Agam 04 Ang 04 Samvayang Sutra Shwetambar Agam Guna Manjusha

SR No.: 003254
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 51
Language: Prakrit
Classification: Book_Devnagari, Agam, Canon, & agam_samvayang
File Size: 5 MB

Page 30

(४) समवायगसुत्त ३४-३५-३६ हाण (१७)
ROAC%乐玩乐乐乐乐乐$$$$$$$$$$乐乐乐乐乐乐乐乐乐听听听听听听听听听听听听听听听听听听听听听FGO
तेत्तीसं पलिओवमाइं ठिती पण्णत्ता । विजय-वेजयंत-जयंत-अपराजितेसु विमाणेसु उक्कोसेणं तेत्तीसं सागरोवमाई ठिती पण्णत्ता। (३) जे देवा सव्वट्ठसिद्धं महाविमाणं देवत्ताते उववण्णा तेसि णं देवाणं अजहण्णमणुक्कोसेणं तेत्तीसं सागरोवमाइं ठिती पण्णत्ता । ते णं देवा तेत्तीसाए अद्धमासेहिं आणमंति वा पाणमंति वा ॥ ऊससंति वा नीससंति वा । तेसि णं देवाणं तेत्तीसाए वाससहस्सेहिं आहारढे समुप्पज्जति । (४) संतेगतिया भवसिद्धिया जीवा जे तेत्तीसाए भवग्गहणेहिं
सिज्झिस्संति [जाव सव्वदुक्खाणं अंतं करेस्संति] [[३४.]XXXचोत्तीसं बुद्धातिसेसा पण्णत्ता, तंजहा अवट्ठिते केसु-मंसु-रोम-णहे १, निरामया निरुवलेवा 卐 गायलट्ठी २, गोखीरपंड्डुरे मंससोणिते ३, परमुप्पलगंधिए उस्सासनिस्सासे ४, पच्छन्ने आहारनीहारे अदिस्से मंसचक्खुणा ५, आगासगयं चक्कं ६, आगासगं
छत्तं ७, आगासियाओ सेयवरचामरातो ८, आगासफालियामयं सपायपीढं सीहासणं ९, आगासगतो कुडभीसहस्सपरिमंडियाभिरामो इंदज्झओ पुरतो गच्छति १०, जत्थ जत्थ वि य णं अरहंता भगवंतो चिट्ठति वा निसीयंति वा तत्थ तत्थ वि य णं तक्खणादेव संछन्नपत्तपुप्फपल्लवसमाउलो सच्छत्तो सज्झओ सघंटो सपडातो असोगवरपायवो अभिसंजायति ११, ईसि पिट्ठओ मउडट्ठाणम्मि तेयमंडलं अभिसंजायति, अंधकारे वि य णं दस दिसातो पभासेति १२, बहुसमरमणिज्ने भूमिभागे १३, अहोसिरा कंटया भवंति १४, उडु अविवरीया सुहफासा भवंति १५, सीतलेणं सुहफासेणं सुरभिणा मारुएणं जोयणपरिमंडलं सव्वओ समंता संपमज्जिज्जइत्ति १६, जुत्तफुसिएणय मेहेण नियरयरेणुयं कज्जति १७, जलथलयभासुरपभूतेणं विंटठ्ठाइणा दसद्धवण्णेणं कुसुमेणंजाणुस्सेहप्पमाणमेत्ते पुप्फोक्यारे कज्जति १८, अमणुण्णाणं सद्द-फरिस-रस-रूव-गंधाणं अवकरिसो भवति १९, मणुण्णाणं सद्द-फरिस-रस-रूव-गंधाणं पाउब्भावो भवति २०, पच्चाहरतो विय णं हिययगमणीओ जोयणनीहारीसरो २१, भगवं च णं अद्धमागधाए भासाए धम्ममातिक्खति २२, सा वि य णं अद्धमागधा भासा भासिज्जमाणी तेसिं सव्वेसिं आरियमणारियाणं दुप्पय-चउप्पयमिय-पसु-पक्खि-सिरीसिवाणं अप्पप्पणो हितसिवसुहदा भासत्ताए परिणमति २३, पुव्वबद्धवेरा वियणं देवासुर-नाग-सुवण्णजक्ख-रक्खस-किंनर-किंपुरिस-गरुल-गंधव्व-महोरगा अरहतो पायमूले पसंतचित्तमाणसा धम्मं निसामेति २४, अण्णतित्थियपावयणी वि य णं आगया वंदंति २५, आगया समाणा अरहओ पायमूले निप्पडिवयणाभवंति २६, जतो जतो वि य णं अरहता भगवंतो विहरंति ततो ततो वि य णं जोयणपणुवीसाएणं ईती न भवति २७, मारी न भवति २८, सचक्कं न भवति २९, परचक्कं न भवति ३०, अतिवुट्ठी न भवति ३१, अणावुट्ठी न भवति ३२, दुब्भिक्खं न भवति ३३, पुव्वप्पण्णा वि य णं उप्पातिया वाही खिप्पामेव उवसमंति ३४ । जंबुद्दीवे णं दीवे चउत्तीसं चक्कवट्टिविजया पण्णत्ता, तंजहा बत्तीसं महाविदेहे भरहे, एरवए। जंबुद्दीवेणं दीवे चोत्तीसं दीहवेयड्ढा पण्णत्ता। जंबुद्दीवे णं दीवे उक्कोसपदे चोत्तीसं तित्थकरा समुप्पज्जति । चमरस्स णं असुरिंदस्स असुररण्णो चोत्तीसं भवणावाससतसहस्सा पण्णत्ता। पढम-पंचम-छट्ठी-सत्तमासु चउसु पुढवीसु चोत्तीसं निरयावाससतसहस्सा पण्णत्ता । [३५]. *** पणतीसं सच्चवयणाइसेसा पण्णत्ता । कुंथू णं अरहा पणतीसं धणूइं उईउच्चत्तेणं होत्था । दत्ते णं वासुदेवे पणतीसं धणूई उईउच्चत्तेणं होत्था । नंदणे णं बलदेवे पणतीसं धणूई उहुंउच्चत्तेणं होत्था। सोहम्मे कप्पे सभाए सोहम्माए माणवए चेतियक्खंभे हेट्ठा उवरिं च अद्धतेरस अद्धतेरस जोयणाणि वज्जेत्ता मज्झे पणतीसाए जोयणेसु वतिरामएसु गोलवट्टसमुग्गतेसु जिणसकहातो पण्णत्तातो । बितिय-चउत्थीसु दोसु पुढवीसु पणतीसं निरयावाससयसहस्सा पण्णत्ता। [३६]. *** छत्तीसं उत्तरज्झयणा पण्णत्ता, तंजहा विणयसुयं १, परीसहा २, चाउरंगिनं ३, असंखयं ४, अकाममरणिज्ज ५, पुरिसविज्जा ६, उरब्भिज्ज ७, काविलिज्ज ८, नमिपव्वज्जा ९, दुमपत्तयं १०, बहुसुतपुज्जा ११, हरितेसिज्ज १२, चित्तसंभूयं १३, उसुकारिनं १४, सभिक्खुगं १५, समाहिट्ठाणाइं १६, पावसमणिज्जं १७, संजइज्ज १८, मियचारिता १९, अणाहपव्वज्जा २०, समुद्दपालिज्ज २१, रहनेमिज्जं २२, गोतमकेसिज्ज २३, समितीओ २४, जण्णतिज्जं २५, सामायारी २६, खलुंकिज्ज २७, मोक्खमग्गगती २८, अप्पमातो २९, तवोमग्गो ३०, चरणविही ३१, पमायट्ठाणाई ३२, कम्मपगडि ३३, लेसज्झयणं ३४, अणगारमग्गे ३५, जीवाजीवविभत्ती य ३६ । चमरस्स णं असुरिंदस्सम
असुररण्णो सभा सुधम्मा छत्तीसं जोयणाई उहुंउच्चत्तेणं होत्था । समणस्स णं भगवतो महावीरस्स छत्तीसं अज्जाणं साहस्सीतो होत्था। चेतासोएसुणं मासेसु सति re: 5
5 555555555555 श्री आगमगुणमंजूषा - १९४555555555555555555555OOK