Page Text
________________
शतकं - २, वर्ग:-, उद्देशक:- 9
१३७
दृढधर्म्माण इत्यादि गृह्यत इति, 'विउलं 'ति विपुलं विपुलाभिधानं 'मेघघनसंनिगासं 'ति धनमेघसदृशं-शान्द्रजलदसमानं कालकमित्यर्थ 'देवसंनिवायं' ति देवानां संनिपातः-समागमो रमणीयत्वाद् यत्र स तथा तं ‘पुढविसिलापट्टयं' ति पृथिवीशिलारूपः पट्टकः आसनविशेषः पृथिवीशिलापट्टकः, काष्ठशिलाऽपि शिला स्यादतस्तद्वयवच्छेदाय पृथिवीग्रहणं, 'संलेहणाजूसणाजूसियस्स' त्ति संलिख्यते-कृशीक्रियतेऽनयेति संलेखना - तपस्तस्या जोषणा - सेवा तया जुष्टः सेवितो जूषितो वा क्षपितो यः स तथा तस्य 'भत्तपाणपडियाइक्खियस्स'त्ति प्रत्याख्यातभक्तपानस्य 'कालं 'ति मरणं 'तिकड' इतिकृत्वा इदं विषयीकृत्य ।
मू. (११६) तए णं से खंदए अनगारे समणेणं भगवया महावीरेणं अब्भणुण्णाए समाणे हट्टतुट्ठ जाव हयहियए उट्ठाए उट्ठेइ २ समणं भगवं महा० तिक्खुत्तो आयाहिणं पयाहिणं करेइ २ जाव नमंसित्ता सयमेव पंच महव्वयाइं आरुहेइ २ त्ता समणेय समणीओ य खामेइ २ त्ता तहारूवेहिं थेरेहिं कडाईहिं सद्धिं विपुलं पव्वयं सणियं २ दुरुहेइ मेहधनसन्निगासं देवसन्निवायं पुढविसिलावट्टयं पडिलेहेइ २ उच्चारपासवणभूमिं पडिलेहेइ २ दब्भसंथारयं संथरइ २ त्तापुरत्याभिमुहे संपलियंकनिसन्ने करयलपरिग्गहियं दसनहं सिरसावत्तं मत्थए अंजलिं कट्टु एवं वदासि । नमोऽत्थु णं अरहंताणं भगवंताणं जाव संपत्ताणं, नमोऽत्थु णं समणस्स भगवओ म जाव संपाविउकामस्स, वंदामि गंभगवंतं तत्थ गयं इहगते, पासउ मे भयवं तत्थगए इहगयंतिकड वंदइ नम॑सति २ एवं वदासी
पुव्विपि मए समणस्स भगवओ महावीरस्स अंतिए सव्वे पाणाइवाए पञ्चक्खाए जावज्जीवाए जाव मिच्छदंसणसल्ले पच्चक्खाए जावजीवाए इयाणिंपि य णं समणस्स भ० मं० अंतिए सव्वं पाणाइवायं पच्चक्खामि जावज्जीवाए जाव मिच्छदंसणसल्लं पच्चक्खामि, एवं सव्वं असणं पाणं खा० सा० चउव्विहंपि आहारं पञ्च्चक्खामि जावज्जीवाए, जंपि य इमं सरीरं इट्टं कंतं पियं जाव फुसंतुत्तिकट्टु एयंपिणं चरिमेहिं उश्सासनीसासेहिं वोसिरामित्तिकड्ड संलेहणाजूसणाजूसिए भत्तपाणपडियाइक्खिए पाओवगए कालं अणवकंखमाणे विहरति ।
तए णं से खंदए अण० समणस्स भ० मं० तहारूवाणं थेराणं अंतिए सामाइयमादियाई इक्कारस अंगाई अहिजित्ता बहुपडिपुन्नाई दुवालसवासाई सामन्नपरियागं पाउणित्ता मासियाए संलेहणाए अत्ताणं झूसित्ता सट्टिं भत्ताइं अनसणाए छेदेत्ता आलोइयपडिक्कंते समाहिपत्ते आनुपुवीए
कालगए ।
मू. (११७) तए णं ते थेरा भगवंतो खंदयं अण० कालगयं जाणित्ता परिनिव्वाणवत्तियं काउस्सग्गं करेति २ पत्तचीवराणि गिण्हंति २ विपुलाओ पव्वयाओ सणियं २ पञ्च्चोरुहंति २ जेणेव समणे भगवं म तेणेव उवा समणं भगवं म वंदंति नम॑संति २ एवं वदासी
एवं खलु देवाणुप्पियाणं अंतेवासी खंदए नामं अनगारे पगइभद्दए पगतिविणीए पगतिउवसंते पगतिपयणुकोहमाणमायालोभे मिउमद्दवसंपन्ने अल्लीणे भद्दए विनीए, से णं देवाणुप्पिएहिं अब्भणुण्णाए समाणे सयमेव पंच महव्वयाणि आरोवित्ता समणे य समणीओ य खामेत्ता अम्हेहिं सद्धिं विपुलं पव्वयं तं चेव निरवसेसं जाव आनुपुवीए कालगए इमे य से आयारभंडए । भंतेत्ति भगवं गोयमे समणं भगवंम० वंदति नम॑सति २ एवं वयासी एवं खलु देवाणुप्पियाणं
Jain Education International
For Private & Personal Use Only
www.jainelibrary.org
| SR No. | 003309 |
| Book Title | Agam Suttani Satikam Part 05 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 564 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |