Agam 04 Ang 04 Samvayang Sutra Shwetambar Agam Guna Manjusha

SR No.: 003254
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 51
Language: Prakrit
Classification: Book_Devnagari, Agam, Canon, & agam_samvayang
File Size: 5 MB

Page 31

(४) समवायंगसुतं ३६-३७-३८-३९-४०-४१-४२-४३-४४-ाई [१८]
छत्तीसंगुलियं सूरिए पोरिसिच्छायं निव्वत्तति । [३७] ★★★. कुंथुस्स णं अरहओ सत्तत्तीसं गणा सत्तत्तीसं गणहरा होत्था। हेमवय हेरण्णवतियातो णं जीवातो सत्तत्तीसं सत्तत्तीसं जोयणसहस्साइं छच्च चोवत्तरे जोयणसते सोलस य एकूणवीसइभाए जोयणस्स किंचिविसेसूणातो आयामेणं पण्णत्तातो । सव्वासु णं विजयवेजयंत- जयंत अपराजितासु रायधाणीसु पागारा सत्तत्तीसं सत्तत्तीसं जोयणाई उउच्चतेणं पण्णत्ता । खुड्डियाए णं विमाणप्पविभत्तीए पढमे वग्गे सत्तत्तीसं उद्देसणकाला पण्णत्ता | कत्तियबहुलसत्तमीए णं सूरिए सत्ततीसंगुलियं पोरिसिच्छायं निव्वत्तइत्ता णं चारं चरति । [३८] ★ ★ ★ पासस्स णं अरहतो पुरिसादाणीयस्स अट्ठत्तीसं अज्जिआसाहस्सीतो उक्कोसिया अज्जियासंपया होत्था। हेमवतेरण्णवतियाणं जीवाणं धणूवट्ठा अट्टत्तीसं अट्ठत्तीसं जोयणसहस्साई सत्त य चत्ताले जोयणसते दस एगूणवीसतिभागे जोयणस्स किंचिविसेसूणा परिक्खेवेणं पण्णत्ता । अत्थस्स णं पव्वयरण्णो बितिए कंडे अट्ठत्तीसं जोयणसहस्साइं उच्चत्तेणं पण्णत्ते । खुड्डियाए णं विमाणपविभत्तीए बितिए वग्गे अठ्ठत्तीसं उद्देसणकाला पण्णत्ता । [३९] ★ ★ ★ नमिस्स णं अरहतो एगूणचत्तालीसं आहोहियसया होत्था । समयखेत्ते णं एकूणचत्तालीसं कुलपव्वया पण्णत्ता, तंजहा तीसं वासहरा, पंचमंदरा, चत्तारि उसुकारा। दोच्च चउत्थ- पंचम छट्ठ-सत्तमासु णं पंचसु पुढवीसु एकूणचत्तालीसं निरयावाससतसहस्सा पण्णत्ता । नाणावरणिज्जस्स मोहणिजस्स गोत्तस्स आउस्स वि एतासि णं चउण्हं कम्मपगडीणं एकूणचत्तालीसं उत्तरपगडीतो पण्णत्ताओ। [४०]★★★ अरहतो णं अरिट्ठनेमिस्स चत्तालीसं अज्नियासाहस्सीतो होत्था । मंदरचूलिया णं चत्तालीसं जोयणाई उहुंउच्चत्तेणं पण्णत्ता । संती अरहा चत्तालीस घणूई उहुंउच्चत्तेणं होत्या । भूयाणंदस्स णं णागिंदस्स ? नागरण्णो चत्तालीसं भवणावाससयसहस्सा पण्णत्ता । खुड्डियाए णं विमाणपविभत्तीए ततिए वग्गे चत्तालीसं उद्देसणकाला पण्णत्ता । फग्गुणपुण्णिमासिणीए णं सूरिए चत्तालीसंगुलियं पोरिसिच्छायं निव्वट्टइत्ता णं चारं चरति । एवं कत्तियाए वि पुणिमाए । महासु कप्पे चत्तालीसं विमाणावाससहस्सा पण्णत्ता । [४१] ★ ★ ★ नमिस्स णं अरहतो एक्कचत्तालीसं अज्जियासाहस्सीओ होत्था । चउसु पुढवीसु एक्कचत्तालीसं निरयावाससयसहस्सा पण्णत्ता, तंजहा रयणप्पभाए पंकप्पभाए तमाए तमतमाए । महल्लियाए णं विमाणपविभत्तीए पढमे बग्गे एक्कचत्तालीसं उद्देसणकाला पण्णत्ता । [४२] ★★★ समणे भगवं महावीरे बायलीसं वासाई साहियाइं सामण्णपरियागं पाउणित्ता सिद्धे जाव प्पहीणे। जंबुद्दीवस्स णं दीवस्स पुरत्थिमिलाओ चरिमंताओ गोथुभस्स णं आवासपव्वतस्स पच्चत्थिमिल्ले चरिमंते एस णं बातालीसं जोयणसहस्साइं अबाहाते अंतरे पण्णत्ते । एवं चउद्दिसिं पि दओभासे संखे दयसीमे य । कालोए णं समुद्दे बायालीसं चंदा जोतिंसु वा जोइंति वा जोतिस्संति वा । बायालीसं सूरिया पभासिंसु वा पभासिंति वा पभासिस्संति वा । संमुच्छिमभुयपरिसप्पाणं उक्कोसेणं बायालीसं वाससहस्साइं ठिती पण्णत्ता । नामे णं कम्मे बायालीसविहे पण्णत्ते, तंजहा गतिणामे जातिणामे सरीरणा सरीरंगोवंगणामे सरीरबंधणणामे सरीरसंघायणणामे संघयणणामे संठाणणामे वण्णणामे गंधणामे रसनामे फासणामे अगरुलहुयणामे उवघायणामे पराघाता आणुपुव्वीणामे उस्सासणामे आतवणामे उज्जोयणामे विहगगतिणामे तसणामे थावरणामे सुहुमणामे बादरणामे पज्जत्तणामे अपज्जत्तणामे साधारणसरीरणा पत्तेयसरीरणामे थिरणामे अथिरणामे सुभणामे असुभणामे सुभगणामे दुब्भगणामे सुसरणामे दुस्सरणामे आदेज्जणामे अणादेज्नणामे जसोकित्तिणामे अजसोकित्तिणामे निम्माणणामे तित्थकरणामे । लवणे णं समुद्दे बायालीसं नागसाहस्सीओ अब्भिंतरियं वेलं धारेति । महालियाए णं विमाणपविभतीए बितिए वग्गे बायालीसं उद्देसणकाला पण्णत्ता । एगमेगाए णं ओसप्पिणीए पंचम छट्ठीतो समातो बायालीसं वाससहस्साइं कालेणं पण्णत्तातो । एगमेगाए णं उस्सप्पिणीए पढम-बितियातो समातो बायालीसं वाससहस्साई कालेणं पण्णत्तातो । [४३] ★★★ तेतालीसं कम्मविवागज्झयणा पण्णत्ता । पढम चउत्थ- पंचमासु तीसु पुढवीसु तेतालीसं निरयावाससयसहस्सा पण्णत्ता । जंबुद्दीवस्स णं दीवस्स पुरत्थिमिल्लाओ चरिमंताओ गोथुभस्स णं आवासपव्वतस्स पुरत्थिमिल्ले चरिमंते एस णं तेयालीसं जोयणसहस्साइं अबाहाए अंतरे पण्णत्ते । एवं चउद्दिसिं पि दओभासे संखे दयसीमे । महालियाए णं विमाणपविभत्तीए ततिए वग्गे तेतालीसं उद्देसणकाला पण्णत्ता । [४४] ★★★ चोत्तालीसं अज्झयणा इसिभासिया दियलोगचुताभासिया पण्णत्ता । विमलस्स णं अरहतो चोतालीसं पुरिसजुगाई अणुपट्ठिसिद्धाई जाव प्पहीणाई
श्री आगमगुणमंजूषा ११५