Agam 11 Ang 11 Vipak Sutra Shwetambar Agam Guna Manjusha

SR No.: 003261
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 36
Language: Prakrit
Classification: Book_Devnagari, Agam, Canon, F000, F001, & agam_vipakshrut
File Size: 4 MB

Page 35

(११) श्री विवागसूर्य बीओ सुयक्खंधो १ अ. (२३)
समणसतेहिं सद्धिं संपरिवुडा पुव्वाणुपुव्विं चरमाणा गा० दूइज्ज० जेणेव हत्थिणापुरे णगरे जेणेव सहस्संबवणे उज्जाणे तेणेव उवा० त्ता अहापडिरूवं उग्गहं उ० संजणं तवसा अप्पा भावेमाणा विहरंति, तेणं कालेणं० धम्मघोसाणं घेराणं अंतेवासी सुदत्ते नामं अणगारे उराले जाव लेस्से मासंमासेणं खममाणे विहरति, तते णं से सुदत्ते अणगारे मासखमणपरणर्गसि पढमपोरिसीए सज्झायं करेति जहा गोतमसामी ज(त) हेव सुहम्मे(दत्ते) धम्मघोसे थेरे आपुच्छति जाव अडमाणे सुमुहस्स गाहावतिस्स गिहं अणुपविट्ठे, तते णं से सुमुहे गाहावती सुदत्तं अणगारं एज्जमाणं पासति त्ता हट्ठतुट्ठे आसणाओ अब्भुट्ठेति पायपीढाओ पच्चोरुहति त्ता पाउयाओ ओमुयति एगसाडियं उत्त० सुदत्तं अणगारं सत्तट्ठपयाइं पच्चुग्गच्छति तिक्खुत्तो आयाहिणं पयाहिणं करेइ त्ता वंदति नम॑सति त्ता जेणेव भत्तघरे तेणे उवागच्छति त्ता सयहत्थेणं विउलेणं असणपाण० पडिलाभेस्सामीति तुट्ठे, तते णं तस्स सुमुहस्स गाहावइस्स तेणं दव्वसुद्धेणं दायगसुद्धेणं पडिगाहगसुद्धेणं तिविहेणं तिकरणसुद्धेणं सुदत्ते अणगारे पडिलाभिते समाणे संसारे परित्तीकते मणुस्साउए निबद्धे गिहंसि य से इमाई पंच दिव्वाई पाउब्भूताइं तं० - वसुहारा वुट्ठा दसद्धवण्णे कुसुमे निवतिते चेलुक्खेवे कते आहताओ देवदुंदुभीओ अंतराविय णं आगासंसि अहो दाणमहोदाणं घुट्टे य०, हत्थिणाउरे सिंघाडगजावपहेसु बहुजणो अण्णमण्णस्स एवं आइक्खइ० धण्णे णं देवा ! सुमुहे गाहावती जाव तं धण्णे णं देवाणु० सुमुहे गाहावई, तते णं से सुमुहे गाहावती बहूइं वाससताइं आउयं पालेति त्ता कालमासे कालं किच्चा इहेव हत्थिसीसए नगरे अदीणसत्तुस्स रण्णो धारिणीए देवीए कुच्छिसि पुत्तत्ताए उववण्णे, तते णं सा धारिणी देवी सयणिज्जंसि सुत्तजागरा २ ओहीरमाणी २ तहेव सीहं पासति सेसं तं चेव जाव उप्पिं पासादे विहरति, तं एवं खलु गोतमा ! सुबाहुणा इमा एयारूवा मणुस्सरिद्धी लद्वा०, पभु णं भंते ! सुबाहुकुमारे देवाणु० अंतिए मुंडे भवित्ता आगाराओ अणगारियं पव्वइत्तए ?, हंता पभू, तते णं से भगवंगोयमे समणं भगवं० वंदति नम॑सति त्ता संज तवसा अप्पाणं भावेमाणे विहरति, तते णं से समणे भगवं० अण्णया कयाई हत्थिसीसाओ णगराओ पुप्फगउज्जाणाओ कतवणमालजक्खयतणाओ पडि० त्ता बहिया जणवयविहारं विहरति, तते णं से सुबाहू कुमारे समणोवासए जाते अभिगयजीवाजीवे जाव पडिलाभेमाणे विहरति, तते णं से सुबाहुकुमारे अण्णया कयाई चाउद्दसमुट्ठिपुण्णमासिणीसु जेणेव पोसहसाला तेणेव उवा० त्ता पोसहसालं पमज्जति त्ता उच्चारपासवणभूमिं पडिलेहति ता दब्भसंधारगं संथारेइ दब्भसं० दुरूहति अट्ठमभत्तं पगेण्हति पोसहसालाए पोसहिए अट्ठमभत्तिए पोसहं पडिजागरमाणे विहरति, तए णं तस्स सुबाहुस्स कुमारस्स पुव्वरत्तावरत्तकाले धम्मजागर जागरमाणस्स इमे एतारूवे अज्झत्थिते० धण्णा णं ते गामागरजावसण्णिवेसा जत्थ णं समणे भगवं महावीरे विहरति, धण्णा णं ते राईसर० जे णं समणस्स० अंतिए मुंडा जाव पव्वयंति, धण्णा णं ते राईसर० जे णं समणस्स० अंतिए पंचाणुव्वतियं जाव गिहिधम्मंए पडिवज्जंति, धण्णा णं ते राईसर० जे णं समणस्स० अंति धम्मं सुणेति तं जइ णं समणे भगवं महावीरे पुव्वाणुपुव्विं जाव दुइज्नमाणे इहमागच्छेज्ना जाव विहरिज्जा तते णं अहं समणस्स० अंतिए मुंडे भवित्ता जाव पव्वएज्जा, तते णं समणे भगवं महावीरे सुबाहुस्स कुमारस्स इमं एयारूवं अज्झत्थियं जाव वियाणित्ता पुव्वाणुपुव्विं दूइज्जमाणे जेणेव हत्थिसीसे नगरे जेणेव पुप्फगउज्जाणे जेणेव कयवणमालप्पियस्स जक्खस्स जक्खायतणे तेणेव उवा० अहापडि० उग्ग० संजमेण जाव विहरति परिसा राया निग्गता, तते णं तस्स सुबाहुस्स कुमारस्स तं महया० जहा पढमं तहा निग्गओ धम्मो कहिओ परिसा राया पडिगता, तते णं से सुबाहू कुमारे समणस्स भगवओ० अंतिए धम्मं सोच्चा निसम्म हट्ठ० जहा मेहो तहा अम्मापियरो आपुच्छति णिक्खमणाभिसेओ तहेव जाव अणगारे जाते ईरियासमिते जाव बंभयारी, तते णं से सुबाहू अणगारे समणस्स भगवओ महावीरस्स तहारूवाणं थेराणं अंतिए सामाइयमाई याई एक्कारस अंगाई अहिज्जति त्ता बहूहिं चउत्थ० तवोविहाणेहिं अप्पाणं भावेत्ता बहूइं वासाइं सामण्णपरियागं पाउणित्ता मासियाए संलेहणाए अप्पाणं झूसित्ता सविं भत्ताइं अणसणाए छेदित्ता आलोइयपडिक्कंते समाहिं पत्ते कालमासे कालं किच्चा सोहम्मे कप्पे देवत्ताए उववण्णे, से णं ततो देवलोयाओ आउक्खएणं भवक्खएणं ठितिक्खएणं अनंतरं चयं चइत्ता माणुसं विग्गहं लभिहिति त्ता केवल बोहिं बुज्झिहिति त्ता तहारूवाणं थेराणं अंतिए मुंडे जाव पव्वइस्सति, से णं तत्थ बहूई वासाई सामण्णं पाउणिहिति त्ता आलोइयपडिक्कंते समाहि० कालगते सणकुमारे कप्पे देवत्ताए उववण्णे, से णं ताओ देवलोयाओ० ततो माणुस्सं पव्वज्जा बंभलोए माणुस्सं महासुक्के माणुस्सं आणए० ततो माणुस्सं आरणे माणुस्सं सव्वट्ठसिद्धे,
For Private & Pers
XOXOLE 4454644454644 45 45 45 46 46 LELELELELELELELELELEo THE LE LE LE LE LE LE LE LE LE LE LE LE LE LE LE LE LE LE LEVEL MENE VENEC
७७.७५