाणं तहेव जाव नो पज्जत्तसव्वट्टसिद्धअनुत्तरो जाव पओग० अपज्जत्तसव्वट्ठसिद्धअनुत्तरोववातियदेवपंचिंदियवेउव्वियमीसासरीरकायप्पओगपरिणए ४ ।
as आहारगसरीरकायप्पओगपरिणए किं मणुस्साहारगसरीरकायप्पओगपरिणए अमणुस्साहारग जाव प० ?, एवं जहा ओगाहणसंठाणे जाव इडिपत्तपमत्तसंजयसम्मद्दिट्ठिपजत्तगसंखेज्जवासाउय जाव परिणए नो अनिड्डिपत्तपमत्तसंजयसम्मद्दिट्टिपज्जत्तसंखेज्जवासाज्य जाव प०५ ।
जुइ आहारगमीसासरीरकायप्पयोगप० किं मणुसासाहारगमीसासरीर० ? एवं जहा आहरिगं तहेव मीसगंपि निरवसेसं भाणियव्वं ६ |
जइ कम्मासरीरकायप्पओगप० किं एगिंदियकम्मासरीरकायप्पओगप० जाव पंचिंदियकम्मासरीर जाव प० ?, गोयमा ! एगिंदियकम्मासरीरकायप्पओ० एवं जहा ओगाहण संठाणे कम्मगस्स भेदो तहेव इहावि जाव पत्तसव्ववसिद्धअनुत्तरो ववाइय जाव देवपंचिंदियकम्मासरीरकायप्पयोगपरिणए अपज्जत्तसव्वट्टसिद्ध अणु० जाव परिणए वा० ७ ।
जइ मीसापरिणए किं मणमीसापरिणए वयमीसापरिणए कायमीसापरिणए ?, गोयमा मणमीसापरिणए वयमीसा० कायमीसापरिणए वा, जइ मणमीसापरिणए किं सच्चमणमीसापरिणए वा मोसमणमीसापरिणए वा जहा पओगपरिणए तहा मीसापरिणएवि भानियव्वं निरवसेसं जाव पज्जत्तसव्वट्ठसिद्धअनुत्तरोववाइय जाव देवपंचिंदियकम्मासरीरगमीसापरिणए वा अपजत्तसव्ववसिद्धअनु० जाव कम्मासरीरमीसापरिणए वा ।
जइ वीससापरिणए किं वन्नपरिणए गंधपरिणे रसपरिणए फासपरिणए संठाणपरिणए गोयमा ! वन्नपरिणए वा गंधपरिणए वा रसपरिणए वा फासपरिणए वा संठाणपरिणए वा, जइ वन्त्रपरिणए किं कालवन्नपरिणए नील जाव सुक्किल्लवन्नपरिणए ?, गोयमा ! कालवन्नपरिणए जाव सुक्किल्लवन्नपरिणए, जइ गंधपरिणए किं सुब्भिगंधपरिणए दुब्भिगंधपरिणए ? गोयमा !
Jain Education International
For Private & Personal Use Only
www.jainelibrary.org
| SR No. | 003309 |
| Book Title | Agam Suttani Satikam Part 05 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 564 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |