Agam 04 Ang 04 Samvayang Sutra Shwetambar Agam Guna Manjusha

SR No.: 003254
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 51
Language: Prakrit
Classification: Book_Devnagari, Agam, Canon, & agam_samvayang
File Size: 5 MB

Page 29

(४) समवायंगसुतं ३१-३२-३३ द्वाणं [१६]
ॐॐॐॐॐॐॐ
अभणा। खीणे दाणंतराए, एवं लाभ- भोग-उवभोग-वीरियंतराए ३१ । मंदरे णं पव्वते धरणितले एक्कतीसं जोयणसहस्साइं छच्च तेवीसे जोयणसते किंचिदेसू परिक्खेवेणं पण्णत्ते । जया सूरिए सव्वबाहिरयं मंडलं उवसंकमित्ता णं चारं चरति तया णं इहगयस्स मणूसस्स एक्कतीसाए जोयणसहस्सेहिं अट्ठहि य एक्कतीसे हिं जोयणसतेहिं सीसाए सट्टिभागेहिं जोयणस्स सूरिए चक्खुफासं हव्वमागच्छति । अभिवड्डिए णं मासे एक्कतीसं सातिरेगाणि रातिदियाणि रातिदियग्गेणं पण्णत्ते । आइच्चे णं मासे एक्कतीसं रातिंदियाणि किंचिविसेसूणाणि रातिंदियग्गेणं पण्णत्ते । (२) इमीसे णं रयणप्पभाए पुढवीए अत्थेगतियाणं नेरइयाण एक्कतीसं पलिओवमाई ठिती पण्णत्ता । असत्तमाए पुढवीए अत्थेगतियाणं नेरइयाणं एक्कतीसं सागरोवमाई ठिती पण्णत्ता । असुरकुमाराणं देवाणं अत्थेगतियाणं एक्कतीसं पलिओवमाइं ठिती पण्णत्ता | सोहम्मीसाणेसु कप्पेसु अत्थेगतियाणं देवाणं एक्कतीसं पलिओवमाइं ठिती पण्णत्ता। विजय - वेजयंत- जयंत अपराजिताणं देवाणं जहण्णेणं एक्कतीसं सागरोवमा ठिती पण्णत्ता । (३) जे देवा उवरिमउवरिमगेवेज्जयविमाणेसु देवत्ताते उववण्णा तेसि णं देवाणं उक्कोसेणं एक्कतीसं सागरोवमाई ठिती पण्णत्ता । ते णं देवा एकतीसाए अद्धमासेहिं आणमंति वा पाणमंति वा ऊससंति वा नीससंति वा । तेसि णं देवाणं एक्कतीसाए वाससहस्सेहिं आहारट्ठे समुप्पज्जति । संतेगतिया भवसिद्धिया जीवा जे एक्कतीसाए भवग्गहणेहिं सिज्झिस्संति जाव सव्वदुक्खाणं अंतं करेस्संति । [३२] ★★★ (१) बत्तीसं जोगसंगहा पण्णत्ता, तंजहा - आलोयणा १ निरवलावे २, आवतीसु दढधम्मया ३ । अणिस्सितोवहाणे य ४, सिक्खा ५ निप्पडिकम्भया ६ || ५३ || अण्णातता ७ अलोभे य ८, तितिक्खा ९
१० सुई ११ | सम्मद्दिट्ठी १२ समाही य १३, आयारे १४ विणओवए १५ || ५४ ॥ धितीमती य १६ संवेगे १७, पणिही १८ सुविहि १९ संवरे २० । अत्तदोसोवसंहारे २१, सव्वकामविरत्तया २२ ॥५५॥ पच्चक्खाणे २४-२४ विओसग्गे २५, अप्पमादे २६ लवालवे २७ । झाणसंवरजोगे य २८, उदए मारणंतिए २९ || ५६ || संगाणं च परिण्णा य ३०, पायच्छित्तकरणे ति य ३१ । आराहणा य मरणंते ३२, बत्तीसं जोगसंगहा ||५७|| बत्तीसं देविंदा पण्णत्ता, तंजहा चमरे, बलि, धरणे, भूयाणंदे, जाव घोसे, महाघोसे, चंदे, सूरे, सक्के, ईसाणे, सणकुमारे जाव पाणते, अच्चुते । कुंथुस्स णं अरहओ बत्तीसं जिणा बत्तीसं जिणसया होत्था ।
हम्पेत् विमाणावाससतसहस्सा पण्णत्ता । रेवतिणक्खत्ते बत्तीसतितारे पण्णत्ते । बत्तीसतिविहे णट्टे पण्णत्ते । (२) इमीसे णं रयणप्पभाए पुढवीए अत्येगतियाणं नेरइयाणं बत्तीसं पलिओवमाइं ठिती पण्णत्ता । अहेसत्तमाए पुढवीए अत्थेगतियाणं नेरइयाणं बत्तीसं सागरोवमाइं ठिती पण्णत्ता । असुरकुमाराणं देवाणं अत्थेगतियाणं बत्तीस पलिओवमाई ठिती पण्णत्ता। सोहम्मीसाणेसु कप्पेसु अत्थेगतियाणं देवाणं बत्तीसं पलिओवमाइं ठिती पण्णत्ता। (३) जे देवा विजयवेजयंत- जयंत अपराजितविमाणेसु देवत्ताते उववण्णा तेसि णं देवाणं अत्थेगतियाणं बत्तीसं सागरोवमाई ठिती पण्णत्ता । ते णं देवा बत्तीसाए अदमासेहिं आणमंति वा पाणमंत वा ऊससंति वा नीससंति वा । तेसि णं देवाणं बत्तीसाए वाससहस्सेहिं आहारट्ठे समुप्पज्जति । (४) संतेगतिया भवसिद्धिया जीवा जे बत्तीसाए भवग्गहणेहिं सिज्झिस्संति जाव सव्वदुक्खाणं अंतं करेस्संति । [३३] ★★★ (१) तेत्तीसं आसायणातो पण्णत्तातो, तंजहा सेहे रातिणियस्स आसन्नं गंता भवति, [आसायणा सेहस्स] १, सेहे राइणियस्स पुरतो गंता भवति, [आसायणा सेहस्स २], सेहे राइणियस्स [स?] पक्खं गंता भवति, आसायणा सेहस्स३, सेहे रातिणियस्स आसन्नं ठिच्चा भवति, आसायणा सेहस्स ४, जाव रातिणियस्स आलवमाणस्स तत्थगते चिय पडिसुणेति, [आसायणा सेहस्स] ३३, इति खलु एतातो तेत्तीसं आसायणातो। चमरस्स णं असुरिंदस्स असुररण्णो चमरचंचाए रायहाणीए एक्मेक्के बारे तेत्तीस तेत्तीसं भोमा पण्णत्ता । महाविदेहे णं वासे तेत्तीसं जोयणसहस्साई सातिरेगाइं विक्खंभेणं पण्णत्ताइं । जया णं सूरिए बाहिराणंतरं तच्चं मंडलं उवसंकमित्ता णं चारं चरति तया णं इहंगतस्स पुरिसस्स तेत्तीसाए जोयणसहस्सेहिं किंचिविसेसूणेहिं चक्खुफासं हव्वमागच्छति । ( २ ) इमीसे णं रयणप्पभाए पुढवीए अत्थेगतियाणं नेरइयाणं तेत्तीसं पलिओवमाइं ठिती पण्णता । अहेसत्तमाए पुढवीए काल-महाकाल-रोरूय-महारोरुएसु नेरइयाणं उक्कोसेणं तेत्तीसं सागरोवमाइं ठिती पण्णत्ता । अप्पतिट्ठाणे नरए नेरइयाणं अजहण्णमणुक्लोसेणं तेत्तीस सागरोवमाई ठिती पण्णत्ता । असुरकुमाराणं देवाणं अत्थेगतियाणं तेत्तीसं पलिओवमाइं ठिती पण्णत्ता । सोहम्मीसाणेसु कप्पेसु अत्थेगतियाणं देवाणं श्री आगमगुणमंजूषा - १९३ ॐ ॐ ॐ
ॐॐॐ